Read BORANA BIBLE – KITAABA WAAQA Yeremia 15 Bible Online

Yeremia 15 - BORANA BIBLE – KITAABA WAAQA bible

Yeremia 15

¹ Jennaani AABBO Waaqi waan nani jed'e, Ato Musafi Samuelileeni arma ejaanjani na kad'atinile, anini worra kanaa inahu. Gumi tana fuula kiyya duraa fageesi, ha yaatuti.

² Hojja worri eesa yaana? Siini jed'e, waan atini jettuuni, AABBO Waaqi waan jed'u, Nami d'ukubaani hobau ha gara d'ukuba yau! Nami woraanani hobau ha gara woraana yau! Nami beelaani hobau ha gara beela yau! Nami boojiani ha gara iti boojiani yau!

³Ammalle AABBO Waaqi waan jed'u, Anini waan afuri ka worra balleesa worrati erga: Woraana nama hobaasufi sare reefa hirkiftufi allaati goblola nyaatufi bineensa ala ka waan hafe hobaasu.

⁴ Anini gumi tana waan nama lafa ch'ufaa rifachiisa tolcha, maro waan duri Manaseeni, ilmi Hezekia, gaafa inni hayyu Yuda, Yerusalemu keesati tolcheetifi.

⁵AABBO Waaqi waan jed'u, Ee Yerusalemu, eenuti nahe sii boha? Eenuti siti gore, nagaya si fuud'e, waan atini keesa jirtu si gaafata.

⁶Gumi tana, isani ya na diddani dudda nati galtani, tanaafi anini waan anini isani obsu dad'abeefi harka kiyya d'eerefad'e isani balleesa.

⁷Dira lafa tana ch'ufa keesa anini aka ch'idi qilleensati hafarsani isani hafarse, gumi tiyya, anini isani balleese, ilmaani teesanile hobaase waan isani hameenna keesani lakisu diddanifi.

⁸Lafa teesani keesa nad'eeni hiyyeeyini maansa baariini ira jirti. Anini nama keesani, ato worri kaimaatu, hobaase, haawani worraa gaargalcha. Anini tassa gaargalafi mudamsu worraatini d'ufe.

⁹Niitiini ilmaani torba d'abde gagabde hafuura baafachu dad'abde. Guyyaani ya iti dukanae, isii ya tufatani ch'eersani, anini nama keesani ka hafele harka nyaapa keesaniti kenna. Nami dubbi tana jed'e ana AABBO Waaqa.

¹⁰Anini ayyaana hama qaba! Ayyoni maafi na d'alte? Anini nama lafa keesa jiru ch'ufaani wolmoromne wold'amne. Ato anini beese nama illiqeesini yokhaani ira iliqefatinile nami ch'ufti na abaara.

¹¹Ee AABBO Waaqa, abaarsi worri na abaaru ha na qabatu, yo anini aka dansaa sii inhojatiini, ammalle yo anini nyaapa kiyya, ka gaargalafi d'ipu keesa jiru, jed'e si inkad'atiini.

¹²(Nami dandae sibiila guraacha, keesuma sibiila guraacha mirgaa d'ufu, ka sibiila diima wolti darani inch'absa?)

¹³AABBO Waaqi waan nani jed'e, Anini nyaapa horifi waan worri kiyya qabu ch'ufa boojiu worrati erga, aka maro ch'ubbu worri lafa tana keesati tolcheefi gaargalchu.

¹⁴Anini lafa worri waan isii imbeenneti geese harka nyaapa worrati kenna, wonti akanatiifi dallansuuni tiyya ibida fakaati, haga jiru jireenna wo gubdi.

¹⁵Jennaani anini waan jed'e, Ee AABBO Waaqa, atini waan ch'ufa imbeeta, na qaabad'i, na qarqaari, nama na gaargalchu haalo na baafachisi worra obsite nati illakisini. Qaabad'i, maro tanteetifi na arabsani.

¹⁶Atini naani dubbannaani anini dubbi tante ch'ufa ch'aqase fud'ad'e. Ee AABBO Waaqa gudda, anini keetuma, tanaafi garaani kiyya dubbi tante maache iraa gammade.

¹⁷Anini takaa qoomni tiyya fulla namaati balleese, kobla gula bahe waan hamtu intolchine. Jecha kanke gula anini guddo dallane koba hafe.

¹⁸Wonti na d'ukubsa kunini maafi na illakimne? Nami tokoleeni maafi mada tiyya infayyimne? Madaani tiyya maafi fayyu diddi? Atini madda bonani goddu, ta nama sobdu nati tahu feeta?

¹⁹Dubbi suni gula AABBO Waaqi waan jed'e, Yo atini iraa deebite, anini si fuud'e deebise hojatu tiyya si tolcha. Yo atini dubbi woma keesa injirre lakifte dubbi d'uga dubbate, deebiteti raaga naa taata. Biyyiti siti deebiti, wonti atini worra barbaadufi injirtu.

²⁰Anini worra kana durati aka naabo sibiila diimani jabeesani jaarani si tolcha. Worri si had'a, ammo si indabsatu. Anini wahela si tahe si qorqorad'e si baasa.

²¹Anini harka nama hamaatifi harka nama woyaku jalaa si baasa. Nami dubbi tana jed'e ana, AABBO Waaqa.