Read BORANA BIBLE – KITAABA WAAQA Yeremia 28 Bible Online

Yeremia 28 - BORANA BIBLE – KITAABA WAAQA bible

Yeremia 28

¹Gannuma suni, jia shaneeso ganna afreeso ka Sedekiani hayyu Yuda tahe, raagi Hanania, ilma Azuri jed'ani, ka dira Gibeoniiti d'ufe, Mana Waaqa keesati nani dubbate. Qaaloleefi gumi ch'ufa durati inni waan nani jed'e,

²Wonti AABBO Waaqi guddaani Israeli jed'u tana: Anini irre hayyu Babiloni ya ch'abse.

³Anini ganna lama keesati, miha Mana Waaqa ch'ufa, ka hayyichi Nebukadreza jed'ani boojie Babiloni geese, fulla tanati deebisa.

⁴Ammalle anini hayyu Yuda, ka Yehoiakini ilma Yehoiakimu jed'anifi, worra Yuda ka boojiani lafa Babiloni geesani wolumaani ch'ufa deebisa. D'uguma anini irre hayyu Babiloni inch'absa. Nami dubbi tana jed'e ana, AABBO Waaqa.

⁵Jennaani qaaloleefi gumi Mana Waaqa keesa jirtu ch'ufa durati anini waan Hananiani jed'e:

⁶Hayye, hataatu AABBO Waaqi tolchinna. Dubbi atini jette tana inni sii d'ugeese, miha Mana Waaqatifi nama boojiani Babiloni geesani ch'ufa deebisinna.

⁷Ammo waan anini biyyaafi sileeni jed'u ch'aqasi.

⁸Raagooti duri nu durati lafa jirtu, woraanafi beelafi d'ukuba gosa heddutifi lafa jajabdu irre qabduti d'ufu fadde.

⁹Ammo raaga nagaya dubbatu hojja dubbini isaa guutamtu ch'alla aka d'uguma Waaqi isa erge beekhani.

¹⁰Jennaani raagi Hananiani qaampara kaani morma iraa na baase ch'ach'abse,

¹¹gumi ch'ufa durati waan jed'e, AABBO Waaqi waan jed'u, Akuma atini qaampara kana ch'absite kana, anini qaampara hayyuuni Babiloni Nebukadrezani, morma gosa ch'ufa ira kaye ganna lama keesati ch'absa. Jennaani anini kae iti d'aabad'e.

¹²Duuba eegi anini diqo tae, AABBO Waaqi waan naani jed'e,

¹³Gara Hanania d'aqi waan jettuuni, AABBO Waaqi waan jed'u, Atini qaampara mukhaa ya ch'absite, ammo fulla isaa anini qaampara sibiila kaya.

¹⁴Wonti AABBO Waaqi guddaani Israeli jed'u: Anini qaampara sibiila morma gosa tana ch'ufa ira kaye, worra hayyu Babiloni ka Nebukadreza jed'ani jalati bulche, worri isa jalati bula. Ammalle anini bineensa alalle ch'ufa isa jalati bulcha.

¹⁵Jennaani anini waan Hananiani jed'e, Hanania, na ch'aqasi! AABBO Waaqi si inergine, atini jara kana sobde dubbi d'ara dugefachisuu jirta.

¹⁶Tanaafi AABBO Waaqi waan siini jed'u, Amma lafa keesaa si balleesa. Gannuma kana keesati doota, waan atini biyyaani, Dubbi Waaqa dida jetteefi.

¹⁷Duuba gannuma suni keesa, jia torbeeso, raagi Hanania jed'ani suni lubbu d'abe.