Read BORANA BIBLE – KITAABA WAAQA Ezekieli 16 Bible Online

Ezekieli 16 - BORANA BIBLE – KITAABA WAAQA bible

Ezekieli 16

²Namicha, Yerusalemu waan hamtu isiini taate kana garsiisi

³waan jettuuni, AABBO Waaqi guddaani waan jed'u: Atini duri lafa kanaaniti d'alatte, abbaani kanke gosa Amori haati tante gosa Hiti.

⁴Gaafa atini d'alate suni nami tokoleeni ka hand'ure bisaanini si d'iqe, yokhaani sooda si dibe woya siti uyise injiru.

⁵Nami tokoleeni ka si nahe, waan kana tokole si tolche injiru, ammalle gaafasi nami si jaalate injiru, alati sigatani.

⁶Anini si d'aatu baanaani sii ufumaa teete d'iiga keesa gangalatu si arge ch'ichu si d'owe.

⁷Duuba anini si guddise atini aka mukha latte baate guddate d'eerate, aka intala gaaltama taate, guntutafi rifeensale baafte, ammo woya male qulla ejita.

⁸Ammalle guyya d'ibi anini si d'aatu banaani, aka atini guddatte fuud'aa geete si arge. Duuba anini woya tiyya siti uyise qulla te d'osse, fuud'e niiti si tolfad'e. Tunini waan AABBO Waaqi guddaani jed'e.

⁹Jennaani anini bisaani fuud'e, d'iiga siraa d'iqe, d'ad'a si ibse.

¹⁰Anini woya barreesani ch'okhanifi kope machala dansaafi hagogo booftatifi woya laasa ta uyifatanile sii kenne.

¹¹Anini faaya ch'uch'uluqa — mirgaafi imu siti naqe.

¹²Anini qube funnaanifi guraati si kaye, hagogo mid'aadu hayyiti mata ira sii kaye.

¹³Atini faaya worqitifi ka qarsi qabda, ammalle guyya ch'ufa woya booftatifi woya laasa ta barreesani ch'okhani keeyate. Qit'a dargaye dansa ira mid'aasanifi dammafi d'ad'a soorate. Atini aka male mid'aade, qaalliti fakaate.

¹⁴Atini mid'aaguma anini sii kenne sunini lafa ch'ufa keesa gurra baafte. Tunini waan AABBO Waaqi guddaani jed'e.

¹⁵Ammo atini mid'aaguma tante ta gurraani baafte suni d'aabbatte, nami deemu ch'ufa si bira rafe.

¹⁶Atini fulla Waaqa iti kad'attu woya teetiini ch'ote akuma sharmut'a nama siti d'ufu ch'ufa bulchite.

¹⁷Atini faaya qarsitiifi ka worqi, ka anini sii kenne fuute, fakeenna d'iira mid'aasite ufi keesa nat'e.

¹⁸Atini woya barreesani ch'okhani ta anini sii kenne taani fuute fakeenna d'iira ka mid'aasite kaaniti keete, d'ad'afi hit'aana anini si kennele baafteefi.

¹⁹Anini sagale sii kenne dargaye daakhani dansaafi dammafi d'ad'ale. Ammo atini waan kana ch'ufa fuute, fakeenna kaani sorio baafte. Tunini waan AABBO Waaqi guddaani jed'e.

²⁰Duuba eege atini ilmaani d'iiratifi ta dubra ta naa d'alte fuute, fakeenna suni sorio baafte. Diddaani atini naa didde suni diqo seete,

²¹ka ilmaani tiyya fuute fakeenna suni sorio baafte?

²²Gaafa atini hammaate sharmut'a taate, atini taka waan ijoollumaa taate inqaabanne — ka qulla teete, d'iiga d'aloota keesa gangalate.

²³AABBO Waaqi guddaani waan jed'u, Atini ya badde! Ya badde! Atini hameenna suni ch'ufa tolchite duuba,

²⁴kara ch'ufa d'aatuti fulla waaqa d'ara iti kad'atanifi huji sharmut'oma keesati tolchani jaarte.

²⁵Atini ufi busheesite, nama si d'aatu bahe ch'ufati ufi kennite, sharmut'omte keesa dabarte.

²⁶Atini gosa Misiri, ta d'aatu teesani teetu, ta nad'eeniini daalte jala rafte, sharmut'oma keetiini na dallansiifte.

²⁷Anini amma yayu harka siti olfud'ad'e aka si balleese eeba tiyya ta qara si qoode sira fud'ad'u. Anini yayu harka worra Filisti, ka si jibbe dabaafi ch'ubbu tanteetifi si tufateti si kenne.

²⁸Waan atini worra kaani inquufiniifi, amma maraate worra Ashuru gula fiidde. Atini worrale sharmut'a taate, ammo worrileeni si inquufsine.

²⁹Atini ammalle sharmut'a worra Babiloni ka daldaltu taate, ammo worrileeni si inquufsine.

³⁰Wonti AABBO Waaqi guddaani jed'u tana: Atini huji tana ch'ufa akuma sharmut'a ch'eera foko inqamne hojatte.

³¹Kara ch'ufa keesati fulla Waaqa d'ara iti kad'atanifi ta sharmut'oma keesati hojatani jaarte, ammo atini aka sharmut'a d'ibi hori nama iraa infud'anne.

³²Atini akuma niiti d'iirsa ufi lakifte nama d'ibi bulchite jirta.

³³Sharmut'a hori baasani, ammo atini gaarayoota tante ch'ufaa woi kennite, akasiini worra gumbeesite, gara ch'ufa ufiti ga fuute ufi bira bulchite.

³⁴Atini sharmut'a d'ibi iraa gorta. Nami tokoleeni sharmut'a si intolchine yokhaani hori si imbaanne, siti baaseefi male, kara kanani atini sharmut'a kaani d'ibi ch'ufa iraa gorta.

³⁵Yerusalemu sharmut'iti, amma waan AABBO Waaqi jed'u d'agayi.

³⁶Wonti AABBO Waaqi guddaani jed'u tana: Atini woya baafatte qulla ufi d'aabde, duuba akuma sharmut'a gaarayoota teetifi waan hamtu atini waaqa tolfate kad'atuleti ufi kennite, ilmaani tante waaqa d'ara suni sorio baafte.

³⁷Maro waan kanatifi anini gaarayoota tante ta atini jaalatufi ta atini jibbitule ch'ufa wolti baase, ila worraa durati qunch'ise woya siraa baase qulla si d'aaba.

³⁸Anini aka nad'eeni huji sharmut'a hojate d'iiga nama jissitu wollaala iti murani, wollaala siti mura. Duuba anini, ka dallansu qabu, si gaargalche dua siti mura.

³⁹Anini harka gaarayoota teetiti si kenne, worri fulla atini waaqa d'ara iti kad'atuufi huji sharmut'oma iti tolfatule ch'ach'abse balleese, woya tanteetifi faaya kankele siraa guurate, qulla akuma atini d'alate si lakisa.

⁴⁰Worri nama d'akhaani si had'u siti baase, worri sunini goraade ufitini gargari si ch'ira.

⁴¹Worri maneeni tante ch'ufa gube nad'eeni heddu durati gaargala kanke mullisa. Anini huji sharmut'oma iraa si deebise, gaarayoota teetile hori baasu si d'owa.

⁴²Duuba akasiini dallansu galfad'e ch'allise, ka si inhinaafne ufira taa, deebiele indallanu.

⁴³Atini waan gaafa atini kaima anini sii tae, deete, waan hamtu tolchite kana ch'ufaani na dallansiifte. Waan sunifi anini amma d'iba kana sitini d'ufa. Atini maanifi waan hamtu qaraa taate kaanile huji sharmut'oma iti darta? Nami dubbi tana jed'e AABBO Waaqa gudda.

⁴⁴AABBO Waaqi waan jed'e, Ee Yerusalemu, waan kanke nami mammaasa kanani mammaakha: Haad'a laali intala fuud'i.

⁴⁵Atini d'uguma akuma haad'a teeti d'alate; ta d'iirsafi ilmaani ufi jibbite. Ammalle atini akuma oboleyaani tante ta dubra, ta d'iirsafi ilmaani ufi jibbite jirta. Siifi oboleyaani tantele haati teesani gosa Hiti, abbaani keesanileeni gosa Amori.

⁴⁶Oboleetini tante guddoni Samaria, ta ilmaani isii woliini mirga kanke teetu; oboleetini tante maand'itini sodoma, ta ilmaani isii woliini bita tante teetu.

⁴⁷Atini faana worraa gula deemte, waan hamtu worri tahele taate, ammo sunileeni sii ingeenne; bultuma diqo tokoti atini kara ch'ufaani worra suni ira hammaate.

⁴⁸AABBO Waaqi guddaani waan jed'u, Haga anini jiru, oboleetini tante sodomafi ilmaani isii hameenna siifi ilmaani tante tolchite intolchine.

⁴⁹Isiifi ilmaani isiileeni, waan sagale quufani nagayaani taanifi, ufi saadani ufi guddisani, ammo worri hiyyeesafi d'ipata inqarqaarre.

⁵⁰Worri kiyyibe mata jabaate, waan anini jibbu ch'ufa tolchinaani akuma atini beetu kaani worra balleese.

⁵¹Samariani haga atini ch'ubbamte kana inch'ubbamne. Hameenna keetifi ka oboleyaani teeti, yo wolbira qabani, worri sii waan woma iyyakini fakaata.

⁵²Amma tana atini ch'eera kanke kara jalaa baatuni inqabdu. Ch'ubbuuni tante ta oboleyaani tanteeti iraa guddatte, worri sii nama woma iyyakini fakaata. Waan atini oboleyaani tante ira ch'ubbu tolchite, worri sii nama woma iyyakini fakaateefi, atini amma ch'eerafi foko irati hafta.

⁵³AABBO Waaqi waan Yerusalemuni jed'e, Anini Sodomafi ollowaani isiitiifi Samariafi ollowaani isiile deebie horsiise deebansa. Ee, anini sile horsiise deebansa.

⁵⁴Duuba akanaani atini ufirati ch'eerte, oboleyaani teetileeni akanaani sira woi barate si gula deebiti.

⁵⁵Worri woi horate, siifi ollowaani teetileeni woi horattani.

⁵⁶Bara atini duri kiyyibde, ka ch'ubbuuni atini tolchite taani diidati imbahini, atini Sodoma tufate ingoyeesine? Me, amma laali, atinileeni akuma isiiti ka worri Edomutifi ka Filistitifi ka d'aatu tante jiru ch'ufti si jibbe si goyeesu.

⁵⁷

⁵⁸Ammo atini maro waan ch'eera hamtu aka injirre tolchiteefi gaargalu malte. Nami dubbi tana jed'e, AABBO Waaqa.

⁵⁹AABBO Waaqi guddaani waan jed'u, Waan atini kakhu khakhate deete, wold'aqisa nu woliini tolfanne ch'absiteefi, anini amma woma si male si tolcha.

⁶⁰Ammo anini wold'aqisa gaafa atini ijoolle woliini tolfanne jabeese, wold'aqisa haga jiru jireenna tau tolcha.

⁶¹Atini waan taate kana qaabate iraa ch'eerta, hojja oboleetini tante guddofi diqoleeni siti deebite. Anini worra lachu aka ilmaani teeti tolcha, ato wonti kunini duri wold'aqisa kenna keesa jiraachule baate.

⁶²Anini wold'aqisa si woliini tolfad'e kana jabeese, duuba atinileeni akanaani aka anini AABBO Waaqa beeta.

⁶³Anini wollaala atini tolchite ch'ufa sii araarama, ammo atini wollaala suni qaabate ch'eerte afaani qabata. Nami waan kana jed'e, AABBO Waaqa gudda.