Read BORANA BIBLE – KITAABA WAAQA Yeremia 43 Bible Online

Yeremia 43 - BORANA BIBLE – KITAABA WAAQA bible

Yeremia 43

¹Anini dubbi AABBO Waaqi isaani, worrati himi nani jed'e, buufannani

²Azaria, ilma Hoshayatifi Yohanaani, ilma Kereatifi jari kikiyyibaani kaanileeni ch'ufti, Atini d'ara dubbachuu jirta naani jed'e. AABBO Waaqi keenna si nuti inergine, inni lafa Misiriti ingodaanina injenne.

³Ammo Baraku, ilma Neriati si nuti kaase, aka atini harka worra Babiloniti nu kennite, worri yokhaani nu ijeese yokhaani nu boojie lafa Babiloni nu geesu.

⁴Tanaafi Yohananifi jara gugurda askartitifi yokhaani nami kaani ch'ufti jecha AABBO Waaqa, ka inni lafa Yuda keesa taa jed'eeni, ch'aqasu diddani.

⁵ Jennaani Yohananifi jari gugurdaani askarti ch'ufti, nama lafa Yuda keesati hafe fuud'ani, lafa Misiri geesani. Ammalle worra suni woliini worra lafa qara iti firfirsani keesaa gale,

⁶d'iira taanaani, uwa taanaani ijoolle taanaani, dubra hayyule taanaani ch'ufa, achi geesani. Worri nama Nebusaradanini, namichi abba duula kaani, harka Gedaliati lakise, naafi Barukule, achi geese.

⁷Worri dubbi AABBO Waaqa dide, akanaani kae lafa Misiri seene, dira Tahapenesitini bahe.

⁸Achiti AABBO Waaqi waan nani jed'e,

⁹D'akhaye gugurdo guuri ch'icha mana Faraoti d'ossii mid'aasi lafa naqi, ammo worri Israeli hagi toko ha huji suni arguuti.

¹⁰Duuba waan jettuuni, AABBO Waaqi, guddaani Israeli, waan jed'u, Anini hojattu tiyya Nebukadreza hayyu Babiloni fulla taanaani d'ufe, inni barch'uma isaa d'akhaye atini arma nat'e tana gubba d'aabate, waaro hayyu gubbati jaara.

¹¹Inni d'ufe lafa Misiri had'e dabsata. Nami d'ukubaa qoodani d'ukubaani due, Nama booju qoodani boojiani ammalle nami duisa woraanati qoodani woraanaani dua.

¹²Anini maneeni waaqoota Misiri gube, hayyuuni lafa Babilonileeni waaqoota worraa gube yokhaani boojia. Akuma tissituuni woya ufi injirani iraa guurte qulqulleesitu akasuma hayyuuni Babiloni lafa Misiri daara baase, qulqulleese, biraa deema.

¹³Inni d'akhaye woyyu, ta old'ad'aabani, ta dira Heliopolisi keesa jirtu ch'ach'abse maneeni waaqoota worra Misiri gube balleesa.