Read BORANA BIBLE – KITAABA WAAQA Ezekieli 37 Bible Online

Ezekieli 37 - BORANA BIBLE – KITAABA WAAQA bible

Ezekieli 37

¹Harki AABBO Waaqa na tuqe, lubbuuni isaa na fuute, jiddu bale lafeeni nama guute na d'aabde.

²Inni bale suni ch'ufa keesani na deeme, jennaani anini lafele gogodde heddu ta achiti turte bale suni keesati arge.

³Inni waan nani jed'e, Namicha, lafeleeni tunini deebite jiraate nama intaati? Anini waan jed'eeni, Ee AABBO Waaqa gudda, tana sumati beekha!

⁴Jennaani inni waan nani jed'e, lafele tanaa fagi waan jettuuni, Lafele gogodde, dubbi AABBO Waaqa ch'aqasa.

⁵Wonti AABBO Waaqi guddaani lafele tanaani jed'u tana: Lafele tana, Anini hafuura isaniti deebise isani jireesa.

⁶Anini morgaafi fooni isaniti deebise goga isaniti uyisa. Anini hafuura isani keesa kaye lubbu isaniti deebisa. Duuba akanaani aka anini AABBO Waaqa beetani.

⁷Jennaani anini akuma nani jed'ani kaani fage. Ato anini tae dubbad'u lafeleeni taani ch'ufti kakate wold'oofte, wolti mamat'ante;

⁸jennaani yo anini jed'e, lafeleeni taani foonifi morgaa baafte gogale horate. Ammo hafuuri keesa injiru.

⁹Duuba Waaqi waan nani jed'e, Namicha, qilleensati fagi waan jettuuni wonti AABBO Waaqi guddaani jed'u tana: Gara ch'ufaa kooti, reefa kana hafuura tahi, lubbu iti deebisi.

¹⁰Jennaani anini akuma nani jed'ani kaani fage, qilleensi kaani reefa kaani duude, reefi suni ch'ufti lubbu horate oli ejaanje duula gudda tae.

¹¹Duuba Waaqi waan nani jed'e, Namicha, worri Israeli akuma lafele tana jira. Worri waan jed'u, Nu yayu gogonne, ufi jibbaanne, waan iti yaanule wollaale.

¹²Tanaafi fagi, waan atini worra kiyya ka Israelitini jettu, Anini, AABBO Waaqi guddaani, awaala keesani bane reefa keesani keesaa fuud'e, lafa Israeliti isani deebisa.

¹³Yo anini irreesa iti isani awaalani bane keesaa isani yaase, isani gumiini tiyya, aka anini AABBO Waaqa beetani.

¹⁴Anini hafuura kiyya isani keesa kaye lubbu isaniti deebise lafa teesani keesa isani teesisa. Duuba akasiini aka dubbi tana AABBO Waaqi jed'e ammalle guute beetani. Nami dubbi tana jed'e, ana, AABBO Waaqa.

¹⁵Ammalle Waaqi nani dubbate waan jed'e,

¹⁶Namicha, ule toko fuud'i, uleeni tunini ta worra Yuda jed'i, irati t'aafi ule d'ibile fuud'i uleeni tunini ta worra Israeli jed'i, irati t'aafi.

¹⁷Ule suni lachu mata wolti d'aabi, ule toko fakeesi.

¹⁸Hojja biyyiti, wonti kunini maani? Jette si gaafatte,

¹⁹waan jettuuni wonti AABBO Waaqi guddaani jed'u tana: Anini ule Yudatifi ta Israeli fuud'e, ule tana lamaani ule takaa tolche, isiini harka kiyya keesati takaa taati.

²⁰Ule lamaani tana olfuud'i biyya garsiisi.

²¹Waan jettuuni, wonti AABBO Waaqi guddaani jed'u tana. Anini nama kiyya ka gosa d'ibi keesa jiru keesaa fuud'e wolti deebise lafa isaaniti galcha.

²²Anini gaareeni Israeli irati worra ch'ufa nama takaa ka lafa toko, tolcha. Duuba hayyuuni toko worra fide, worri deebie gosa lama ta hayyooti lama fiddu intahu.

²³Worri deebie waaqoota harkaani boch'ani kad'ate waan hamtu tolche, akasiini ufi int'ureesu. Anini kara worri dabaani tolche nara goruni ch'ufa worra iraa gorse worra qulqulleesa. Duuba worri gumi tiyya tae, aninileeni Waaqa worraa taha.

²⁴Hayyuuni hojattu tiyya Daudi fakaatu toko hayyu worraa tae, worri hayyu takaa jalati bule aadaafi seera kiyya aka dansaa guuta.

²⁵Worri lafa anini hojattu tiyya Yakobo kenne, ta ababooti worraa keesa teete, keesa tae, worraafi ilmaani worraatifi d'alooti worraa ch'ufti haga jiru jireenna achuma taa. Ammalle hayyu hojattu tiyya Daudi fakaatuti haga jiru jireenna worra mohata.

²⁶Anini wold'aqisa nagaya, ka haga jiru jireenna jiru, worraani woliini tolfad'a. Anini worra jabeese, daraarse deebanse, Mana kiyya ka haga jiru jireenna tau lafa worra keesati jaarad'a.

²⁷Anini achi worra woliini tae, Waaqa worraa tae, worrileeni gumi tiyya taha.

²⁸Hojja anini Mana kiyya ka haga jiru jireenna tau jiddu worrati jaarad'e, gochiti ch'ufti aka anini, AABBO Waaqi, gosa Israeli fohad'e gumi tiyya tolche beeti.