Read BORANA BIBLE – KITAABA WAAQA Baruku 2 Bible Online

Baruku 2 - BORANA BIBLE – KITAABA WAAQA bible

Baruku 2

¹Duuba akanani Aabbo Waaqi gaargala qara isanifi jaallaboota teesanifi hayyoota teesanifi jara isani fidufi gumi Israelitifi ta Yudaletini d'ufa jed'e, nutini d'ufe.

²Wonti akana ka Yerusalemu keesati tahe sunini taka lafa d'ibi keesati intaane, ka waan isii kitaaba Seera Musa keesati qorani.

³Gaargali sunini nuti guddatte nu fooni ilmaani teenna ta dubratifi ta d'iirale nyaanne.

⁴Aabbo Waaqi nama keenna ch'ufa gargari firfirse harka gosa d'aatu teenna jirtuti nu kenne, ila miid'atifi ta tuffitini nu laale.

⁵Nu Aabbo Waaqa keennati ch'ubbamne saalfachufi dinne. Duuba akanani gochiti teenna fulla sila dabsacha argatu nu dabsatani.

⁶Aabbo Waaqi keenna hojja ch'ufa kama d'ugaati, ammo nuufi ababooti teenna maro wollaala keennatifi guddo ch'eera.

⁷Ato Aabbo Waaqi akuma isani gaargalcha jed'e nu gaargalchele,

⁸nu ammalle garagalle isati deebine herega keenna hama biraa nu deemi jenne isa inkad'anne.

⁹Nu isaa insaalfanne yokhaani seera isaa ka d'ugaa gula iyaane, tanaafi Aabbo Waaqi gaargala isani gaargalcha jed'e kaani ch'ufa nuti buuse.

¹¹Ee Aabbo atini Waaqa Israeli ka irre jabdufi akheekha waan mamatini worra kanke jabeenna guddaani lafa Misiri keesa baafte. Atini irre tante guddo nama garsiifte akasini gurra haga arrale qaabatani baafate.

¹²Ee Aabbo, Waaqa keenna nu ch'ubbamne siti wollaale seera kankele ch'absine.

¹³Ammo atini deebite nuti indalanini, gosa atini iti nu firfirsite taani keesati nu namuma diqa toko ch'allati hafe.

¹⁴Ee Aabbo Waaqa kad'acha nu si kad'annu tana nuu d'agayi maro guddinna keetiti jed'i nu baasi. Worri nu boojiele nuu nasisi.

¹⁵Duuba akasini aka atini Aabbo Waaqa keenna ka gosa Israeli fohate nama kanke tolfate lafti ch'ufti beeti.

¹⁶Ee Aabbo Waaqa gubba gadi nu laali d'ipu teenna argi kad'acha teenna nuu d'agayi,

¹⁷ila tante banad'i nu laali nu qaabad'i. Nami due fulla ekhera jiru ka hafuura ufi keesa inqamne dandae si faarse d'uga tante inodeesu.

¹⁸Ee Aabbo Waaqa nama jiru ch'allati si faarse d'uga tante beekha, ato worri gaargala gudda qabaate, jaare ga jed'e beelae lafa argu dad'abelle.

¹⁹Ee Aabbo Waaqa keenna nu naasu si kad'anna, ammo maro waan dansa ababooti teennafi hayyooti teenna tolchitetiniti ammo maro dansuma teetifi nuu nahi.

²⁰ Atini duri afaani hojattu tante raagootatini waan jette ga jed'a hayyu Babiloniti hojad'a duuba akasini lafa anini duri ababoota teesani kenne keesa teetani. Ammo yo isani dubbi tiyya lakiftani isaa hojachu didani, anini qonqo gammadatifi waan jila fakaata ch'ufa dira Yudatifi ka Yerusalemu keesale imballeesa, gammada jila fuud'ale ind'agayani. Lafti ch'ufti bade ona taati. Duuba atini akuma gaafasi jette suni aka hama nuti dallante waan suni ch'ufa nu tolchite.

²⁴ Ammo nu dubbi atini nuni jette lakimne, hayyu Babiloniti hojachu dinne. Tanaafi atini dubbi duri afaani hojattu tante raagootani dubbate, lafeele hayyoota teesanitifi ababoota teesani awaala keesa guurani lafati firfirsani jette, amma ya guute.

²⁵Amma lafeele guyya owi adu gugube halkani maganuni balleesiti. Worri suni duri oolafi woraanafi d'ukubaani gaargala keesa hobae.

²⁶Ammalle maro ch'ubbu worra Israelitifi ka Yudatifi atini Mana kanke balleesite ona tolchite aka inni arra jiru kana.

²⁷Ammo Aabbo nuu naate nu obsite,

²⁸ akuma atini duri hojattu tante Musati kakhate gaafa atini Seera gumi Israeli durati t'aafi jetteeni.

²⁹Atini waan jette yo isani naa saalfachu didani anini isani gumi amma muumme inqamne tana diqeese gosa d'ibi keesati isaani firfirsa.

³⁰Anini imbeekha isani nama mata jajabati naa insaalfatani. Ammo yo isani boojiani lafa d'ibi isani geesani qalbi argatani wobaratani.

³¹Gaafasi aka anini Aabbo Waaqa keesani hubattani, aninileeni gaafasi d'araa isani woini baratanifi qalbi isani woini hubatani isanii keenna.

³²Achiti lafa isani iti boojiani suni keesati na qaabatani na faarsitani.

³³Gaafasi isani mata jabeennafi ch'ubbu lakiftani, waan ababooti teesani gaafa Aabbo Waaqati ch'ubbamte taate qaabatani.

³⁴Duuba anini lafa duri ababoota teesani Abrahamufi Isaaqofi Yakobo kakhad'eeti isani deebise isiini deebite teesani taati. Anini isani daraarsa, deebitani indiqaatani.

³⁵ Anini wold'aqisa haga jiru jireenna isani woliini tolfad'e, akasini isanii nama kiyya taatani aninileeni Waaqa keesani taha. Anini deebie isani worra Israeli lafa isanii keenne keesa imbaasu, nuni jette.