Read BORANA BIBLE – KITAABA WAAQA Ezekieli 29 Bible Online

Ezekieli 29 - BORANA BIBLE – KITAABA WAAQA bible

Ezekieli 29

¹Guyya kud'ani lameeso, ka jia kud'anneeso, ka ganna kud'anneeso, ka haga nu boojiani teenne, AABBO Waaqi na yaame waan nani jed'e,

²Namicha, hayyu Misiri isaafi lafa isaale abaari waan jettuuni,

³Wonti AABBO Waaqi guddaani jed'u tana: Anini nyaapa kanketi, ee hayyu Misiri, atini nyaacha gudda bisaani keesati galu. Atini galaani nile kiyya, nati mid'aase jetta.

⁴Ammo anini hooko sibiila laagati si d'ae qurt'umini galaana keeti ch'ufti siti mamat'ante si ch'ininti. Duuba galaana suni keesaa hirkise sibaase, ka qurt'umini taani ch'ufti siti ch'iiftu

⁵siifi qurt'umi taanile ch'ufa lafa goddu bisaani inqamneti d'abba. Ammalle atini akanumati, ka nami tokoleeni si inawaalle, diidumati hafte, anini goblola kanke allaatiifi bineensa ala nyaachisa.

⁶Duuba akanaani nami lafa Misiri keesa tau ch'ufti aka anini AABBO Waaqa beekha. AABBO Waaqi waan jed'u, Worri Israeli qarqaarsa si d'aabate, ammo atini laafa ilaadule ingeetu.

⁷Worri siti hirkannaani atini ch'ach'abt'e bobaa worraa woraante, dudda worra kute.

⁸Duuba amma tana anini, AABBO Waaqi guddaani, waan sini jed'u, Anini nama goraadeeni si ijeesu sitini d'ufe, worri namafi saa kankele fit'a.

⁹Misiriini badde ona taati; duuba akasiini aka anini AABBO Waaqa beetani. Waan atini, galaani nile kiyya anati mid'aase jetteefi,

¹⁰Anini nyaapa keetifi ka galaana keeti. Anini lafa Misiri ch'ufa haguma dira Migdoli ka mirgaati iti keeyad'e, dira Aswani ka bita, seera Kushi jiruti d'aabe balleese, ona tolcha.

¹¹Haga ganna afurtama faana namaatiifi ta bineensa tokole keesati inargani.

¹²Anini lafa Misiri badi taka lafa d'ibi keesati inargini itiini d'ufe, haga ganna afurtama diri isii sunini dira lafa ch'ufa ira bade ona taha. Anini nama lafa Misiri ch'ufa lafa isaani keesaa baase, worri baqate lafa d'ibi keesa taa.

¹³Wonti AABBO Waaqi guddaani jed'u tana: Eegi ganna afurtama anini worra Misiri lafa qara iti firfirse taani keesaa deebise,

¹⁴lafa worraa, moga bita, fulla worri duri keesaa bahe taaniti galcha. Achiti worri

¹⁵gosa gosa ch'ufa ira muyoo tae, iti deebie lafa d'ibi imohatu. Anini aka male worra laafise, duuba worri itumaa deebie gosa d'ibi irreeni imbulchu.

¹⁶Worri Israeli itumaa deebie qarqaarsa worra ind'aabatu. Duuba akanaani worri Israeli aka wonti worri duri Misiri d'aabateefi kaani wollaala arge hubata. Akanaani duuba worri Israeli aka anini AABBO Waaqa beekha.

¹⁷Guyya qara ka jia qara, ganna diddami torbeeso, ka haga nu boojiani nu teenne, AABBO Waaqi na yaame waan nani jed'e,

¹⁸Namicha hayyuuni Babiloni, ka Nebukadreza jed'ani, ya askarti fud'ate dira Tiro aka hama had'e. Inni askarti isaa waan ulfo baachise, baani sunini rifeensa mata ira luqifte gurmule urte. Ammo hayyichafi askartileeni namu waan tae suni ira woma inarganne.

¹⁹Tanaafi amma tana wonti anini, AABBO Waaqi guddaani, jed'u tana: Anini lafa Misiri hayyu Nebukadrezati kenna, Inni lafa suni had'e saame, balleese, waan worri Misiri qabu ch'ufa boojie, waan suni ch'ufa askarti isati kenne.

²⁰Waan isaafi askartini isaa naa hojateefi, anini lafa Misiri isaa kenna. Nami waan kana jed'e, ana, AABBO Waaqa gudda.

²¹Yo wonti kunini ch'ufti guutamte, anini gosa Israeli jabeese, si Ezekielile aka nami ch'ufti si d'agayu araba sii hiikhe si dubbachiise duuba akanaani aka anini AABBO Waaqa beekhani.