Read BORANA BIBLE – KITAABA WAAQA Isaya 8 Bible Online

Isaya 8 - BORANA BIBLE – KITAABA WAAQA bible

Isaya 8

¹AABBO Waaqi waan naani jed'e, Waan woi irati t'aaftu guddo fud'ad'i, dubbi tana aka nami ch'ufti aka dansaa argu irati t'aafi: Waan hurrisani saamani boojiani.

²Nama d'ugaa qajeela lama naa barbaadi, qaallicha Uriafi Zekaria ilma Yeberekia, aka worri d'uga naa tahu.

³Duuba eege niitiini tiyya garaachoofte ilma deete. Jennaani AABBO Waaqi waan naani jed'e, Maqa isaa waan hurrisani saamani boojiani baasiifi.

⁴Ato gurbaani guddate aabboofi aayyo jechu imbaratini, waan worri Damaski horateefi waan Samaria keesa boojiani ch'ufa hayyichi Ashuru d'ufe fud'ata.

⁵AABBO Waaqi ammalle nani dubbate waan jed'e,

⁶Waan worri kunini bisaani maddo Shiloa ka laana yaa dide, Resiniifi hayyu Peka durati holateefi,

⁷anini, Aabbooni hayyu Ashurutifi duula isaa ch'ufa d'ufeeni, lafa Yuda haasisa. Worri aka bisaani galaana Efrati fach'ae, lafa ch'ufa qabate d'ufe,

⁸lafa Yuda ch'ufa keesa yae waan ch'ufa hare, haga gurmu namaa olbahe waan ch'ufa d'ossa. Waaqi nu woliini jira! Inni koola ufii ballise akasiini lafa qorqorata.

⁹Ee gosa ch'ufa, sodaa wolti baha! Ee lafa fago jirtu, ch'aqasa. Kurfaa had'a, ammo ufi eegad'a! Ee, kurfaa had'a ammo ufi eegad'a!

¹⁰Mala d'aad'a! Ammo mali sunileeni woma imbahu, haga feetani dubbad'a, ammo dubbini sunini woma keesa injirtu, wonti akanatiifi Waaqi nu woliini jira.

¹¹AABBO Waaqi jabeenna isaatini na gorse waan jed'e, kara worri kunini gula yau gula indeemini.

¹²Mala worraa keesa inseeniini, waan worri sodaatu insodaatini.

¹³Qaabad'a, AABBO Waaqi guddaani anuma, anumati qulqullo, ka isani sodaachu maltani.

¹⁴Waan qulqulluma tiyyafi na sodaatanifi anini d'akha nama gufachiisu fakaad'a; anini worra Yudatifi ka Israelitiifi ka Yerusalemule t'urura iti fakaad'e qaba.

¹⁵Nami hedduuni gufate, jige ch'ach'abe t'ururaani qaqaba.

¹⁶Isani jari kiyya seera Waaqi nati kenne jabeesa qorqorad'a,

¹⁷AABBO Waaqi yayu gumi ufii duraa d'okhate, ammo anini isa d'ugeefad'e isa abdad'a.

¹⁸Anaafi ilmaani AABBO Waaqi naa kenne kunooti. AABBO Waaqi guddaani, ka gaara Sioni gubba tau, yayu nu erge, aka nu akheekhafi beesisa worra Israeliti taanu.

¹⁹Ammo biyyiti waan isaniini jettu, Nama wo himu falfaltu, worra ekhera yaamatu, ka woch'e haasaani wo dubbatu, gaafad'a. Worri waan jed'u, silaaftu nami ergattu gara ekheraati d'ufte maro nama jiruti jed'e wo gaafata.

²⁰Waan isani jettaniini, waan AABBO Waaqi isaniini jed'u ch'aqasa, Worra ekhera yaamatu inch'aqasina — wonti worri isaniini jed'u woma isaani imbaatu.

²¹Biyyiti beelofte ufi jibbaate lafa marti. Beelafi dallansu keesa Waaqafi hayyu worraa abaarani. Worri gubba laale,

²²lafale millate, ammo gaargalaafi dukana nama mudamsiiftu, ta worra iti gussani male, woma inargu. Karaani worri gaargala kana dura baqate bahuuni injiru.