Read BORANA BIBLE – KITAABA WAAQA Baruku 3 Bible Online

Baruku 3 - BORANA BIBLE – KITAABA WAAQA bible

Baruku 3

¹Ee Aabbo Waaqa gudda, Waaqa Israeli garaa keenna ka d'ipate gaargaleeni siti boonna.

²Ee Aabbo Waaqa nu ya siti ch'ubbamne ammo atini nu d'agayi nuu nahi.

³Atini hayyu haga jiru jireenna tau ammo nu halkani guyya hobaana.

⁴Ee Aabbo Waaqa gudda, Waaqa Israeli kad'acha teenna nuu d'agayi. Nu seeruma nama due dabreeti. Ababooti teenna sii Aabbo Waaqa isaaniti ch'ubbamte, worri sii saalfachu dide, amma gaargali worraa sunini ya nu qabate.

⁵Ch'ubbu duri ababooti teenna tolchite garaa keesa inkeyatini. Hojja akana tana irree teetifi gurra kanke dansa ch'alla qaabad'i,

⁶wonti akanatiifi atini Aabbo Waaqa keenna nuleeni tanaafi si faarsina.

⁷Atini ya ufi nu sodaachifte aka akasini si kad'annu. Lafa iti nu boojiani tana keesati si faarsina, wonti akanatiifi nu amma daba ababoota teenna ya iraa deebine.

⁸Atini gosa d'ibi keesati nu firfirsite worri nu tuffate nu abaare. Atini maro ababooti teenna duri si lakifte akasini ch'ubbu tolchiteefi amma nu gaargalchita, ee Aabbo Waaqa keenna.

⁹ Ee Israeli ch'aqasa dubbi jireennaani d'uftu: dubbi tana jabeesa duuba qaroo taatani.

¹⁰Ee, worra Israeli isani maanifi lafa nyaapa keesa teetani? Isani maanifi lafa biyya keesati jaartani, isani ya qulqullooma d'abdani aka reefa t'urooftani.

¹¹Isani seeruma nama dueti isani heregani, maafi akana?

¹²Wonti akanatiifi isaniti fulla qaroomi baufi lakise!

¹³Ato sila kara Waaqa gula deemtani haga jiruu jireenna nagayaani teetani.

¹⁴Fulla jabeenna, hubachafi, qalbini jirtu barad'a. Akanani isani fulla jireenni namaa d'eeratufi ifsa namaani deemuufi, nageenni jiru baratani.

¹⁵ Eennu nami tokole ka fulla qaroomi taufi yokhaani fulla inni wo olkeeyatu arge?

¹⁶Worra lafa fidu fa, worra bineensafi simpirre adamsu fa, worra qarsifi worqi ta muumme inqamne, ta nami ch'ufti d'ugefate, kara ch'ufaani barbaadu fa.

¹⁸Worra yadae mala beeseni argatu d'aatu ka ammo hujini worraa suni imullanne fa.

¹⁹Worri suni amma tokoleeni injiru ya hobae fulla ekheraa ta gadi d'aqe. Ammo nami d'ibiini ya d'ufe fulla worraa fud'ate.

²⁰D'alooti eege d'alate ka lafa suni keesa taeleni ka beekha barbaaduleni kara iti ingare. Worri suni kara qarooma ingare ammalle iti imbaane.

²¹Ijoolleeni worraleeni akuma suni dad'abde.

²²Qarooma suni worri Kanaani ingare. Worri Edomu ato guddo wo beekhu fed'e barbaadele iti imbaane. Bunat'u Midianitifi ta Tema, worra duri duri wo nama barsiisu ammalle worra wo hubachu fed'u tokoleeni kara qaroomani iti baani ingare.

²⁴Ee Israeli gubbaani ta Waaqi keesa tau akami guddo! Woni inni qabu muumme inqabdu.

²⁵Waan suni heregani keesa imbahani karaani deerinnafi ballinni isiitini heregani injiru.

²⁶ Armati duri worri d'ed'eerani gugurdaani waan woraana guddo beekhu d'ad'alate.

²⁷Ammo Waaqi worra suni fohate gumi ufi intolfanne yokhaani kara beekhumale ingarsiimne.

²⁸Worrale waan worri beekhumaafi qalbile inqamneefi hobae lafa d'abani.

²⁹Nami tokoleeni ka taka qarooma barbaada jed'e, gubba kore dumansa keesaa gadi d'ufeeni injiru.

³⁰Nami tokoleeni ka taka qarooma barbaada jed'e baariini taake yokhaani worqi qulqullitini bite injiru.

³¹Nami tokoleeni ka aka iti bahu yokhaani kara itini bahule beekhu injiru.

³²Waaqi ka waan ch'ufa beekhu, qarooma imbeekha, inni hubacha ufitini qarooma suni arge. Inni lafa haga jiruu jireenna jabeese mid'aase bineensa gosa gosaatini guute.

³³Ifsaleni yo inni yaame saalfateefi hollata. Inni ifsa suni erge jennaani ifsaani mullate.

³⁴Urjileeni yo inni yaamu hurifte owatte fulluma jirtuti gammadani bibilit'e, aka nama isi mid'aase gammachiiftu.

³⁵Inni Waaqa keenna, ka aka isa d'ibiini injiru.

³⁶Inni kara hubachani iti bahani ch'ufa beekhe qarooma hojattu ufi ta Israeliti kenne.

³⁷Eegi suni asi qaroomi lafa irati mullate nu woliini tae.