Read BORANA BIBLE – KITAABA WAAQA Yeremia 42 Bible Online

Yeremia 42 - BORANA BIBLE – KITAABA WAAQA bible

Yeremia 42

¹Jennaani jari gugurdaani askarti ch'ufti Yoanani ilma Kareatifi Azaria ilma Heshayatifi nama diqaafi guddaale ch'ufa woliini d'ufani,

²waan nani jed'ani, Aabbo, woi si kad'anna, waan suni nuu guuti! AABBO Waaqa keenna nu kad'ad'i, nuu nama hafe kana ch'ufaa jed'i, kad'ad'i. Nu duri nama heddu, ammo amma tana aka atini agarte kana nama diqa tokoti hafe.

³AABBO Waaqa keenna nuu kad'ad'i, aka inni waan nu taanufi gara nu deemnu nuti himu.

⁴Anini waan jed'eeni, Hayye, hataatuti; anini AABBO Waaqa keenna isanii kad'ad'a, akuma isani jettani; waan inni jed'u ch'ufa isaniti hima, tokole isani ind'ossu.

⁵Jennaani worri waan nani jed'e, AABBO Waaqi ha nu balleesuti yo nu waan tahu male, ka AABBO Waaqi siti hime, tahu, dinne.

⁶Yo isiini waan dansaafi hamtule taate, nu waan AABBO Waaqi keenna, ka iti si erginu, jed'u intolchina. Yo nu waan inni jed'u tolchinu wonti ch'ufti nuu tolti.

⁷Eegi bulti kud'ani, AABBO Waaqi nani dubbate;

⁸jennaani anini Yohananifi jara gugurda askarti, ka isa woliini jirufi jara kaani ch'ufa wolti yaame

⁹waan jed'eeni, AABBO Waaqi, guddaani Israeli ka isani iti na ergitani waan jed'u,

¹⁰Yo isani ka lafa tana keesa teetani taatani, anini isani imballeesu ammo isani jabeesa; anini aka mukha isani oobra, isani imbuqisu. Badiini anini isanitini d'ufu ya aka male garaa na yakite.

¹¹Hayyu Babiloni deebitani insodaatina, anini isani woliini jira, harka isaa keesaa isani baasa.

¹²Maro anini naasu qabuufi, isa isanii naasise, lafa teesaniti isani deebisa. Nami dubbi tana jed'e ana, AABBO Waaqa.

¹³Ammo isani ka lafa Yuda keesati haftani, AABBO Waaqa keesani diddani lafa tanale keesa tau indidina. Ammalle, hiyo nu lafa Misiri d'anne, achi fulla woraana ingarre, ka magalata womatu ind'ageenne, ka beelti womatu injirre, teenna injed'ina. Yo isani akasi jettani, AABBO Waaqi, guddaani Israeli, waan isaniini jed'u yo isani, Nu lafa Misiri d'anne achi teenna jettani,

¹⁶woraani isani sodaatani isani qabate, beelti isani d'eetanileeni isani d'aqabde achuma lafa Misiri keesati hobaatani.

¹⁷Nami lafa Misiri d'aqe achi qubachu fed'u ch'ufti yokhaani woraanaani dua, yokhaani beelaani dua, yokhaani d'ukubaani dua. Worri nami tokoleeni, ka badi anini worratiini d'ufu, iraa hafe duraa bahu injiru.

¹⁸AABBO Waaqi Israeli waan jed'u, Akuma anini worra Yerusalemuti gugubad'e dallane, akasuma isanileti dallana, yo isani lafa Misiri d'at'ani. Nami yo isani argu, isani iraa rifate isani goyeese, maqa keesanini woli abaara; ammalle isani deebitani fulla tana ingartani.

¹⁹Ammalle anini waan jed'e, Ee worra Yuda ka hafe, AABBO Waaqi waan isaniini jed'u, lafa Misiri ind'aqina. Aninileeni amma tana waan kana isaniti hima:

²⁰Isani guddo wollaala tolchuu jirtani. Isani waan nani jettani, AABBO Waaqa keenna nu kad'ad'a; waan inni jed'u ch'ufa nuti himi inguunna.

²¹Anini arra ya isaniti hime, ammo isani waan AABBO Waaqi, Beeni worra kanati himi naani jed'e, ch'ufa guutu diddani.

²²Tanaafi waan kana qaabad'a: Lafa isani iti qubachu feetani keesati woraanafi yokhaani beelafi yokhaani d'ukubaani raawattani.