Read BORANA BIBLE – KITAABA WAAQA Lawi 2 Bible Online

Lawi 2 - BORANA BIBLE – KITAABA WAAQA bible

Lawi 2

¹Hojja nami mid'aani AABBO Waaqaa baasu, ha ato imbaamne, daakhuti. Inni ha d'ad'afi hit'aana iti naqe,

²qaalole ilmaani Harunitini d'ufuti. Qaallichi ha mid'aani daakhani sunifi d'ad'afi hit'aanale ch'ufa harka guutate, waan mesa fakaata irati gubuti, aka wonti kunini ch'ufti qaabacha waan AABBO Waaqaa baasani taate, ch'inch'aani isii akasiini AABBO Waaqa gammachiiftu.

³Ammo wonti daakhani suni ka ira hafe ha sagale qaalole ilmaani Haruni taatu; sagaleeni suni sagale AABBO Waaqaa baasani keesaa fuud'ani, tanaafi isiini guddo qulqullo.

⁴Hojja wonti baasani suni qit'a d'aabani taate, qit'aani suni ha qit'a bukho inqamne tahuti. Ammalle mid'aani daakhani suni ha d'ad'ani wolti makhani fufurdisani qit'a d'aabaniti, yokhaani waan aka buddeena didiqo toko d'ad'a ibsani d'aabani.

⁵Hojja wonti baasani suni qit'a daboola irati d'aabani taate, qit'aani suni ka qit'a bukho inqamne tahuti, ammalle mid'aani daakhani suni ha d'ad'ani wolti makhaniti.

⁶Qit'a suni ch'ach'absi, d'ad'a iti naqi, qit'aani suni mid'aani Waaqaa baasani.

⁷Hojja wonti baasani suni mid'aani eeleti d'aabani taate, ha daakhani d'ad'ani wolti naqani.

⁸Duuba mid'aani Waaqaa baasani suni AABBO Waaqa geesi, qaallichati kenni, aka inni waan mesa fakaata kaaniti geesu.

⁹Duuba qaallichi ha waan baasani suni keesaa haga toko fuud'e waan mesa fakaata suni irati gubu, aka akanaani ch'inch'aani isii AABBO Waaqa gammachiiftu.

¹⁰Ammo wonti daakhani suni ka iraa hafe ha sagale Harunitifi ilmaani isaa taatu; sagaleeni suni sagale AABBO Waaqa baasani keesaa fuud'ani tanaafi isiini guddo qulqullo.

¹¹Mid'aani daakhani, ka bukho qaba, tokole AABBO Waaqaa imbaasini; bukho yokhaani damma tokole gubdani AABBO Waaqaa imbaasina.

¹²Mid'aani qara murattani AABBO Waaqa baasa, ammo waan mesa fakaata kaani irati ingubina.

¹³Mid'aani baaftani ch'ufa sooda ira buusa, wonti akanatiifi isani wold'aqisa keesani ka Waaqa keesa sooda d'abu himmalle. (Waan baaftani ch'ufa sooda keesa buusa.)

¹⁴Hojja mid'aani qara murattani AABBO Waaqaa baaftani, mid'aani akhawanifi yokhaani ka tumani baasafi.

¹⁵D'ad'afi hit'aana iti dara, mid'aani suni waan Waaqaa baasani.

¹⁶Duuba qaallichi ha mid'aani tumani suni ka haga garitifi d'ad'a haga garile, hit'aana ch'ufa woliini gubu, aka akasiini aka waan kana ch'ufa Waaqa iraa argatani garsiisu. Kunini waan gubani AABBO Waaqaa baasani.