Read BORANA BIBLE – KITAABA WAAQA Yeremia 10 Bible Online

Yeremia 10 - BORANA BIBLE – KITAABA WAAQA bible

Yeremia 10

¹Gumi Israeli, waan AABBO Waaqi isaniini jed'u, ch'aqasa.

²Wonti inni jed'u tana: Aada gochiti d'ibiini fidamtu gula iyyaaina; wonti mama ka isani gubbati gartani isani insodaachisini, ato gochiti d'ibiini mudamtele.

³Aadaani gosa d'ibi tunini woma isanii imbaatu mukha badda keesa ch'irani, mukha suni ogeesi harka ufitini qotooni boch'e,

⁴qarsifi worqiini ch'okhani. Duuba musubaara fuud'ani, burrisaani iti d'awani, qaariu d'owani.

⁵Wonti akasi sunini akheekhuma oobru bododa keesa kayani haranqeesani d'owani; wonti sunini dandeete indubbatu, baatani male dandeete ufiini indeemtu. Waan akana kana insodaatina; dandeete waan dansaafi hamtule si intolchitu.

⁶Ee AABBO Waaqa, nami aka keeti lafa keesa injiru; atini gudda, maqaani kankeleeni gudda, ammalle jabeenna qaba.

⁷ Eenuti si guddisu dida, ee hayyu gosa ch'ufa? Guddinni waan sii male. Nami aka keeti tokoleeni lafa keesa injiru, nama qaqaro lafa ch'ufaatifi hayyootale keesa.

⁸Worri ch'ufti raatu, woma imbeekhu, worri dandae mukha boch'ani iraa maani barata?

⁹Waaqa worri kad'atu suni qarsi Tarshishi baateeni ch'okhani worqi Ufazi baateeni barreesani, ch'ufti waan hogeesi harka ufitini tolche; woya diimtufi woya bule diimtu hogeeyini d'oofte iti naqani.

¹⁰Ammo AABBO Waaqa, atini Waaqa d'ugaa, atini Waaqa jirufi hayyu haga jiru jireenna jiru. Hojja atini dallantu, lafti inchochooti, gochitileeni dallansu tante dandeete inoobsitu,

¹¹(Waan isani worra sunini jettani: Waaqa keesani ka lafafi gubba inuumini kana imballeesani. Deebiani lafa keesa fulla tokoleti inargani.)

¹²AABBO Waaqi jabeenna isatini lafa uume; qalbi ufitini inni lafa uume gubbale dirirse.

¹³Dubbi isa gula bisaani gubbaa dibbisani; inni dumansa muumme lafati d'ufaani. Inni angaasu bokaya keesa angae, mana isaa keesaa qilleensa gabaase.

¹⁴Waan kana arginaani nami mame, daalle woma imbeenne ufi sehe. Nami waaqa harkaani boch'atu ufumaa ch'eera, wonti akanatiifi waaqi inni mid'aasu sunini woma d'araati, lubbu inqabu.

¹⁵Ammalle woma keesa injiru, inni woma tufii, ka tufatani; gaafa Waaqi worrati kau, imballeesani.

¹⁶Waaqi Yakobo aka worraa injiru; isumati waan ch'ufa uume, ammalle worra Israelile isumati fohate gumi ufi tolfate maqaani isaa AABBO Waaqa gudda.

¹⁷Worra Yerusalemu, yayu isani marsani! Miha keesani wolti guurad'a

¹⁸AABBO Waaqi lafa tana keesaa isani balleesu fed'a; inni isani ch'ach'arase hafto isani d'owa. Nami dubbi tana jed'e ana, AABBO Waaqa.

¹⁹Worri Yerusalemu bohe waan jed'e, ya aka hamtu nu woraanani, madaani teenna infayyitu. Nu qara waan kana woma oobsu dandeennu seene!

²⁰Waaro teenna ya balleesani, haada isiile ch'ufa ya ch'irani. Ilmaani teenna ya nu biraa deemte, nami waaro teenna nuu jaaru injiru, yokhaani ka golla isii iti fafannisu.

²¹Anini waan jed'eeni, Jaaroleeni teenna daalle, AABBO Waaqale gorsa ira infud'atu. Tanaafi wonti worraa ch'ufti hamaate, gumi teennale gargari firfirsani.

²²Ch'aqasa! Oduuni ya d'ufte! Hafuura nama guddati gara gosa mirga teetuti d'ufuu jira; duuli worraa dira Yuda ch'ufa balleese lafa aloo fulla sareni diida iti galtu tolcha.

²³Ee AABBO Waaqa, aka nami tokoleeni lubbu ufi harka inqamne, yokhaani dandae karati ufi inqajeelchine, anini imbeekha.

²⁴Ee AABBO Waaqa, gumi tante dallansuniti d'ugaani qajeelchi, aka worri siini imbanne.

²⁵Dallansu tante gosa si imbeenne, ta maqa kanke iyyaamaneti ergi. Worri yayu gumi tante fit'e; nule hobaase, lafa teenna balleese ona tolche.