Read BORANA BIBLE – KITAABA WAAQA Isaya 16 Bible Online

Isaya 16 - BORANA BIBLE – KITAABA WAAQA bible

Isaya 16

¹Dira seela ka lafa gamooji keesaa, worri Moabu ilmaani hoola toko nama Yerusalemu mohatu gibiraa erga.

²Worri afaani galaana Arnoniti eege, aka simpirre mana ufi keesaa gussani lafa mara.

³Worri waan worri worra Yudatini jed'u, Waan nu taanu nuti hima akuma mukha guyya gudda gaadisa dansaa qabu nu qorqorad'a, nu gaadisa keesani jala boqonna. Nu worra baqa yau; fulla nami tokoleeni nu ingareeti nu d'ossa.

⁴Lafa teesani keesa nu teesisa, nama nu balleesu fed'u duraa nu baasa. Nami nama dabsufi ka woballeesu hobae, nami lafa yakuleeni ch'ufti imbada.

⁵Duuba nami d'aloota Daudi toko hayyu tahe, d'ugaafi jaalalani biyya fida. Inni waan d'uga hurrise tolche, ammalle aka nami nama indabsine qorqorata.

⁶Worri Yuda waan jed'u, Nu ya d'ageenne, aka worri Moabu kiyyibu nu imbeenna, aka worri ufi olfuud'e ufi saadu, ammo wonti worri ufi saadufi injirtu.

⁷Worri Moabu maro gaargala ufitifi boha. Worri ch'ufti hojja sagale dansa dira Kir-Haresethi ta duri keesati nyaate qaabatu bohe ufi jibbaata.

⁸Oobru Heshbonitiifi, zabibu Sibmale imballeesani — zabibu daad'iini isii duri nama lafa mohate ch'ufa macheesite. Duri zabibuni sunini haga dira Yaseritifi haga lafa gamooji gara ilaborutifi haga galaana sooda gama suniti ejiti.

⁹Ammatana anini akuma Yazeri bohu zabibu Sibmatile boha. Imimaani kiyya dira Heshbonitiifi Elealeti maro mid'aani galchani ka nama gammachiisani injirreefi jigani.

¹⁰Nami tokoleeni ka oobru keesati gammadu injiru; nami oobru zabibu keesati iyye yokhaani sirbu injiru. Nami tokoleeni zabibu ch'ach'arase, daad'i imid'aafatu; deebiani gammadaani ilalabani.

¹¹Anini laalefad'e Moabu iraa bohe Kiaheresi iraa golgolaa.

¹²Worri Moabu fulla woyyuma ta gaara gubbatiifi, fulla Waaqa isaani iti kad'atani d'aqe, akasiini ufi dad'absiisa, ammo qarqaarsa womatu iraa inargatani.

¹³Dubbini AABBO Waaqi waan Moabu dubbate tana.

¹⁴Amma tana AABBO Waaqi waan jed'e, ganna saditi, duroomi Moabu kunini inhobaa. Ammalle nama isii heddu kana keesa nama diqaati hafa, sunileeni nama lalaafa taha.