Read BORANA BIBLE – KITAABA WAAQA Isaya 45 Bible Online

Isaya 45 - BORANA BIBLE – KITAABA WAAQA bible

Isaya 45

¹AABBO Waaqi yayu Koreshi fohate hayyu tolche! Wonti inni fohateefi, aka inni gosa ch'ufa dabsate, hayyoota ch'ufa miha isii iraa fuud'u, AABBO Waaqileeni balbala dira ch'ufa isa dura bana. Ammalle inni waan Koreshini jed'u,

²Anumati si dura deeme, gaareenifi kubilele balleese, lafaani woliqit'eesa. Anini balbala fullo ta sibiila diimani mid'aasani ch'abse sibiila isiile ch'ufa bulleesa.

³Anini fulla d'ossa, ta dukana keesaa, waan dansa sii kenna; akanaani aka anini AABBO Waaqa beete, aka Waaqi Israeli maqa keetiini si yaame hubata.

⁴Maro hojatu tiyya Yakobo yokhaani Israeli anini fohad'eefi maqa keetiini si yaame guddinna sii kenna ato atini na beekhu baatele.

⁵Anini AABBO Waaqa, ana male waaqi d'ibiini tokoleeni injiru. Ato atini na beekhu baatele, anini irre sii kenna.

⁶Wonti anini akasi tolchufi, aka nami lafa keesa jiru ch'ufti, aka ana AABBO Waaqa male waaqi d'ibiini injirre, beekhu.

⁷Anini ifsa mid'aase dukanale uume gaargalaafi nagayale namaatiini d'ufa. Waan kana ch'ufa ana AABBO Waaqa tolcha.

⁸Ee gubba, d'uga aka bokaya ga roobi, duumansi ha d'uga sunini d'ufu; lafti ha banamte baafami gadi yauti; d'ugaleeni ha woliini gadi baatu. Nami waan kana tolchu ana AABBO Waaqa.

⁹ Okoteeni faara, ta okote ch'ufaani wolifakatu, dandeete nama isi mid'aaseeni woi imoromti? D'oqeeni faara nama isii mid'aasuni, Atini maani hojata injetti? Okoteeni faara nama isii mid'aasuni dandeete, Atini woma mid'aasu imbeetu injetti?

¹⁰Nami dandae abba ufitini, Atini maani d'alte? Yokhaani haad'a ufitini, maaniti garaa kanke keesaa si bahe injed'a?

¹¹AABBO Waaqi qulqullooni Israeli, ka worra uume waan jed'u: Isani waan ilmaani tiyya na gaafatani yokhaani huji anini harka kiyyaani hojad'e nati himtani?

¹²Nami lafa mid'aase nama isi irati uume anuma. Harka kiyyaani anini gubba dirirse aduufi jiaafi urjileeni harka kiyya keesa jirti.

¹³Anumati Koreshi kaase, aka inni fed'i tiyya guute wo mid'aasu. Anini kara inni gula deemule ch'ufa inqajeelchaafi. Duuba inni dira kiyya jaare, gumi tiyya ta boojiani tisse tolchanile balchoomsa. Nami aka inni waan kana tolchu hori isaa kenne yokhaani isa gumbeese injiru.

¹⁴AABBO Waaqi waan Israeliini jed'u, Horiini lafa Misiritiifi ka lafa Kushi keesani tahe, worri d'ed'eeraani lafa Seba tisse isanii taha: worri suni ka sansalatani hid'aani isani gula yaa. Worri isani durati jilbifate waan jed'u, D'uguma Waaqi isani woliini jira, isa male waaqi d'ibiini injiru.

¹⁵Waaqi Israeli, ka gumi ufi baasu, Waaqa ufi d'ossu.

¹⁶Worra akheekha boch'ani waaqa tolfatu ch'ufa ch'eersani, worri ch'ufti ch'eeraani bada.

¹⁷Ammo AABBO Waaqati baafama haga jiru jireennatini worra Israeli baase, haga worri jiru ch'ufa ch'eeru d'owa.

¹⁸AABBO Waaqi gubba uume — Waaqi isuma! Inni lafa supe mid'aase, jabeese waan ind'umanne tolche. Inni lafa duwa imid'aasine, ammo fulla nami iti galu tolche. Ammalle inni waan jed'u, Anini AABBO Waaqa, waaqi d'ibiini injiru.

¹⁹Anini d'ossani indubbanne, yokhaani herega kiyya nama ind'ofanne. Anini worra Israelitini, lafa duwa keesa na barbaada injenne. Anini AABBO Waaqa, ka d'uga dubbate waan qajeela namati himu.

²⁰AABBO Waaqi waan jed'u, gumi gosa ch'ufaa wolti koota, isani ka nyaapa keesani jalaa baatani, wolti baha! Worri mukha boch'e waaqa tolfate sunini yau, ka waaqa dandae nama imbaamne kad'atu, worra wo beekhuniti!

²¹Koota, dubbi teesani gaadisati himad'a; nami dubbi qabu ha wolgaafatuti. Eenuti waan taha kana duri fage? Ana AABBO Waaqaniti? Waaqi gumi ufi baase anuma, ka d'ibiini injiru.

²²Nati deebia, baafama argad'a, isani gumiini lafa ch'ufa keesa jirtu! Waaqi anuma, na male kad'ibini injiru.

²³ Anini yayu kakhu jabdu kakhad'e, dubbini tiyya gara ingaltu: nami ch'ufti d'ufe, na durati jilbifate, aka naa saalfatu nati kakhata.

²⁴Worri na baane, AABBO Waaqa ch'alla keesa d'ugaafi jabeenni jira jed'a. Nama isa jibbu ch'ufti yo isati d'ufu ch'eera argata.

²⁵Anini, AABBO Waaqi, d'aloota Yakobo ch'ufa baase, duuba worrileeni na faarsa.