Read BORANA BIBLE – KITAABA WAAQA Lawi 23 Bible Online

Lawi 23 - BORANA BIBLE – KITAABA WAAQA bible

Lawi 23

¹AABBO Waaqi waan Musani jed'e,

²Waan atini worra Israelitini jettu: Jilti AABBO Waaqa ta isani worri Israeli wolti d'ufe na kad'atu tana.

³Guyya jaa hojad'a, ammo guyyaani torbeeso guyya Sbato, ka huji lakisani boqatani wolti bahani Waaqa kad'atani. Sabatoni ta AABBO Waaqa fulla isani jirtani ch'ufati.

⁴Jila AABBO Waaqa tana yo isiini martu ch'ufa wolti hima tolfad'a.

⁵Pasakani jiltu AABBO Waaqa galgala guyya kud'ani afreeso ka jia qara jalaqabati.

⁶Ammalle guyya kud'ani shaneeso jila qit'a bukho inqamneti jalaqabata, duuba haga bulti torba qit'a bukho qabu inyaatina.

⁷Guyya qara wolti baha, Waaqa kad'ad'a, huji teesani ta guyya ch'ufa hojattani guyya suni lakisa.

⁸Haga guyya torba sorio Waaqaa baasa. Guyya torbeeso ammalle wolti baha, Waaqa kad'ad'a, huji teesani ta guyya ch'ufa hojattani guyya suni lakisa.

⁹AABBO Waaqi waan Musani jed'e,

¹⁰Waan atini worra Israelitini jettu, Hojja isani lafa anini isanii Kennuni baatani mid'aani isii murattani, mid'aani qara haamatani wolti qaba qaallu geesa.

¹¹Inni mid'aani suni olqabe, aka AABBO Waaqaa baasani garsiisa, aka akasiini Waaqa waan isani baaftani isani ira fud'atu. Qaallichi ha guyya Sabato boriyya waan suni baasu.

¹²Guyya isani mid'aani suni baaftani, elemo ganna toko, ka aabo inqamne, aka sorio gubani AABBO Waaqaa baasa.

¹³Elemo suni woliini kilo lama ta mid'aani daakhani d'ad'ani makhani AABBO Waaqaa basa, aka akasiini ch'inch'aani isii isa gammachiiftu. Ammalle waan suni woliini daad'i dulo toko baasa.

¹⁴Mid'aani, akhawi taanaani, yokhaani ka qit'a mid'aasani taanaani, inyaatina, haga waan Waaqa keesani baaftanini d'ufaniti. Tunini aada d'alooti keesani ch'ufti haga jiru jireenna guutu male.

¹⁵Guyya guyya Sabatoti aanu, ka isani mid'aani qara haamatani wolti qabdani AABBO Waaqa baaftani asi, torbaani torba heda.

¹⁶Guyya shantameeso ka Sabato torbeesoti aanu, mid'aani d'io murattani d'ibi AABBO Waaqaa baasa.

¹⁷Nami ch'ufti ha mana manani qit'a lamaani d'ufe, AABBO Waaqaa baasu. Qit'a suni ha mid'aani kilo lama ira mid'aasani bukhooni d'aabani, AABBO Waaqa baasaniti, sunini mid'aani qara murani ka Waaqaa baasani.

¹⁸Qit'a suni woliini elemiye ganna toko torbafi korma looni tokofi elemiye gugurdo lama, ta tokoleeni aabo inqamne baasa. Hori kana ch'ufa guba, AABBO Waaqaa baasa, mid'aanifi daad'i Waaqaa baasani woliini, aka akasiini ch'inch'aani isii AABBO Waaqa gammachiiftu.

¹⁹Ammalle korbeesa toko dabaani ufi iraa baasani baasa, ammalle elemiye ganna toko, lama sorio wold'ageeti baasa.

²⁰Qaallichi ha qit'a sunifi elemiye lamaani suni olqabe, aka AABBO Waaqaa baasani, ta qaalole kennani.

²¹Guyya suni huji teesani tokole intolchina, wolti baha, Waaqa kad'ad'a. Tunini aada d'alooti keesani ch'ufti fulla jiru ch'ufati haga jiru jireenna gula deemu male.

²²Hojja mid'aani oobru teesani keesaa murattani, moga ch'ufati d'aabdani imurina, ammalle mid'aani qara lakisanile imurina; hiyyeesafi keessuma lakisa. Anini AABBO Waaqa keesani.

²³AABBO Waaqa waan Musani jed'e,

²⁴Waan atini worra Israelitini jettu: Guyya qara ka jia torbeeso, guyya boqota tolfad'a, hojja magalata d'aani wolti baha, Waaqa kad'ad'a.

²⁵Hujji teesani ta guyya ch'ufa lakisa, sorio gubani Waaqa baasa.

²⁶AABBO Waaqi waan Musani jed'e,

²⁷Guyyaani kud'anneeso, ka jia torbeeso, guyya wogaa, ka daba gumi iraa fuud'ani. Guyya suni woma inyaatina, agabu oola; wolti baha Waaqa kad'ad'a sorio gubani AABBO Waaqaa baasa.

²⁸Guyya suni huji tokole inhojatina; wonti akanatiifi guyyaani suni guyya AABBO Waaqa durati waan aada tolfatani, ka daba nama ch'ufa iraa fuud'ani.

²⁹Nma guyya suni sagale soorate deebiani gumi Waaqati inheregani.

³⁰Ammalle yo nami tokoleeni guyya suni huji hojate, AABBO Waaqati isa ijeesa.

³¹Aadaani tunini aada d'alooti keesani fulla jiru ch'ufati haga jiru jireenna guutu male.

³²Haga galgala guyya sagaleeso ka addreesa sunitifi galgala boriyyaate ka addeesa kud'ani, guyya Sabato ka boqatani tolfad'a womale inyaatina.

³³AABBO Waaqi waan Musani jed'e,

³⁴Waan atini worra Israelitini jettu: Guyya kud'ani shaneeso ka jia torbeeso, jila Hoosa jalaqabad'a haga guyya torba tolfad'a.

³⁵Guyya qarta wolti baha, Waaqa kad'ad'a, huji guyya ch'ufa hojattani lakisa.

³⁶Torbaani suni keesa guyya ch'ufa sorio guba, AABBO Waaqaa baasa. Guyya saddeeteeso ammalle wolti baha, Waaqa kad'ad'a; sorio guba AABBO Waaqaa baasa. Guyyaani suni guyya kad'achati, huji inhojatina.

³⁷(Tunini jila AABBO Waaqa tolchani, ka isani wolti baatani AABBO Waaqa kad'atani ammalle woi gubdani sorio baaftanifi, mid'aani, hori, daad'i, akuma guyya ch'ufa isani iraa fed'ani.

³⁸Jila Sabato ta torbaani ch'ufa male, waan isani hojja ch'ufa baaftanifi waan isani kakhu gula baaftanifi waan isani fed'i gula AABBO Waaqaa baaftani malele, waan jila tanale baasu maltani.)

³⁹Guyya kud'ani shaneeso ka jia torbeeso, ka isani mid'aani keesani galfatani, jila tana guyya torba AABBO Waaqaa tolcha. Guyya qaraatiifi ka saddeeteeso lachu guyya boqotati.

⁴⁰Guyya qara mid'aani dadansa mukhi keesani baasu fuud'a, qooti meet'itifi ta dame mukha d'ibi ch'ira, guyya torba AABBO Waaqa keesani durati gammada.

⁴¹Ganna ch'ufa jila tana guyya torba AABBO Waaqaa tolcha. Aadaani tunini ta d'alooti keesani haga jiru jireenna guutu male; jia torbeeso tolfad'a.

⁴²Guyya torba hoosa keesati gala. Nami Israeli keesaa d'alate ch'ufti ha hoosati galuti,

⁴³aka akanaani d'alooti keesani aka anini worra Israeli duri hoosa keesati galche beekhu, gaafa anini lafa Misiri keesaa baase. Anini AABBO, Waaqa keesani.

⁴⁴Duuba akanaani Musani, aka aada AABBO Waaqa tolchani biyya barsiise.