Read BORANA BIBLE – KITAABA WAAQA Isaya 54 Bible Online

Isaya 54 - BORANA BIBLE – KITAABA WAAQA bible

Isaya 54

¹ Ee Yerusalemu, atini qara niiti maseena fakaata, ammo ammatana gammadi, kobli sirbi. Ammatana atini nad'eeni takaa d'iirsi illakisini ira ijoolle heddu d'alta!

²Waaro atini iti galtu ballisi; haada isii d'eerisi, d'isa isii jabeesi!

³Atini seera lafa teeti mirgaafi bitati hiifate, nami keetileeni lafa gochiti d'ibiini amma keesa qubatu deefate, dira amma bade ona tahe kana nami guuta.

⁴Insodaatini deebiani si inch'eersani, yokhaani si indabsani. Ch'eera kanke ka gaafa atini kaimatifi ch'eekho atini aka haad'a hiyyeesaa teete deebite inqaabatu.

⁵AABBO Waaqi guddaani ka si uume d'iirsa si tahe, Waaqi qulqullooni Israeli, ka lafa ch'ufa fidu, si baasa.

⁶Atini niiti kaima, ta d'iirsi lakise gaargala argatte laalefattu fakaata. Ammo AABBO Waaqi ufiti si yaame, si deebise waan siini jed'u:

⁷Haga diqa toko anini si lakise ammo eege naasu guddooni si deefad'a.

⁸Anini maro dallansutifi haga diqa toko fuula siraa deefad'e, duuba eege jaalala ind'umanneeni si jaalad'a. AABBO Waaqi, ka si baasu, akana siini jed'a.

⁹ Gaafa bara Nuhu kaani anini kakhad'e waan jed'e, Anini deebie lafa bisaanini imballeesu, ammatana anini aka deebie siti indallanne yokhaani si ingaargalchine kakhad'a.

¹⁰Ato gaareeni chochoosani kubilele balleesani, jaalalti anini isi jaalad'u ind'umatu, anini kakhu tiyya ta nagaya haga jiru jireenna jabeesa. AABBO Waaqi ka sii nahu akana jed'a.

¹¹ AABBO Waaqi waan jed'u, Ee Yerusalemu, dira qarqaarsa inqamne, ka gaargala qabu, ka nami tokoleeni ka garaa si jabeesu injirre, anini yayaba kanke d'akha ch'uluqaani jaara.

¹²Doofi tante d'akha diima ch'uluqaani jaare, fullo tantele d'akha bibiliquuni jaare, naabo tantele d'akhaye ch'ululut'uni jaara.

¹³ Anumati ilmaani tante barsiise nagayafi hormaata kenneefi.

¹⁴D'ugaani si jabeesani, nama si dabse si mudamsiisu jalaa si baasani.

¹⁵Yo nami d'ufe si had'e anini quba inqabu; nami si had'u ch'ufti imbada.

¹⁶Anini tumtu ibida buufte woraana tumtu uume, askarti woraana sunini nama ijeeftule uume.

¹⁷Ammo woraani tokoleeni dandae woma si intolchu; nama si himatu ch'ufa waan jettuuni qabda. Anini hojatu tiyya ch'ufaa kalche, waan ch'ufa worra dabsachiisa. Dubbi tana AABBO Waaqati jed'e.