Read BORANA BIBLE – KITAABA WAAQA Yeremia 21 Bible Online

Yeremia 21 - BORANA BIBLE – KITAABA WAAQA bible

Yeremia 21

¹Hayyuuni Yuda, ka Sedekia jed'ani, Pashuri ilma Malkiyafi qaallicha Sefania ilma Maaseya nati erge, waan nani jed'e:

² Aabbo, AABBO Waaqa nu kad'ad'i, wonti akanatiifi hayyuuni Babiloni ka Nebukadreza jed'anifi duuli isaa yayu dira marse. Hegeri AABBO Waaqi, waan mama fa tolche, Nebukadreza nuraa deebisa.

³Duuba AABBO Waaqi nani dubbate, jennaani anini waan worra sunini jed'e, waan Sedekiani jettani,

⁴AABBO Waaqi Israeli waan jed'u: Sedekia, anini askarti tante ta hayyu Babilonitifi duula isatini woli haatu imballeesa. Anini woraana askarti teeti wod'aka dirati tuula.

⁵Anini irre tiyyafi jabeenna kiyya ch'ufaani aka hama gugubad'e dallane si had'a.

⁶Anini nama dira kana keesa jiru ch'ufa inhobaasa; namaafi horileeni d'ukubuma hamaani aka takaa hobaa.

⁷Ammo siifi jaarole teetifi nama woraanafi beelafi d'ukuba ira hafe ch'ufa harka hayyu Nebukadrezatifi nyaapa keesani ka isani ijeesu fed'uti kenna. Duuba Nebukadrezani naasu male isani ch'ufa hobaase nama tokole hafu d'owa. Nami dubbi tana jed'e ana, AABBO Waaqa.

⁸Ammalle waan atini gumi tanaani jettu, AABBO Waaqi waan jed'u, Me ilaala, anini kara lama isani garsiisa, kara duisatifi ka jireenna. Nami dira keesati hafu yokhaani woraanani dua yokhaani beelaani dua yokhaani d'ukubaani dua.

⁹Ammo nami dira keesaa bahe, worra Babiloni ka tae dira kana had'uti jiru booju kad'atu induu, lubbu baha.

¹⁰Anini ya kutad'e, aka dira kana balleesu male inteenne. Dira kana harka hayyu Babiloniti kennani, inni gube balleesa. Nami waan kana jed'e ana, AABBO Waaqa.

¹¹Ammalle waan atini worra hayyu Yudatini jettu, Dubbi AABBO Waaqa d'agaya,

¹²worra d'aloota Daudi! AABBO Waaqi waan jed'u, Guyya ch'ufa waan tolchitani ch'ufa d'uga gula tolcha. Nama dabsani harka nama dabse jalaa baasa. Yo baasu baatani, wonti hamtuni isani tolchitani kuni dallansu tiyya aka ibida nami dandae ind'aafine bobeesiti.

¹³Ee Yerusalemu, atini rabsu d'akhaa ka rarraa bale gubba olfago tau, ka diidale argani fakaata. Ammo anini si had'e, si balleesa. Atini, Nami tokoleeni dandae na inhad'u, yokhaani na indabsatu, jetta.

¹⁴Ammo anini maro waan atini taateefi, si gaargalche badda teesani gube, ibidi sunini waan d'aatu jira ch'ufa guba. Nami Dubbi tana jed'e ana, AABBO Waaqa.