Read BORANA BIBLE – KITAABA WAAQA Isaya 47 Bible Online

Isaya 47 - BORANA BIBLE – KITAABA WAAQA bible

Isaya 47

¹ AABBO Waaqi waan jed'u, Ee Babiloni, barch'uma kanke ka hayyuma iraa bui, kooti, biyye keesa lafa tai. Atini qara dubra infuud'ini fakaata, dira ka takaa nami indabsatini, ammo armaa achi atini deebite laafte irre ind'abdu.

²D'akha daakhu fuud'i, mid'aani daakhi! Hagogo mata iraa fud'ad'i! Woya tante mimid'aadu baafad'i! Woya tante soqolad'i, galaana taaki.

³Biyyiti qulla tante agarte, ch'eeri kanke mullata. Anini haalo baafad'a, nami na d'owa injiru.

⁴Nami nu baasu Waaqa qulqullo Israeliti maqaani isaa AABBO Waaqa guddaya.

⁵AABBO Waaqi waan Babilonini jed'u, Dukana keesati ch'allisi tai; deebiani hayyiti lafa ch'ufa siini injed'ani!

⁶Anini gumi tiyyati dallane, isani deebitani na ind'aaltani jed'eeni. Anini harka kanke keesa worra buuse atini diqole worraa nahu didde; atini jaaroleele aka hama gaargalchite.

⁷Atini haga jirtu ch'ufa waan hayyiti taatu ufi seete ammo waan taate suni aka dansaa garaa keesa inkeyanne, yokhaani aka dansa inherenne.

⁸ Duuba amma ch'aqasi, atini ka machi jaalate waan nagaya qabdu ufi seete, ana male nami aka kiyya injiru anini d'iirsa male intau, yokhaani ilmaanile ind'abu ufiini jette.

⁹Ammo d'iotu guyya tokotu, gaargali si qabate, ato haga feetu falfala tolfattele d'iirsafi ilmaanile d'abda.

¹⁰Atini, Namu na inargu jette ch'ubbu tante keesati ufi d'ugeefatte. Qalbiifi beekhi kanke si sobe, garaa kanke keesati, Ana male nami aka kiyya injiru ufiini jette.

¹¹Ammo gaargali siti d'ufe falfala kanke ch'ufaani ufira d'owu dad'abda. Ammalle badiini tassa siqabati — ta atini taka waan isii inoobjatini!

¹²Murmafi falfala kanke kana tolfachuma tolfad'i, illakisini, ka atini haguma d'alate tolchuu jirtu. Hegeri wonti sunini si qarqaarte nyaapa kanke sodaachifti fa.

¹³Gorsi si gorsanileeni, irre womatu si intaane. Nami ayyaana hedu ka urji ilaalu, ka baati d'alatuni wo fage waan taha namati himu ha d'ufe sii baasuti.

¹⁴Worri sunini jirma buuyo ka ibidi gubu fakaata! Worri sunini dandae ibida suni jalaa ufi imbaasu, ibidi sunini waan nami qanqamaatuniti.

¹⁵Wonti worri haguma d'alattani isani gula yaatani wo gaafattani isani bahe sunuma. Worri ch'ufti kae isani biraa deeme kara ufi yae, duuba nama isani baasu d'abani.