Read BORANA BIBLE – KITAABA WAAQA Baruku 1 Bible Online

Baruku 1 - BORANA BIBLE – KITAABA WAAQA bible

Baruku 1

¹ Dubbi kitaaba kana keesati t'aafani Baruku ilma Neria ka ilma Maaseya ka ilma Sedekia ka ilma Asadia ka ilma Hilkiati dira Babiloni keesati t'aafe.

²Gaafi inni dubbi tana t'aafe, guyya torbeeso, ganna shaneeso eegi worri Babiloni Yerusalemu dabsate gube.

³ Barukuni kitaaba suni lalabe hayyu Yuda Yokania ilma Yehoiakimutifi gumi Babiloni ta d'aatu galaana Sudi jirtu ch'ufa soome. Nami tokoleeni alati inhamne d'ufe dubbi suni ch'aqase, worra gugurda taanaani ilmaani hayyu taanaani jaarole taanaani nami ch'ufti diqaafi guddaleeni tokoleeni alati inhamne ch'ufti d'ufe d'agaye.

⁵Dubbi suni d'ageennaani nami ch'ufti bohe ufi agabse Aabbo Waaqa kad'ate.

⁶Duuba nami ch'ufti irree ufi gula beese baase,

⁷beese suni fuud'ani Yerusalemu geesani harka qaallicha gudda ka Yehoiakimu ilma Hilikia ka ilma Salonitifi qaalole d'ibifi nama d'ibi worraani woliini jiru ch'ufati kennaani.

⁸Guyya kud'anneeso ka jia Siwani Barukuni miha woyyuma ka duri Mana Waaqa keesa guurani boojiani, guure Yudati deebise. Miha qarsiini mid'aasani kana, duri Sedekia ilma hayyu Yuda ka Yosia jed'aniti mid'aasa jed'e.

⁹Eegi hayyuuni Babiloni ka Nebukadreza jed'ani Yokaniafi jara gugurda lafa fidufi hogeeyyifi jara biyya matatifi nama d'ibi ira hafe ka lafa suni keesa jiru ch'ufa Yerusalemu keesaa boojie lafa Babiloni geese.

¹⁰Biyyiti tatabe tana t'aafte waan jette: Beese nu isaniti erginu, tana hori sorio gubani baasanifi ka sorio dabaani ufi ira baasanifi hit'aanafi mid'aani Waaqaa baasanileeni bita. Waan kana ch'ufa fulla sorio irati baasani taani irati Aabbo Waaqa keenna baasa,

¹¹ammalle hayyu Babiloni ka Nebukadreza jed'anifi ilma isaa ka Belshaza jed'ani Waaqa kad'ad'a aka worri haga gubbaani jirtu ch'ufa tau.

¹²Duuba Aabbo Waaqi nu jabeese nuni deema. Ammalle Nebukadrezafi ilmi isaa nu tissa, nuleeni haga jiru ch'ufa garaa tokooni worra hojanna; akasini worrileeni nuraa gammada.

¹³Ammalle Waaqa abba keenna nuu kad'ad'a, wonti akanatiifi haga nu iti ch'ubbamne haga arrale numati dallanuti jira.

¹⁴Ammalle kitaaba nu isaniti erginu kana sooma, Mana Waaqa keesati daba keesani himad'a, guyya qara ka jila Hoosatifi guyya jila ka isani wolti d'uftani ch'ufa.

¹⁵Aki isani daba keesani himatani akana: AABBO Waaqi keenna nama d'ugaa qajeela, ammo nu ch'ufa ya ch'eeri ijeese nu worra Yudatifi ka Yerusalemutifi

¹⁶hayyoota teennafi worra nu fidufi qaaloleefi raagootafi ababoota teennale ya ch'eersani;

¹⁷wonti akanatiifi nu Aabbo Waaqa keennati ch'ubbamne isale

¹⁸saalfachu dinne. Nu isa ch'aqamne seera isaale inguunne.

¹⁹Haguma gaafa Aabbo Waaqi ababoota teenna lafa Misiri keesa baase haga arrale, nu isaa saalfachu dinne seera isaale ch'absine.

²⁰ Duri gaafa Aabbo Waaqi ababoota teenna lafa Misiri keesa baase lafa aananifi dammi aka lola yau nu kenne, inni afaani hojattu isaa Musatini nu abaare. Wonti nu haga arra teenne gaargalufi maro abaarsa suniti.

²¹Nu dubbi Aabbo Waaqi keenna afaani raagatini dubbate ch'aqasu dinne, nuni ch'ufti waan feene taane kara keenna hama gula yaane, Waaqoota d'ibi kad'anne akasini waan Aabbo Waaqi jibbu taane.