Read BORANA BIBLE – KITAABA WAAQA Yeremia 24 Bible Online

Yeremia 24 - BORANA BIBLE – KITAABA WAAQA bible

Yeremia 24

¹Eegi hayyuuni Babiloni, ka Nebukadreza jed'ani, Yehoiakini, ilma Yehoiakimu, ka hayyu Yuda, Yerusalemu keesa isaafi jaarole Yudatifi ogeeyifi tumtu boojie Babilonini d'ufe AABBO Waaqi dadu lama ta mid'aani odaa miju, ta mana Waaqa dura jirtu, daayya keesa na garsiise.

²Daduuni toko mid'aani dansa aka dansaa bilchaate qabdi; ammo taani mid'aani hamo ka nami dandae inyaanne qabdi.

³Jennaani AABBO Waaqi waan nani jed'e, Yeremia, atini maani agarta? Anini waan jed'eeni, Mid'aani odaa arge, dandansani guddo dansa hamamoni guddo hamo, waan nami dandae nyaatuniti.

⁴Jennaani AABBO Waaqi waan nani jed'e,

⁵Wonti AABBO Waaqi Israeli jed'u tana, worri lafa Yudati boojiani lafa Babiloni geesani mid'aani odaa dadansa kana nati fakaata, duuba aninileeni worraa innaha.

⁶Anini worra qorqorad'e lafa tanati deebise, aka mana jabeese worra jaare, ch'abbu d'owe, ammalle aka mukha worra oobre, buqau d'owa.

⁷Anini herega worri aka anini AABBO Waaqa beekhuni worraa kenna, duuba worri gumi tiyya tahe, aninileeni Waaqa worraa taha; wonti akanatiifi worri garaa tokooni nati deebia.

⁸Ammo hayyu Yuda ka Sedekia jed'anifi jaarole isaatifi nama Yerusalemu ka lafa tana keesati hafefi ka lafa Misiriti godaanele — anini AABBO Waaqi akuma mid'aani odaa hamo nami dandae inyaanne kaani tolcha.

⁹Anini badii hamtu akana tana worratiini d'ufe, gosa lafa keesa jirtu ch'ufa mudamsiisa. Nami worrati tabate, worra goyeese tufate, fulla anini worra iti firfirsu ch'ufa maqa worraatini nama abaara.

¹⁰Anini woraanafi beelafi d'ukuba worraatini d'ufe, akasiini lafa anini worraafi ababoota worraati kenne keesaa worra balleesani.