Read BORANA BIBLE – KITAABA WAAQA Lawi 26 Bible Online

Lawi 26 - BORANA BIBLE – KITAABA WAAQA bible

Lawi 26

¹Ammalle AABBO Waaqi Waan jed'e, Waan harkaani mid'aaani, d'akha boch'ani taanaani, akheekha woi taanaani, d'akha old'ad'aabani taanaani, tokole mid'aafatani inkad'atiina. Wonti akanatiifi anini AABBO Waaqa keesani.

²Jila tiyya ch'ufa jabeesa fulla iti na kad'atanile ulfeesa. Anini AABBO Waaqa.

³Yo isani seerafi aada tiyya jabeesitani guutani,

⁴anini bokaya fullumati isanii rooba, aka lafafi mukhileeni mid'aani baaftu.

⁵Mid'aani keesani lafa ira dabrani mid'aani d'aanani zabibu ch'ach'arsanini wold'aqabani, zabibuni ch'ach'arsanileeni fach'aasa mid'aanitini world'aaqabdi. Isani waan nyaachu feetani ch'ufa argatani lafa teesani keesa nagayani teetani.

⁶Anini lafa teesani nagaya tolche soda male gach'iiftani bultani bineensa hama lafa teesani keesaa baase woraanale balleesa.

⁷Isani nyaapa keesani haatani dabsatani balleesitani.

⁸Nami keesani shani nama d'ibba toko dabsata; nami d'ibba toko nama kud'ani dabsata.

⁹Anini isani eebise isani daraarse isani horsiise, wold'aqisa anini isani woliini tolfad'e gama kiyyaani jabeesa.

¹⁰Hojja mid'aani murattanile fulla iti galfatani d'abdani yo mid'aani qara kaani khod'o keesa baaftani male.

¹¹Anini Waaro tiyya ta Woyyuma keesa jiddu teesani tae, guyya tokole isani jibbe isani bira indeemu.

¹²Anini isani woliini tae, Waaqa keesani tahe, isanileeni gumi tiyya taatani.

¹³Anini AABBO Waaqa keesani ka lafa Misiri keesaa isani baase tisse tahu isani d'owe. Anini qaampara keesani ch'abse oli isani jechisiise.

¹⁴AABBO Waaqi waan jed'e, Hojja isani seera kiyya guutu baatani, gaargala argatani.

¹⁵Hojja aadaafi seera kiyya gula yau diddani, world'aqisa anini isani woliini tolfad'e ch'absitani,

¹⁶gaa rgali anini isanitini d'ufu kana: d'ukuba haguma jiru infayyineefi qand'o ila isani d'owarte jireenna keesani balleesitu. Mid'aani infach'aafatani ammo inyaatani, wonti akanatiifi nyaapa keesaniti isani dabsate keesaa isani baase, ufii nyaata.

¹⁷Anini isaniti gargale nyaapa isaniti tahe, nyaapi keesani isani dabsata, nami isani jibbuleeni isani mohata. Isani mudamtani, ka nami isani irreemne fayyuma tana baqattani.

¹⁸Hojja eegi waan kana ch'ufa gartanile na ch'aqasu diddani, anini gaargala keesani maro torba iti dara.

¹⁹Anini kiyyiba keesani, ka mata isani d'owe, imballeesa; bokaya d'abdani, lafti teesani gogodde, aka d'akha taati.

²⁰Ato aka feetani hojattanile hujiini teesani woma isanii imbaatu; wonti akanatiifi mukhaafi oobruuni teesani woma tokole isanii imbaaftu.

²¹Hojja isani akuma kaani nati hammatani na ch'aqasu diddani anini ammalle gaargala keesani maro torba haga qara kaanile ira isaniti dara.

²²Anini bineensa hama ka ijoolle teesani fit'e, hori keesani balleese isani diqeese, kara keesani duwa tolchu isani iti erga.

²³Hojja eegi gaargala kana argatanile na ch'aqasu diddani, akuma kaani nati hammatani,

²⁴anini isaniti gargale, haga qarale ira maro torba isani gaargalcha.

²⁵Anini woraana isaniti buusa waan isani wold'aqisa keenna ch'absitanifi; ammalle yo isani lubbu d'eetani dira keesaniti galtanile anini d'ukuba hama isaniti buuse, duuba isani ufumaani harka nyaapa keesaniti ufi kennitani.

²⁶Anini sagale isani iraa kute, duuba nad'eeni kud'ani qit'a ibida takati d'aabate, qit'a sunile qusatti. Ammo yo qit'a suni nyaatanile, beela imbaatani.

²⁷Hojja eegi waan kana ch'ufale isani nati hammatani na ch'aqasu diddani,

²⁸anini dallansu tiyya keesa isaniti gargale gaargala keesani haga qarale ira guddisa.

²⁹Beelti isaniti hammate, duuba akasiini isani ilmani teesani d'iirafi dubrale nyaatani.

³⁰Anini fulla isani waaqa iti kad'atani, ta gaareeni gubba, balleese, waan isani hit'aana irati aarsitanile ch'ufa ch'ach'abse, reefa keesani waaqoota isani harkaani mid'aafatani irati tuula. Anini aka hama isani jibbe,

³¹dira keesani balleese ona tolche, fulla isani waaqa iti kad'atanile bulleese, sorio isani na baaftani fud'achu dida.

³²Anini lafa teesani waan tokole hafu d'owe balleese, nyaapi keesani ka lafa suni keesa qubatuleeni badi teesani iraa afaani qabata.

³³Anini gosa d'ibi keesa isani firfirse achileti woraana isaniti buusa. Lafti teesani badde, diri keesanileeni ona taha.

³⁴Duuba lafti boqoto ganna Sabato ka isani d'owartani, argate iraa gammadi; isiini onte ufumaa teete hafuura baafati, ka isani lafa nyaapa keesani keesa teetani.

³⁶Isani worri hafe aka taka inargini woi sodaatai, yo obeensi sokhorsule baqattani, ka nami isaniti ind'iaanne fayyuma tana jijiddani.

³⁷Isani ka nami isani irreemne wolti gugufatani, dandeetani nyaaa keesani tokole dura ejitani ufira inhaatani.

³⁸Isani lafa nyaapa keesati hobaatani, lafti nyaapa keesani isani liqimsiti.

³⁹Isani nami diqaani lafa nyaapa keesani keesati hafeleeni akanumati bobose raawata. Wonti isani akasi taatanifi maro daba keesanitifi ka abbooti teesani.

⁴⁰Ammo yo d'alooti keesani daba isaanitifi ka abbooti isaani worra na dide nati hammate,

⁴¹ufi na jibbisise aka anini worra lafa nyaapa worrati ergu na tolche, daba suni ch'ufa himate ira deebie; ammalle yo d'alooti keesani ufi diqeese, gati dabaafi ch'ubbu suni baase,

⁴²anini wold'aqisa kiyya ka anini duri Yakobofi Isaaqofi Abrahamu woliini tolfad'e jed'e lafa sunile qaabad'a.

⁴³Ammo qara worri lafa keesaa bahu male, aka lafti duwa hafte, hafuura baafate gammaddu. Ammalle worri, waan aadaafi seera kiyya jibbe dideefi, gati na baasuu male.

⁴⁴Ammo yo akasile taate, hojja worri ammalle lafa nyaapa isaani keesa jiru anini worra lakise, lafa buuse imballeesu. Yo anini akasi tolche anini wold'aqisa kiyya balleesa, ammo anini AABBO Waaqa isaaniti.

⁴⁵Anini world'aqisa kiyya ka anini ababoota worraa woliini tolfad'e, inqaabad'a, gaafa anini lafa Misiri keesaa worra baase gosa ch'ufa irre tiyya garsiise, (aka Waaqa worra tahu). Anini AABBO Waaqa.

⁴⁶Tunini aadaafi seera ka AABBO Waaqi gaara Sinai irati Musani worra Israeliti kenne.