Read BORANA BIBLE – KITAABA WAAQA Baruku 4 Bible Online

Baruku 4 - BORANA BIBLE – KITAABA WAAQA bible

Baruku 4

¹Qaroomi kitaaba Seera Waaqa, ka aada jiru jireenna. Nami qarooma suni gula deeme jabeese injiraata, ka gula deemu dide lakise indua.

²Ee worra Israeli qaroomati deebia qabaad'a, mid'aaguma ifsa isaa d'aqa gula yaa.

³Milki nu qamnu tana gosa d'ibiti indabarsina.

⁴Nu gumiini Israeli akami gammada qamna waan nu waan Waaqa gammachiisa beenufi.

⁵Gumi tiyya garaa jabaad'a, nami maqa Israeli badi d'owu isani.

⁶Harka gosa d'ibi ya iti isani gurgurani ammo aka isani imballeesine. Waan isani Waaqa dallansiiftanifi inni harka nyaapa keesaniti isani kenne.

⁷Gaafa isani fulla sorio Waaqaa baaftani jinnii baaftani Waaqa isani uume dallansiiftani.

⁸Isani Waaqa jiruu jireenna, ka isani guddise deetani, akanani Yerusalemu ta aka haad'a isaniti jirtu laalala itini d'uftani.

⁹Yerusalemuni aka Waaqi dallansu ufi gula isani gaargalchu arginaani waan dira d'aatu isaa jiru ch'ufaani jette, Badii Waaqi natiini d'ufe me laala.

¹⁰Anini ilmaani tiyya ta d'iiratifi ta dubrale aka boojiani arge, booju suni Waaqa jiru jireennati itini d'ufe.

¹¹Anini ilmaani tiyya gammada guddaani gugurdise, ammo gaafa worra nara guurani guddo laalefad'e bohe.

¹²Anini amma hiyyeeti, ilmaani tiyya ch'ufa ya nara guurani nami tokoleeni gaargala kiyya suni ira ingammadina. Worri Seera Waaqaa ira gore, ch'ubbuuni worraa yayu ona na tolchite.

¹³Worri Seera Waaqaa guute gula iyaane ammalle kara d'uga ka inni iti qajeelche gula yau dide.

¹⁴Ee dira d'aatu tiyya ch'ufa, koota aka Waaqi jiru jireenna aka ilmaani tiyya boojiani lafa d'ibi geesani iti lakise herega.

¹⁵Inni gosa ch'eera inqamne, ta afaani d'ibi dubbatu, ta jaarsa jaartii ch'eerte ijoollele naasu inqamne, lafa fagooti worratini gadi d'ufe.

¹⁶Worri kunini ilmaani tiyya ta d'iiratifi ta dubrale ta anini jaalad'u nara boojie anini hiyyeeti woma inqamne nalakise.

¹⁷Ilmaani tiyya ta boojiani, anini waan tokole ka isanii tolchu inqabu.

¹⁸Nama gaargala kana ch'ufa isaniti d'ufe ch'allati harka nyaapa keesaniti isani baasu dandaa.

¹⁹Ijoolle tiyya nagaya keesanini yaa, anini qofuma tiyya jira, nagayaani taa!

²⁰Anini woya tiyya ta gaafa lafti nagaya keeyad'u ya ufi iraa baase, ammatana aka nama bohu ch'arqi naqad'e. Anini haga jiru ch'ufa Waaqa jiru jireenna na qarqaari jed'e iti boha.

²¹Ilmaani tiyya garaa jabaad'a, qarqaarsa Waaqati boha. Inni daba nyaapi keesani isani dabse jala isani baasa.

²²Anini imbeekha aka Waaqi jiru jireenna d'iotu isani baasu. Anini guddo gammada, hojja Waaqi qulqullooni, baafami keesani ka jiru jireenna isanii nahu.

²³Gaafa isani boojiani lafa d'ibi geesani laalefad'e bohe, ammo Waaqi isanuma galche haga jiru jireenna na gammachiisa.

²⁴Akuma gaafa isani boojiani diri d'aatu tiyya jiru isani daawate akasuma gaafa Waaqi jiru jireenna isani baasu d'ufu argani!

²⁵Ilmaani tiyya gaargala Waaqi isanitiini d'ufe obsa. Nyaapi keesani la isani gaargalche ammo aka worri yo balleesani d'ufe booju isani kad'atu yoosu argitani.

²⁶Ilmaani tiyya anini yayu isani jaalad'e akasini isani yake, ammo irumani ya kara hama gula isani yaasani, akuma hooliye nyaapi irreeni fuud'e.

²⁷Ilmaani tiyya garaa jabaad'a qarqaarsa Waaqati boha. Inni ya isani gaargalche ammo isani inded'u.

²⁸Akuma isani duri Waaqa fed'i teesani gula iraa gortani, ammamma akasuma fed'i teesanini iti deebie maro kud'ani haga duri kaale ira.

²⁹Namuma qara gaargala akana kana ch'ufa isanitiini d'ufeti taka tana isani baase gammada ind'umanne isanii kenna.

³⁰Ee Yerusalemu garaa jabaad'u. Waaquma duri maqa kana si kenneti amma garaa si kibe si qarqaara.

³¹Nami si dabse yo si dabsatu gammade gaargala argata.

³²Dira ijoolle tante boojie tisse tolche ch'ufa gaargala itini d'ufani. Babilonileni ka ilmaani kanke fud'ate gaargala argata.

³³Akuma diri sunini gaafa si dabsani balleesa gammade, akasuma innileeni yo isa dabsatani ona tolchani boha.

³⁴Anini kiyyiba isaa gargalche boha tolche gumi guddo inni koorunile iraa fuud'a.

³⁵Anini, Waaqi jiru jireenna ibida gubbaa iti buuse inni duuba haga guyya hedduu gubata. Ona isa haga guyya heddu muumme inqamne jinnini keesa qubate teeti.

³⁶Ee Yerusalemu gara ilaboru millad'u gammada Waaqi si d'ufuuni laali.

³⁷Me ilaali ijoolleeni sira boojiani taani galuu jirti. Jecha Waaqa qulqullootini gara ilaborutifi ila aduti woliti guurani, gammadaani guddinna Waaqa keesa galuti jirti.