Read BORANA BIBLE – KITAABA WAAQA Sira 8 Bible Online

Sira 8 - BORANA BIBLE – KITAABA WAAQA bible

Sira 8

¹Nama guddinna sira qabu jala imbuini, hegeri harka isaatini badda.

²Dureesani woli indidina hegeri namaa gumbo keenna si gaargalcha. Worqini nama heddu balleesite hayyootale aka ira gorsite.

³Nama dubbi d'eeratini wo woli imormina, seeruma nama qoraani ibidati oltuquti.

⁴Nama ch'eera foko inqamneni wolinqosina hegeri hidda idaada si arabsa.

⁵Nama daba ira deebiuti jiru waan isaa inhaasaini, qaabad'i nuni ch'ufti nama ch'ubbuti.

⁶Jaarsa intuffatini nuleeni hagi toko jaarumati jira.

⁷Nama due tokole ira ingammadini; qabad'i nuni ch'ufti indoona.

⁸Jecha qaroo intuffatini. Mammaasa worrale barad'i akasini worra ira wo barate nama guddale dandeete hojatta.

⁹Dubbi jaarsa intuffatini worra ch'aqasi, wonti akanatiifi worri abbooti worraa ira wo barate. Atini dandeeti iraa wo barate, worrileeni aka hojja wo si gaafatani atini dandeete himtu.

¹⁰Ch'ubbicha aka inni ch'ubbu d'ibi tolchu iti inoofini, yo akasi taate ufuma balleesita; akuma nama qoraani ibidatu tuqu ka harka ufi gubu.

¹¹Nama jalla ch'eera inqamne akanumati kaate bira indeemini inni hegeri dubbi atini jettu siti gargalche siini yaka.

¹²Nama sira irre qabu wo inergisini yo ergifte akuma waan badeti jibbaad'i.

¹³Gati nama d'ibi ta baasu indandeenne ufira keete imbaasafi injed'ini yo hegeri ufira keete baasu malte.

¹⁴Jaallaba inhimatini, wonti akanatiifi inni maruma guddinna isaatifi si dabsata.

¹⁵Nama woma inlaallanne kara woliini iyaaina, yo nama akasitini woliini yaatani gaargala male woma inargatu, inni daalle waan fed'u taha, daalluma isaatini woliini dootani.

¹⁶Nama miira diqaatini wo imormini yokhaani koba woliini iyaaina. Nama akasi suni ijeechani isaa womaniti inni maro tokotu fulla nami injireti d'ae si ijeesafa.

¹⁷Daalle malaani ind'aatini, wonti akanatiifi waan atini jettuni tokole beekhe ind'ossu.

¹⁸Keessuma durati waan sila d'ossu malani tokole intolchini. Waan inni gadiini d'ufu imbeetu.

¹⁹Herega kanke nama ch'ufa ingarsisini, yo garsiifte hegeri qoomni gammada ch'ufa ufi d'owarta. Nad'eeni