Read BORANA BIBLE – KITAABA WAAQA Sira 9 Bible Online

Sira 9 - BORANA BIBLE – KITAABA WAAQA bible

Sira 9

¹ Niiti jaalatu fayyuma inhinaafini, ufuma aka isiini siini morkitu barsiifta.

²Nad'eeniti ufi kennite ufi imohachiisini.

³Nad'eeni biyya hanqad'i hegeri t'urura keesa si buufti.

⁴Nad'eeni sirbitu woliini iyaaina hegeri sobde si balleesiti.

⁵Dubra ila iti qabde inlalini hegeri wollaala keesa ufi buufteti gati sira fuud'ani.

⁶Sharmut'ani insabdaini hegeri si qolleesiti.

⁷Tanaafi dira keesa marte ufi d'aatu imimillaatini yokhaani moga sharmut'atini imarini.

⁸Hojja niiti mid'aaduni fuula keesa wold'uftani gara d'ibi millad'i. Mid'aaguma niiti tante intahini ind'aarainifi. Nama heddu ya mid'aagumti nad'eeni balleesite, mid'aagumti sunini akuma ibida garaa nama bobeesiti.

⁹Niiti nama d'ibitini woliini wo insoratina, yokhaani daad'i woliini ind'ugina; hegeri mid'aagumti isii si sobde d'araani isii si balleesiti. Aka namani jaala woltahani

¹⁰Jaala ke dullachaani woli ind'abini, haaresa isa gau inargatu. Jaalomi daad'ini wolfakaata ka akuma turtuni mid'aadu.

¹¹Gurra ch'uibichaati ind'ibbifatini; atini badi isa eegatu imbeetu.

¹²Waan nama Waaqa imbeenne gammachiisaati ingammadini; qaabad'i worri haga jiru ch'ufa wollaala qaba.

¹³Nama irre namaani ijeesu qabu ira fagaad'i, duuba akasini lubbu tante insodatu; ammo yo iti d'iate ufi eegad'i sifa ijeesa. Aka t'urura imullanne jiddu deemtu qaabad'i, yoosu abbirani si ijeesani.

¹⁴Haga dandeetu olla kanke fuula barad'i, ammalle nama wobeekhu ch'alla gorsa ira fud'ad'i.

¹⁵Nama wobeekhuni woli haasaa, ammalle haasai kankeleeni ha waan Seera Waaqa Gudda ch'alla tau.

¹⁶Nama d'ugaa qajeela ch'allaani woliini gololfad'a. Wonti atini ufi koorsituni guddooni ha soda Aabbo Waaqa ch'alla taatu. Jara lafa fidu

¹⁷Hogeesa dansa waan inni mid'aasuni faarsani, ammalle nama lafa fidule qarooma isa dubbi irati beekhani.

¹⁸Nama fayyuma tana hariifate ka woma inhubbanne dubbatu, nama akasi suni olla isaa keesa sodaatani jibbani.