Read BORANA BIBLE – KITAABA WAAQA Lawi 15 Bible Online

Lawi 15 - BORANA BIBLE – KITAABA WAAQA bible

Lawi 15

¹AABBO Waaqi waan Musafi Harunini jed'e,

²Waan isani worra Israelitini jettani, Hojja nami d'iira ch'oftu qabaate, wonti isa keesaa yaa suni qulqullooniti;

³yo ch'oftuni sunini yaatufi, ka isiini iyyaanele nami sunini qulqullooniti.

⁴Sireeni inni ira taefi ta inni ira ch'iiseleeni qulqullooniti.

⁵Nami sire suni tuqeefi ka

⁶yokhaani waan inni ira tae ch'ufa ira tae woya miich'ate nafa d'iqachu male, ammalle haga aduuni d'iituti inni qulqullooniti.

⁷Ammalle nami nama ch'oftu qabu tuquleeni woya miich'ate nafa d'iqaachu male, ammalle haga aduuni d'iituti inni qulqullooniti.

⁸Yo nami ch'oftu qabu nama qulqullooti hanch'ufa tufe nami suni woya miich'ate nafa d'iqachu male, ammalle haga aduuni d'iituti inni qulqullooniti.

⁹Koorafi wonti inni ira tae ch'ufti qulqullooniti.

¹⁰Nami waan inni ira tae tuqeleeni haga aduuni d'iituti qulqullooniti ammalle nami waani inni ira tae qabate woya miich'ate nafa d'iqachu male. Innileeni haga aduuni d'iituti qulqullooniti.

¹¹Hojja nami ch'oftu qabu, ka harka ind'iqatini, nama d'ibi qabate, nami inni qabate suni woya miich'ate nafa d'iqachu male, ammalle haga aduuni d'iituti inni qulqullooniti.

¹²Ookote faara ta namichi suni tuqele ch'absu malani, ammalle d'ameela mukha ka inni qabate ch'ufa d'iqu malani.

¹³Eegi namichi ch'oftu fayye, torba bule inni woya miich'ate bisaani maddo d'iqachu male, duuba inqulqullaa.

¹⁴Guyya saddeeteeso inni ha sabaliisa lama didiqa yokhaani gugurda fuud'e fulla balbala Waaro Woyyuma geese qaallichati kennu.

¹⁵Qaallichu ha sabaliisa suni toko sorio dabaani ufi iraa baasani baase, kaani sorio gubani baasani baasu. Akanaani inni aada nama sunini qulqulleesani guuta.

¹⁶Hojja nami d'iira halkani ufiti oobjate, inni ha nafa ch'ufa d'iqatu, duuba haga aduuni d'iituti inni qulqullooniti.

¹⁷Waan inni iti oobjate, itile taanaani, woya taanaani d'iqu malani, ammalle haga aduuni d'iituti wonti sunini qulqullooniti.

¹⁸Nami d'iiratifi ka uwa eegi woliini rafe worri lachu bisaani d'iqachu male, duuba haga aduuni d'iituti worri qulqullooniti.

¹⁹Yo nad'eeni aada uwa qabaate, niitiini suni haga guyya torba qulqullooniti. Nami isi qabatuleeni haga aduuni d'iituti qulqullooniti.

²⁰Wonti isiini ira teetufi ka isiini ira ch'ufti qulqullooniti.

²¹Nami sire isiitiifi waan isiini ira teete qabatu, woya miich'ate nafa d'iqachu male, ammalle haga aduuni d'iituti inni qulqullooniti.

²⁴Hojja nami ka isiini aada uwa qabdu bira rafe, innileeni haga guyya torba qulqullooniti, ammalle sireeni inni gubba ch'iiseleeni qulqullooniti.

²⁵Hojja nad'eeni aada uwa guyya isii male ufirati garte, yokhaani hojja aadaani isii ta uwa ch'itu didde, isiini haga aadaani uwa suni iraa yaatu qulqullooniti, akuma gaafa qara isiini aada uwa qabdu.

²⁶Sire isiini ira ch'iiftufi wonti isiini gaafasi ira teetuleeni qulqullooniti.

²⁷Nami waan suni qabateleeni qulqullooniti, inni woya miich'ate nafa d'iqachu male; haga aduuni d'iituti inni qulqullooniti.

²⁸Eegi aada uwa keesa baate, isiini ha bulti torba teetu, duuba eege qulqullo taati.

²⁹Guyya saddeeteeso isiini sabaliisa lama gugurda yokhaani didiqa fuute qaallicha fulla balbala Waaro Woyyuma jiruti ha geesitu.

³⁰Duuba qaallichi ha toko fuud'e sorio dabaani ufi iraa baasani baase, kaani sorio gubani baasu; duuba akanaani aada isiini qulqulleesani guutafi.

³¹AABBO Waaqi waan Musafi jed'e, waan atini worra Israelitini jettu, waan isani t'ureesa ufira d'owa, aka isani Waaro tiyya ta jiddu teesani jirtu seentani t'ureesitani, akasiini dooti isani ingeenne.

³²Aadaani nama ch'oftu qabuufi yokhaani ka ufiti oobjatufi,

³³nad'eeni aada uwa qabdufi yokhaani nama d'iira ka nad'eeni aada uwa qabdu bira rafu tana.