Read BORANA BIBLE – KITAABA WAAQA Ezekieli 12 Bible Online

Ezekieli 12 - BORANA BIBLE – KITAABA WAAQA bible

Ezekieli 12

¹AABBO Waaqi na yaame

² waan nani jed'e, Namicha, atini gumi nati garagalte na diddeeni woliini teetani. Worri ila qaba, ammo woma inargu, gurralee inqaba, ammo woma ind'agayu; wonti akanatiifi worri nama wo didu.

³Amma tana, Namicha, akuma nama lafa d'ibiti baqatu, miha wolti guurad'i, kai, ato lafti ingalgaloomne, aka hojja atini kaate deemtu nami ch'ufti si argu. Hegeri tana gula worri na didu sunini si argafa.

⁴Duuba ato lafti guyyatu, aka waan baqaa deemtu, miha kanke wolti hid'ad'i, ka worri si argu. Ammalle galgala suni, yo atini aka baqaa deemtu, worri ha si argu.

⁵Ato worri tae si laalu, mana kanke uri, miha kanke ka woltu hiite kaani artini alati baasi.

⁶Duuba worri ha sii, miha kanke gurmu ira keeyate ila hid'ate dukana keesa, ka gara imbeenne deemtu, si argu, wonti atini taatu kunini akheekha worra Israeliti taati.

⁷Anini akuma AABBO Waaqi Tolchi nani jed'e suni tolche. Guyya suni anini akuma nama baqatu miha kiyya wolti hid'ad'e, ato lafti dukanooftu, mana kiyya harkuma kiyyaani ure, kae alati bahe. Ato nami ch'ufti tae na ilaalu, miha kiyya gurmu ira keeyad'e, kae iti d'aabad'e.

⁸Boriyyaate AABBO Waaqi na yaame waan nani jed'e.

⁹Namicha, waan worri Israeli ka na dide kunini tae waan atini tahu jirtu sigaafatufi,

¹⁰Waan jettuuni, AABBO Waaqi guddaani waan jed'u, D'aamsi kunini ka hayyutifi nama inni Yerusalemu keesati mohatuti.

¹¹Waan jettuuni, wonti anini amma tahu jiru kunini akheekha waan hegeri isaniti d'ufaati, isani boojiani lafa d'ibi isani geesani.

¹²Hayyuuni worrale dukana keesa miha ufi wolti hid'ate, gurmu ira keeyate, mana qaa ka isaa uranini baqata. Inni ila hid'ate gara deemule wollaala.

¹³ Ammo anini t'urura isaa kaye, isa qabe, dira Babiloni ka inni haga duuti ila ufiitini ingarre geesa.

¹⁴Ammalle anini jara gugurda isa jala hojatufi makalafi jaallabootafi nama isa tissule gara ch'ufa firfirse nama worra fit'u iti erga.

¹⁵Yo anini gosa d'ibifi lafa d'ibileti worra firfirse, worri aka anini AABBO Waaqa beekha.

¹⁶Anini worra nama diqa toko woraanafi beelafi d'ukuba jalaa baasa, aka worri fulla jiru suniti wollaala ufi arge aka anini AABBO Waaqa isaanii hubatu.

¹⁷AABBO Waaqi na yaame waan nani jed'e,

¹⁸Namicha, yo wo nyaatufi yo woi d'uddule, mudami holad'i.

¹⁹Waan atini gosa lafa tana keesa jirtu ch'ufaani jettu, waan worra Yerusalemu keesa tau AABBO Waaqi guddaani akana jed'a: Yo woi nyaatanifi yo wod'uganile mudamani holatani. Lafti worraa badde adaala taate, waan nami achi keesa tau suni ch'ufti hammaate aada d'aabeefi.

²⁰Dira amma tana nami keesa guute kana ch'ufa balleesani ona tolchani. Duuba akanaani aka anini AABBO Waaqa beekhani.

²¹AABBO Waaqi na yaame waan nani jed'e,

²²Namicha, worri Israeli maanifi mammaasa kana — guyyaani indabra ammo himaansi inguutamu jed'e hojja ch'ufa mammakha?

²³Duuba amma waan jettuuni, wonti AABBO Waaqi guddaani jed'u tana: Anini mammaasa kana imballeesa, aka nami deebie Israeli keesati imammaane. Ammo waan worraani jettu, Amma guyyaani ya gahe, ka mammaasileeni ch'ufti guutamu!

²⁴Worra Israeli keesa deebiani daayya d'ara inargani, yokhaani waan d'ara infagani.

²⁵Anini, AABBO Waaqi guddaani, worraani dubbad'e jechi kiyyaleeni guutama. Worra woi didu kana, dubbini tunini amma inturtu, ato isani jirtanu wonti anini, intolcha jed'e, kunini guutamti. Nami dubbi tana jed'e, ana, AABBO Waaqa gudda.

²⁶Ammalle AABBO Waaqi waan nani jed'e,

²⁷Namicha, worri Israeli daayyafi himana kanke fago seha.

²⁸Duuba waan atini worraani jettu AABBO Waaqi guddaani waan jed'u, Amma wonti kunini deebite inturtu. Wonti anini jed'e, inuma guutamti. Nami dubbi tana jed'e ana, AABBO Waaqa.