Read BORANA BIBLE – KITAABA WAAQA Yeremia 36 Bible Online

Yeremia 36 - BORANA BIBLE – KITAABA WAAQA bible

Yeremia 36

¹Ganna afreeso ka Yehoiakimuni ilmi Yosia, lafa Yuda mohate, AABBO Waaqi waan nani jed'e,

²Woraqata fuud'i, waan Israelitiifi ka Yudatifi ka gosa d'ibi ch'ufa, ka anini siti hime, irati t'aafi. Yo t'aaftu, waan anini qara gaafa duri, ka Yosiani lafa mohateti asi haga arra siini jed'e, ch'ufa, irati t'aafi.

³Hegeri hojja worri Yuda badi anini itiini d'ufu fed'u d'agaye, worri hameenna isaani iraa deebiafa. Duuba anini dabaafi ch'ubbu isaani inaraaramafi.

⁴Jennaani Baruku ilma Neria yaame, waan AABBO Waaqi nani jed'e, ch'ufa iti hime, jennaani Barukuni woraqata irati t'aafe.

⁵Duuba anini waan Barukuni jed'e, anini dandae Mana Waaqa indeemu, ya na d'owani.

⁶Ammo guyya worri ufi agabsu achi d'aqi, dubbi AABBO Waaqi nani jed'e, ta atini woraqatati t'aafte, biyyaa soomi. Nama Yuda, ka dira isaani keesaa d'ufe, ch'ufaa soomi.

⁷Hegeri worri AABBO Waaqa kad'ate hameenna duri iraa deebiafa, wonti akanatiifi AABBO Waaqi yayu worra kana aka male iti dallane.

⁸Jennaani Barukuni dubbi AABBO Waaqi jed'e taani, akuma anini iti hime kaani, Mana Waaqa keesati soome.

⁹Jia sagaleeso, ka ganna shaneeso, ka Yehoiakimuni lafa Yuda mohate keesa, biyyiti AABBO Waaqaa jette ufi agabsite. Nami ufi agabse sunini worra Yerusalemu keesa taufi worra dira Yuda keesaa d'ufe.

¹⁰Duuba ato nami ch'ufti tae ch'aqasu, Barukuni dubbi anini jed'e taani woraqata iraa soome. Inni hojja woraqata suni biyyaa soomu fulla mana Gemaria ilmi Shafani, ka tatabe t'aafu iti galu, ka d'aatu Mana Waaqa jiru jira. Mani inni iti galu sunini naabo oli keesa jira, d'aatu Fullo Hareeti Mana Waaqatini seenani.

¹¹Mikayaani, ilmi Gemaria, ka ilma Shafani, waan AABBO Waaqi jed'e, ka woraqata suni keesati t'aafani, d'agaye.

¹²Duuba kae mana hayyu, fulla nami woi t'aafu tau, ka hojattuuni ch'ufti arti jirtu, d'aqe. Jari hojattu suni ka arti jiru kana: Elishama, ka tatabe t'aafu, Delaya ilma Shemaya, Elnathani, ilma Akbori, Gemeri, ilma Shafani, Sedekia, ilma Hanania, ammalle hojattu taani d'ibi ch'ufale.

¹³Mikayaani waan Barukuni biyyaa soome d'ageennaani, jara suniti hime.

¹⁴Jennaani jari hojattu sunini Yehudi, ilma Nethania, ka ilma Shelemia, ka ilma Kushi, Barukuti erge waan jed'e, Woraqata atini biyyaa soomte fuud'i kootiini. Jennaani Barukuni woraqata kaani fuud'e d'ufeeni.

¹⁵Worri waan jed'eeni, Tai, nuu soomi. Duuba Barukuni tae worraa soome.

¹⁶Worri dubbi suni d'ageennaani sodaate, woli mimilate waan Barukuni jed'e, Nuu waan kana hayyuti himu male.

¹⁷Jennaani worri isaa gaafate waan jed'eeni, Waan kana ch'ufa eenu iraa d'ageete t'aafte? Yeremiati siti hime?

¹⁸Barukuni waan jed'eeni, Ee, inni dubbi tana ch'ufa nati hime jennaani anini kalamu wino fuud'e woraqata kana irati t'aafe.

¹⁹Duuba worri waan isani jed'e, siifi Yeremiani beena, d'okhad'a. Nami tokoleeni fulla isani jirtani imbeekhini.

²⁰Jari hojattu kaani woraqata fuud'e, mana Elishama namicha tatabe t'aafu keesa kaye, gara naabo hayyu d'aqani waan ch'ufa hayyuti himani.

²¹Jennaani hayyichi Yehudi erge, beeni, woraqata suni fuud'i jed'eeni. Inni mana Elishama keesaa fuud'e, hayyufi hojattu d'aatu isaa jirtu ch'ufaa soome.

²²Gaafasi adolesa, hayyuleeni mana ufi keesa tae ibida qanqamata.

²³Akuma Yehudini dubbi lamafi sadi soome hobaasuni hayyichi haaduni ch'ire ibida keesa buusa. Akasiini woraqata ch'ufa gube hobaase.

²⁴Ammo hayyichaafi hojattuuni isaa, ta waan kana d'ageeteleeni, nami tokoleeni insodaanne yokhaani woya tarsaase laalala ingarsiimne.

²⁵Ato Elnathanifi Delayaafi Gemariani hayyichaani woraqata ingubini jed'ani kad'atanile inni worra inch'aqamne.

²⁶Jennaani hayyichi ilma isaa Yeremaeelifi Seraya ilma Azrielitifi Shelemia, ilma Adbeeli, yaame, Yeremiafi Baruku ka tatabe t'aafu qaba jed'e. Ammo AABBO Waaqi worra d'osse.

²⁷Hayyichi woraqata anini Barukuni T'aafi jed'e gube jennaani AABBO Waaqi waan nani jed'e:

²⁸Woraqata d'ibi fuud'i, dubbi woraqata qara, ka hayyuuni gube taani irati t'aafte, irati t'aafi.

²⁹Ammalle waan atini Yehoiakimu hayyu Yudatini jettu, AABBO Waaqi waan jed'u: Atini woraqata suni gubde waan jette, Yeremia, atini maafi, Hayyuuni Babiloni d'ufe, lafa tana balleese, namaafi saale hobaasa jette dubbi suni irati t'aafta?

³⁰Duuba amma tana waan kanke ka AABBO Waaqi jed'u d'agayi: Nami d'aloota keeti barch'uma hayyuma ka Daudi haga jiru ira intau. Reefa kanke gatani, guyya aduuni gubde, halkani qabanti balleesiti.

³¹Anini siifi ilmaani teetifi ammalle hojattu tante, maro ch'ubbu isaniini ch'ufti hojattanifi garagalcha, Si taanaani, worra Yerusalemu taanaani, worra Yuda taanaani, nami tokoleeni gorsa kiyya inch'aqamna, tanaafi anini badii waan isii hime taani isaniitini d'ufa.

³²Jennaani anini woraqata d'ibi fuud'e, namicha Baruku jed'ani ka tatabe naa t'aafuti kenne, inni dubbi anini iti hime ch'ufa t'aafe. Inni dubbi woraqata qara ka gubani kaanifi dubbi dubbi suni fakaatu, ta anini iti hime, ch'ufa t'aafe.