Read BORANA BIBLE – KITAABA WAAQA Isaya 32 Bible Online

Isaya 32 - BORANA BIBLE – KITAABA WAAQA bible

Isaya 32

¹Takaa tana hayyuti d'ufa, ka d'ugaani lafa fidu, ammalle jari gugurdaani isa jala hojatuleeni qajeelumaani lafa fida.

²Worri suni ch'ufti dao qilleensa nama ira d'owartufi fulla bubbe iti d'okhatani fakaata. Worri bisaani lafa gamooji keesa yaatifi gaadisa rabsu d'akhaa, ka lafa d'eebicha keesa tau, fakaata.

³Ilaafi gurri worraleeni baname waan nami fed'u arge ch'aqasa.

⁴Worri deebie obsa ind'abu, ammo worri qalbi hubacha qabduni wo tolche dubbi diideese dubbata.

⁵Deebiani daalleleeni, nama d'uga injed'ani, yokhaani ch'ubbichaleeni, qajeela injed'ani.

⁶Daalleeni dubbi daalliti dubbate, ch'ubbu ch'alla herega. Inni waan tolchufi ka jed'ule ch'ufa keesa kara iraa gore maqa Waaqa balleesa, ammalle inni nama beela qabu beela imbaasu, ka d'eebu qabule bisaani inobaasu.

⁷Daalleeni ch'ubbiti, waan hamtu ch'alla tolchiti; isiini aka hiyyeesa sobde balleesite, d'uga sila worraa malte d'owitu, malatti.

⁸Ammo nami d'uga waan d'uga tolche waan qajeeluma gula deema.

⁹Isani nad'eeni machi keesa teetu, ta woma iyyane, waan anini jed'u kana ch'aqasa.

¹⁰Amma quufa qabdani, ammo ganna d'ufu hojja tana, ufi jibbaattani, wonti akanatiifi gaafasi mid'aani zabibu inguuratani, yokhaani mid'aani tokole imuratani.

¹¹Isani qara machi keesa, ka woma iyyane, teetani, ammo ammatana mudama, holad'a! Woya baafad'a, ch'arqi hid'aanati marad'a.

¹²Laalefad'a, mata qabad'a, oobru gumi tiyya ta zabibutifi ta mid'aani,

¹³ta badde mukha qoraatitiifi mogoreeni iti baate, boha. Maneeni nami keesati gammadeefi dira keesati nami machi argate boha.

¹⁴Mani hayyuleeni bade diri guddaleeni ona taha. Worraafi maneeni jajabduni dira worraatini qorqoratanileeni badde haga jirtu danqara taati. Harreeni diida achiti galte, hooliyeleni achi tikhati.

¹⁵Ammo Waaqi deebie lubbu ufi nuu erga. Lafti badde taani wo baafte oobruleeni sagale baafti.

¹⁶Lafa gamoojitifi ta oobrule keesa d'ugaafi qajeeluma tolchani.

¹⁷Waan nami ch'ufti d'uga gula deemuufi, lafti nagayafi finna dansa argatte, wonti ch'ufti tolti.

¹⁸Gumiini tiyya nagayaani teete, sodaani lafa keesaa badde, finni dansaani d'ufa.

¹⁹(Ammo bokeeni d'akhaani roobu baddati roobe, dirale ch'abse balleesa.)

²⁰Nami ch'ufti gammade, bisaani lafa ira dabrani, fulla ch'ufati mid'aani fach'aasani, harreleefi looleeni fulluma ch'ufa tikhatani.