Read BORANA BIBLE – KITAABA WAAQA Yeremia 12 Bible Online

Yeremia 12 - BORANA BIBLE – KITAABA WAAQA bible

Yeremia 12

¹Ee AABBO Waaqa, yo anini si quufa d'abe si himad'ele, d'ugaani teetuma. Ammo taatule, aka d'ugaani jirtu si gaafachu fed'a. Ch'ubbichi maafi wo horata? Nami hamaani maafi wo argata?

²Atini worra aka mukha oobrite, duuba worri hidda baase, guddate, ammalle mid'aani baasa. Worri guyya ch'ufa afaanini dansuma tante dubbata, ammo garaani siraa fagaata.

³Ammo AABBO Waaqa, atini na beeta, waan anini tolchufi aka anini si jaalad'u inagarta. Worra hamama kana aka hooliye qalmaa geesani hirkisi, haga worra qaqalaniti qorqorad'u.

⁴Lafti teenna haga yoomi qanch'oorate, buuyooni fulla ch'ufa gogoddi? Bineensafi simpirreleeni maro ch'ubbu gumi teenna, ta teete, Waaqi waan nu taanu inargu jettu tana amma duu jirti.

⁵AABBO Waaqi waan jed'e, Yeremia, atini ufiftu ka namaani woliini utaalu dad'abde, dandeete farda woliini utaalta? Yo lafa diidatu keesa eju dad'abde, akami dandeete danqara Yordani keesa ejita?

⁶Oboleyaani tante ta woliini d'alatanileeni yayu siti malatte, faani tante yaate si balleesu feeti. Ato worri afaani dansa siti dubbatele ind'ugeefatini.

⁷AABBO Waaqi waan jed'u, Anini yayu Israeli lakise, gumi anini fohad'e lafa buuse. Ammalle worra anini jaalad'u ya harka nyaapa worrati kenne.

⁸Gumiini anini fohad'e yayu nati garagalte; akuma nyeench'a badda keesa, worri nati itane, tanaafi anini worra jibba.

⁹Gumiini anini fohad'e sunini simpirre qoreeni gama ch'ufaa butte fakaati. Bineensa ala wolti yaama, ha d'ufe nyaatuti!

¹⁰Hayyooti gosa d'ibi hedduuni yayu oobru tiyya ta zabibu balleesite; worri yayu oobru tiyya ira ejaanjate balleese lafa tiyya dansa ona tolche.

¹¹Worri lafa tiyya adaala tolche, isiini badde badiini isii ya nati mullatte. Lafti ch'ufti yayu badde adaalte.

¹²Gaareeni lafa gamooji ch'ufa gubbaa nami d'ufe wo saama. Anini yayu woraana kaase, ka lafa ch'ufa balleesu; nami tokoleeni nagayaani intau.

¹³Gumiini tiyya dargaye fach'aafte raafufi qoraati muratti; worri guddo hojate ammo woma inarganne. Maro dallansu tiyya guddotifi worri waan muratu d'abe.

¹⁴AABBO Waaqi waan jed'u, Anini gosa d'aatu Israeli teetu, ta lafa anini gumi tiyya ta Israeliti kenne balleesite, dubbi iraa qaba. Anini worra hamama suni lafa isaani keesaa aka mukha buqise, Yudale harka worraa jalaa baasa.

¹⁵Ammo eegi worra akasi tolche, deebie worraa nahe, gosa ch'ufa lafa isaanitiifi arda isaaniti deebisa.

¹⁶Yo worri garaa tokooni aada gumi tiyya barate maqa AABBO Waaqatini wo kakhate — akuma duri worri gumi tiyya aka Baalini kakhatani barsiise — duuba worri gumi tiyya keesa fulla argate wo horata.

¹⁷Ammo yo gochiti tokoleeni ch'aqasu didde, anini gosa suni aka mukha buqise balleesa. Nami dubbi tana jed'e ana, AABBO Waaqa.