Read BORANA BIBLE – KITAABA WAAQA Lawi 12 Bible Online

Lawi 12 - BORANA BIBLE – KITAABA WAAQA bible

Lawi 12

¹AAABBO Waaqi waan Musani jed'e,

²Waan atini worra Israelitini jettu, yo nad'eeni garaachoofte d'iira d'alte, isiini haga bulti torba qulqullooniti, akuma gaafa aada uwa gabdu.

³Gyya saddeeteeso daima suni ha qabanqaba qabanifi.

⁴Duuba eegi suni isiini bulti sodomi sadi ha ulma teete d'iiga deebifatu; isiini waan qulqullo intuqini, yokhaani Waaro Woyyuma inseeniini, haga isiini ulmaa baate qulqullooftuti

⁵Hojja nad'eeni dubra deete, isiini haga bulti kud'ani afuri qulqullooniti, akuma gaafa aada uwa qabdu. Duuba eegi suni isiini haga bulti jaatami jaa ha ulma teete d'iiga deefatu.

⁶Gaafa isiini ulmaa baate qulqulloofte, ilma d'iira yokhaani ta dubra taanaanile, isiini ha fulla balbala Waaro Woyyuma elemo gunna toko, ka sorio gubani baasanifi sabaliisa guddafi diqale taanaani ka sorio dabaani ufi iraa baasani baafte qaallichatini d'uftuti.

⁷Duuba qaallichi ha waan isiini d'ufteeni suni AABBO Waaqa baase, aada isiini qulqulleesani guutufi. Duuba akanaani isiini qulqulloofti. Aadaani na d'eeni d'iirafi dubra d'altu tana.

⁸Hojja niitiini suni Elemo baaftu inqamne, isiini ha sabaliisa gugurda lamafi yokhaani didiqa lamaani d'ufturi. Toko sorio gubani baasani, kaani sorio dabaani ufi iraa baasani baasani. Duuba qaallichi ha aada isiini qulqulleesani guutufi. Akanaani duuba isiini qulqulloofti