Read BORANA BIBLE – KITAABA WAAQA Yeremia 19 Bible Online

Yeremia 19 - BORANA BIBLE – KITAABA WAAQA bible

Yeremia 19

¹AABBO Waaqi waan nani jed'e, Beeni, okote faara nama faara kuuch'u ira bitad'i, duuba jaarole gumitifi qaalole gugurdo yaami,

²fullo ch'ach'aba Faaratini dira keesa baha bale Hinomu d'aqa. Achiti dubbi anini siti himu tana biyyati himi,

³waan jettuuni, Dubbi AABBO Waaqa d'agaya, hayyoota Yudatifi worra Yerusalemu dubbi AABBO Waaqi guddaani, Waaqi Israeli, jed'u ch'aqasa. Anini badi hamtu lafa tanatini d'ufa, ta nami d'agaye ch'ufti rifate maadefate, akanumati afaani qabatu.

⁴Wonti anini akasi tolchufi waan worri kunini na lakise, waaqa d'araati sorio baase, waaqa d'ibi ka worraafi abbooti worraatifi hayyooti Yuda haga d'alate waan isaa imbeenne, sorio baasani, akanaani lafa tana t'ureesani. Worri yayu lafa tana d'iiga nama woma iyyakiniti balleese.

⁵Fulla sorio irati qalani waaqa Baali jed'ani jaare, ilmaani isaani arti irati gube sorio baase. Anini waan kana tolcha injenne, yokhaani inherennele.

⁶Duuba guyyaani ind'ufa ka fulla tanaani deebiani Tofethi yokhaani Bale Hinomu injenne, ammo Bale Qalma jed'ani.

⁷Fulla tanati anini mala worra Yudatifi ka Yerusalemu balleese, harka nyaapa keesa buuse, nyaapi sunini worra had'e dabsate, aninileeni reefa worraa allaatifi bineensa ala nyaachisa.

⁸Anini dira kana aka takaa inargini balleese, duuba nami d'aatu bahe dabru ch'ufti rifate maadefate afaani qabata.

⁹Nyaapi dira marse, nama keesa jiru hobaasu fed'a. Duuba worri dira suni keesa jiru maro gaargala sunitifi fooni woli nyaate ilmaani ufile nyaata.

¹⁰Jennaani AABBO Waaqi, ato jari si woliini jiru sunini argu, okote suni ch'absi naani jed'e.

¹¹Duuba waan worraani jettu, AABBO Waaqi guddaani waan jed'u, Anini gumi tanaafi dira kana, akuma okote faara ta eegi ch'absani dandaani imid'aasine, ch'ach'absa. Tofethi keesaleti woli awaalani, wonti akanatiifi fullaani worra iti awaalani d'ibiini injirtu.

¹²AABBO Waaqi waan jed'u, anini dira kanafi nama keesa taule akuma Tofethi tolcha.

¹³Maneeni Yerusalemutifi ta hayyoota Yudatifi yokhaani maneeni gubba isiiti urjii hit'aana aarsanifi daad'iini waaqa d'ibii buusanileeni ch'ufti akuma Tofethi t'uroofti.

¹⁴Jennaani Yeremiani fulla AABBO Waaqi iti fagi jed'eeni, ta Tofethi jed'ani bahe, d'aqe naabo Mana Waaqa keesa eje, waan biyyaani jed'e,

¹⁵AABBO Waaqi guddaani, Waaqi Israeli, waan jed'e; Anini dira kanafi ollowaani d'aatu jirtu ch'ufa gaargala anini ind'ufaani jed'eeni ch'ufa itiini d'ufa; wonti akanatiifi worri yayu mata jabaate, dubbi tiyya ch'aqasu dide.