Read BORANA BIBLE – KITAABA WAAQA Boha 5 Bible Online

Boha 5 - BORANA BIBLE – KITAABA WAAQA bible

Boha 5

¹Ee AABBO, waan nu tolchani qaabad'i, nu ilaali, ch'eera keenna argi.

²Horini keenna ch'ufti harka nyaapa jira, nama gosa d'ibiiti worra keennati gala.

³Nyaapi yayu abbooti teenna fit'e, amma hawani teennaleeni hiyyeeyi.

⁴Bisaani d'unnu bitachu malle, qorani ibidale beese male inargannu.

⁵Qaampara mormati nu kayani nu gaargalchani, hafuura baafachu nu d'owani.

⁶Nu gara lafa Misiritifi ta Ashuru sagale kad'achu d'anne aka beelaani indoone jiranu.

⁷Ababooti teenna ta duri ch'ubbamte amma ya raawatte, amma nuti ch'ubbu worraa sunini gaargalu jira.

⁸Nama tisse fakatuti nu mohachu jira, nami tokoleeni ka harka worra keesa nu baasu injiru.

⁹Algali nama fit'u lafa keesa mara, tanaafi sagale barbaaditini nuu lubbu.

¹⁰Beelti ya nu qannachiifte haga gogaani keenna aka ibida owuti.

¹¹Nad'eeni teenna gaara Sioni irati yayu buufatani. Ollowaani Yudea ch'ufa keesaleti dubra teenna irreeni buufatani.

¹²Worra keenna gugurdale yayu fafannisani, jaarole teennale yayu ch'eeraafi foko d'abanifi.

¹³Kaima keenna yayu irreeni mid'aani d'aansisani; ijoolleeni teenna ta d'iiraleeni ulfinna qorani jaalati lelet'i.

¹⁴Jaaroleeni aka duri kaani fullo dira keesa inteteetu, kaimileeni deebie insirbu.

¹⁵Gammachuuni yayu jireenna keenna keesa badde, sirbi keenna ka durileeni ya boha tahe.

¹⁶Wonti nu qara hereganne tokoleeni nu inhamne. Nu waan ch'ubbu hojanneefi amma badiini nu qabatte.

¹⁷Wonti garaani keenna hamaate ilti teenna duudefi,

¹⁸maro gaari Sioni ch'eekhaye koba hafe, sareeni diida ch'allaani gubba martufi.

¹⁹Ammo atini, ee AABBO Waaqa, hayyu haga jiru jireenna tau, ammalle haga d'aloota ch'ufa namuma fidda.

²⁰Atini maanifi hagana ch'ufa nu lakifte? Atini d'uguma deebite nu inqaabata?

²¹Ee AABBO Waaqa, ufi gula nu deebisi, ee ee Waaqa nu deefad'u. Jireenna keenna ka duriti nu deebisi.

²²Yokhaani atini haga jiru jireenna nu dida? Dallansuni tante haga inqabdu?