Read BORANA BIBLE – KITAABA WAAQA Yeremia 11 Bible Online

Yeremia 11 - BORANA BIBLE – KITAABA WAAQA bible

Yeremia 11

¹AABBO Waaqi waan nani jed'e,

²Dubbi wold'aqisa tana ch'aqasi, waan worra Yudatifi ka Yerusalemutini jettu;

³AABBO Waaqi Israeli waan jed'u, Anini nama dubbi wold'aqisa tana jabeesu didu inabaara.

⁴Wold'aqisa kunini ka anini duri ababoota teesani woliini tolfad'e, gaafa anini worra lafa Misiri, ta ibida bobau worrati fakaatu, keesaa baase. Anini gaafasi waan worraani jed'e, Na ch'aqasa, waan anini isaniini jed'u ch'ufa guuta; duuba isani nama kiyya taatani, aninileeni Waaqa keesani taha.

⁵Yo isani akasi taatani, anini kakhu duri ababoota teesani kakhad'e guute, lafa aananifi dammi aka lola yau kennaafi lafa amma isani keesa teetani tana. Jennaani anini, Ee AABBO Waaqa, Ha taatu jed'eeni.

⁶Jennaani AABBO Waaqi waan nani jed'e, Dira Yuda d'aqi, kara Yerusalemu keesa deemi, waan biyyaani jettu, Dubbi wold'aqisa tana ch'aqasa, gula yaa.

⁷Gaafa anini ababoota isani lafa Misiri keesa baaseefi, haga arrale anini worra gorse, Naa saalfad'a jechuuni illakimne.

⁸Ammo worri na inch'aqamne, yokhaani naa insaalfanne. Fulla suni worri mata jabaate, hameenna lakisu dide. Anini qara, wold'aqisa guuta, worraani jed'e, ammo worri guutu dide; tanaafi anini abaarsa wold'aqisa suni keesati maqa d'aani ch'ufa worratiini d'ufe.

⁹Jennaani AABBO Waaqi waan nani jed'e, Worri Yudatifi ka Yerusalemuleeni ya mala nati d'aate.

¹⁰Worri yayu ch'ubbu duri ababooti worra tolchiteti deebie; ababoota worra ta na ch'aqasu didde; worri yayu waaqa d'ibi gula bahe hojateefi. Worri Israelitiifi ka Yudaleeni wold'aqisa anini duri ababoota worraa woliini tolfad'e ya ch'abse.

¹¹Tanaafi anini, AABBO Waaqi, worra gorsa, aka anini badi worri jalaa imbaane worratini d'ufu. Yo worri qarqaarsa na kad'atele, anini worra inch'aqasu.

¹²Jennaani worri Yudatifi ka Yerusalemu waaqoota worri sorio baasufi d'aqe, qarqaarsa kad'ata. Ammo waaqooti sunini dandeete worra imbaaftu, hojja badiini suni d'ufte.

¹³Worri Yuda akuma diri worraa heddu, waaqooti worraleeni heddu. Ammalle worri Yerusalemuleeni akuma karaani dira worraa heddu, akasuma fulla heddu ta waaqoota worraa, ka d'ara, ka Baali jed'ani, ka isa durati nami waan ch'eera tahu, fulla sorio irati isaa baasani jaare.

¹⁴Yeremia, worra kana jette na inkad'atiini. Yo worri gaargala seene na kad'atele, anini worra inch'aqasu.

¹⁵AABBO Waaqi waan jed'u, Gumiini anini jaalad'u ya waan hamtu taate. D'ugaani worri Mana kiyyaani seenu tami? Worri waan kakhu woi kakhate sorio baaseefi waan kara suni badi jalaa bahu ufi seha? Wonti sunini worra ingammachifti?

¹⁶Anini duri ejersa galma mid'aani dansa qabu worraani jed'e; ammo ammatana anini bubbe jabduuni obeensa isaa ibadati d'abbe, dameele isaa ch'ach'ach'absa.

¹⁷Anini, AABBO Waaqi guddaani, qara worra Israelitiifi ka Yuda akuma mukha oobre; ammo amma badiini iti d'ufu fed'a. Worri yayu ch'ubbu tolche, akasiini badi ufitini d'ufe; ammalle Baali sorio baase akasiini na dallansiise.

¹⁸AABBO Waaqa mala nyaapi kiyya nati d'aachu jiru na beesise.

¹⁹Anini ilme hoola ta laanuma nama qaallu gula deemtu fakaad'a aka nami, worri tae iti malatu ana, imbeekanne. Worri waan jed'e, Koota, mukha ato inni jiid'aatu murra; ammalle namicha kana lafa keesaa balleesina, aka nami deebie isa inqaabanne.

²⁰Jennaani anini kad'ad'e waan jed'e, AABBO Waaqa gudda, atini ka d'uga gula dubbi qortu, ka ammalle heregaafi qalbi namaa ilaaltu, anini dubbi tiyya ya siti kennad'e; haalo atini worra kana baafatu na garsiisi.

²¹Duuba wonti AABBO Waaqi waan worra Anathothi, ka si ijeesu fed'e, maqa AABBO Waaqaatini, Nuu infagini, si ijeemna siini jed'eeni jed'u tana —

²²AABBO Waaqi guddaani waan jed'u, Anini worra gaargalcha kaima worraa woraanani fit'ani, ilmaani worraleeni beelaani hobaati:

²³Anini yayu guyya tolfad'e ka worra Anathothi balleesu; hojja guyyaani suni gahu worra suni nami tokoleeni inhafu.