Read BORANA BIBLE – KITAABA WAAQA Baruku 5 Bible Online

Baruku 5 - BORANA BIBLE – KITAABA WAAQA bible

Baruku 5

¹ Ee Yerusalemu woya bohafi gaargala baafad'u, mid'aaguma guddinna Waaqa ta jiru jireenna keeyad'i.

²D'uga Waaqa aka woya keeyad'i. Guddinna Waaqa jiru jireenna aka sure matati marad'i.

³Waaqi mid'aaguma tante gosa lafa ira jirti ch'ufa ingarsiisa.

⁴Inni haga jiru jireenna waan sini jed'u; nageenni kanke d'uga tante ira d'ufa, mid'aagumti tanteleeni jaalala atini na jaalatu iraa d'ufti.

⁵Ee Yerusalemu, kai gaara kori fit'e gubba eji, laali aka Waaqi qulqullooni ijoolle tante gara ilaborutifi ila aduti wolti guuru jiru. Isiini guddo gammade waan Waaqi qaabatefi.

⁶Ee Yerusalemu ijoolleeni te gaafa nyaapi fuud'e boojie, miilani si bira yaate, ammo amma Waaqi isi guddinna aka hayyutini galchuti jira.

⁷Waaqi dubbate waan jed'e: Gaareeni d'ed'eertufi kupile haga jireenna teetule ha gadi gabaabsani, balelle tinfani lafaani woli ha qit'esani, aka gumiini Israeli guddinna Waaqaa keesa nagayaani galtu.

⁸Baddani mukha urgaa qabduleni jecha Waaqa gula baate gaadisa gumi Israeliti tolchiti.

⁹Waaqi worra Israeli dura deeme nagayaani galcha. Worri ka nasufi d'ugaani Waaqa deemtuni, ka ifsaani guddinni Waaqa worra marsu gammada guddaani gala.