Read BORANA BIBLE – KITAABA WAAQA Isaya 19 Bible Online

Isaya 19 - BORANA BIBLE – KITAABA WAAQA bible

Isaya 19

¹Kunini d'aamsa waan lafa Misiri d'aamani. AABBO Waaqi hurrise dumansa gubba lafa Misiriti d'ufuu jira. Wonti harkaani boch'ani, ka worri Misiri kad'atu, isa durati holate, garaani worra Misirileeni isa durati laafa.

²AABBO Waaqi waan jed'u, Anini worra Misiri wolti kaase oboleesi oboleesani woli had'e, ollani ollani woli had'e, diri diraani woli had'e hayyuuni hayyuuni woli had'e, namu lafaa woli balleesa.

³Anini mala worra Misiri balleese garaa worraa yaka. Worri waan harkaani boch'ani kaani wo gaafate, falfaltule d'aqe, ekherale gorsa iraa fud'ata.

⁴Anini worra Misiri harka hayyu hama naasu male worra mohatuti kenna. Dubbi tana ana, AABBO Waaqa guddati, jed'e.

⁵Bisaani galaana Misiri diqaatani, laftileeni ch'ufti godi.

⁶Bisaani galaana, suni hammaatani ajaani laana fooqatani. Ilaadufi aalaani gogoge,

⁷mid'aani afaani galaanati oobrani ch'ufti gogogani, bubbeeni fud'atti.

⁸Nami galaana suni keesaa qort'umi, guure sunini bulu laalefate boha; hokoofi t'ururaani worraa huji d'abe ufumaa ch'iise.

⁹Nami woya boofta d'au ufi jibbaate,

¹⁰nama woya d'aufi hogeeyini d'ibileeni ch'ufti garaa hammaatte, aka hama laalefate, waan taatu wollaalte.

¹¹Worri gugurdaani dira Soani raatu! Worri Farao, ka qalbi qabu, mala woma imbaane d'aa! Worri akami dandae Faraoni, Nu nama qarooti nu d'ale, worri keenna haguma duriti worruma hayyuuni keesaa d'alate, jed'a?

¹²Ee Farao, nami qalbi qabu, ka mala sii d'au, kaani meeti? Hegeri worri waan AABBO Waaqi guddaani worra Misiriti malate siti hima.

¹³Worri gugurdaani Soanitifi ka Memfesi raatu. Worri sila gosa gosani deemuu malte, ammo amma ya kara iraa gorse balleese.

¹⁴AABBO Waaqi yayu herega daalluma worrati buuse, tanaafi worri Misiri waan ch'ufa yake, aka nama machae diddiga ufi keesati jijiga.

¹⁵Nami tokoleeni ka lafa Misiri keesa jiru, dureesafi hiyyeesa taanaani, guddaafi diqa taanaani, dandae qarqaarsa worraa intahu.

¹⁶Guyyaani ind'ufa, ka worri Misiri aka nad'eeni wo sodaate, hojja AABBO Waaqa gudda, ka harka ufi d'eerefate worra d'aanu argu, mudame hollatu.

¹⁷Worri Misiri worra Yuda sodaata, hojja waan AABBO Waaqi guddaani worra tolchu fed'u qaabatani.

¹⁸Guyya suni diri shani ka Misiri afaani Ebrania dubbate, maqa AABBO Waaqa guddatini wo kakhata. Dira suni tokooni, dira Aduu jed'ani.

¹⁹Gaafa guyyaani sunini d'ufu lafa Misiri keesa waan sorio irati baasani AABBO Waaqa jaarani, d'akhaa woyyu seera Misiri d'at'uti old'aabani.

²⁰Woni sunini lafa Misiri keesa akheekha aka AABBO Waaqi lafa suni keesa jiru nama garsiisu. Hojja worra achi tau dabsani worri qarqaarsa AABBO Waaqa kad'atu, inni nama worra baasu iti erga.

²¹AABBO Waaqi worra Misiri ufi garsiise, duuba worrileeni isa hubate, isa yaamate, soriofi waan d'ibi isaa baasanini d'ufa. Ammalle worri isati kakhate kakhu suni guuta.

²²AABBO Waaqi worra Misiri ingaargalcha, ammo eege infayyisa. Worri isati deebie, inni kad'acha worraa d'agayeefi worra fayyisa.

²³Gaafa guyyaani suni d'ufu, kara guddati Misirifi Ashuru jiddu baha. Worri Ashurutifi ka Misiri woli keesa imaltu yae Waaqale woliini kad'ata.

²⁴Gaafasi Israeliini jabaatte, gurri isii haga Misirifi Ashuru gaha, lafti tunini sadeeni lafa iraa hafte taani ch'ufaa eeba taati.

²⁵AABBO Waaqi guddaani worra eebise waan jed'u, Ee, gumi tiyya ta Misiri, isani eebisa; ee, Worra Ashuru ka anini uume isani eebisa; ee, Israeli gumi anini fohad'e, isani eebisa.