Read BORANA BIBLE – KITAABA WAAQA Isaya 11 Bible Online

Isaya 11 - BORANA BIBLE – KITAABA WAAQA bible

Isaya 11

¹D'alooti Yese hunda mukha murani fakaata; ammo akuma dameeni latte hunda suni iraa baatu, akasuma hayyuuni d'aloota isa keesa d'alata.

²Lubbuuni AABBO Waaqa isa gubba teete, qaroomafi beekhaafi qalbi namaani fidani isaa kenniti. Inni fed'i AABBO Waaqa beekhe isa guddise, isa sodaate,

³iraa gammada. Inni waan ilaani argeefi ka gurraani d'agayeeni nama inqoru.

⁴Inni hiyyeesa d'ugaani qore, nama qarqaarsa inqamne kalcha. Jecha isaa gula wollaala namati murani, dubbi isaatini nama ch'ubbu fit'ani.

⁵Inni gumi isaa d'ugaafi qajeelani fida.

⁶Yayiifi hooliyeeni wolti galte, qeeramsaafi ilmooleeni ree woliini ch'iifti. Yabbiyeefi kubleeni nyench'aa woliini marra d'eedde, ijoolleeni didiqooni tissiti.

⁷Loonifi goorjami woliini marra d'eeddani, ilmaani worraleeni nagayaani woliini ch'ich'ifti. Nyeench'ileeni akuma looni buuyo nyaata.

⁸Daimi boola jawe bira tabate, ijoolleeni didiqooni harka ufii fulla bofi iti galu keesa nat'i.

⁹Gaara Waaqaa qulqullo Sioni gubbati nami waan hamtu woli intolchu. Akuma baariini bisaani guutani. Akasuma laftileeni beekha AABBO Waaqatini guutamti.

¹⁰Guyyaani ind'ufa, ka nami d'aloota Daudi hayyu tahe, akheekha gosa ch'ufaa tahu. Worri dira isaa keesati wolti bahe isa guddisa.

¹¹Gaafasi Aabbooni ammalle harka ufii d'eerefate, nama isaa ka lafa Ashurutifi Misiritiifi, Pathrositifi Kushitifi Elamutifi Babilonitifi Hamathitifi lafa d'aatu baariinitifi lafa bisaani baariini jiddu jirtu keesati hafe, galcha.

¹²AABBO Waaqi baandera oliqabe gosa ch'ufa garsiisa, aka inni worra Israelitiifi ka Yuda ka gargari firfirsani boojiani, wolti guure, gama lafa ch'ufaa woltiini d'ufa.

¹³Qot'eeni Efraimu badde, worri Yudaleeni deebie worri Efraimu qot'ise worra Israeliti nyaapa intahu.

¹⁴Worri wold'aqe, worra Filisti, ka ila aduu jiru, had'e, worra ilaboru tau saame, worra Edomutifi ka Moabu dabsate, worri Amoni harka worra jalati bula.

¹⁵AABBO Waaqi galaana Misiri gosse, galaana Frati bubbe owituuni gosse laga didiqa torba tolcha, aka nami miilaani taaku.

¹⁶Ammalle worra isaa, ka worra Ashuru jalaa bahe, achiti hafe, kara balla tolchaafi, akuma duri ababoota worraa, ta lafa Misiri keesaa baate, tolche.