Read BORANA BIBLE – KITAABA WAAQA Ezekieli 42 Bible Online

Ezekieli 42 - BORANA BIBLE – KITAABA WAAQA bible

Ezekieli 42

¹Jennaani namichi ammalle naabo alaati na geese, mana toko ka Mana Waaqa moga mirga jiruni na d'ufe, ka mana Mana Waaqatini ila adu ira fago intahini.

²Mana kana, d'eerinni isaa d'und'uma d'ibba tokoti, ballinnileeni shantama.

³Moga tokooni mani suni lafa akanumati hafte taani ta ballinni isii d'und'uma diddama, ta d'aatu Mana Waaqati, fuula deefata. Ammalle moga tokooni d'akha qaarisani naabo ala garaa keesani marsaniti fuula deefata. Mana kana aka faano woljalaa bubuusani wolgubbati jaarani.

⁴Mana kana gama mirga, karaati jira; ballinni kara suni d'und'uma kud'ani, d'eerinnileeni d'und'uma d'ibba toko, ka balbalti seenaniini gama suni jirtu.

⁵Maneeni gubbati jaarani taani maneeni jiddu keesatifi ta jalale ira didiqo; wonti akanatiifi maneeni suni aka faano woljalaa bubuusani jaarani.

⁶Maneeni aka faano woljalaa bubutu tunini ch'ufti haguma geetunu, ka utuba aka maneeni naabo keesa ejaanjitu kaani inqamne, wolgubba ejaanjiti.

⁷Girgidaani mana suni, gama jalaatini, haga d'und'uma shantama duuda d'iibu tokole inqabu. Ammo d'und'umi shantama ka hafe kaani d'iibu qaba. Mana gubbaa aanu, haga d'eerinni isaa gahu ch'ufa d'iibuti jira.

⁹D'iibu tana jala, maneeni moga ilaboru, fulla girgidaani manatini eju, balbalati, jira, ta naabo alaati baasiftu. Mana Waaqatini, moga bita, mana d'ibiti jira, ka mana sunini wolfakaatu, ka ammalle mana Mana Waaqatini ila adu eju kaani ira fago intahini.

¹¹D'iibu tana dura karaati jira, ka kara moga mirga kaani fakaatu. Kara kanafi kara kaanile biimani isaa takuma, balbalti inni seenunileeni haguma taka, ammalle waan ch'ufaani woli fakaata.

¹²Balbala tokoti jira, ta balbala taani d'ibi gama bitaatini jalati jaarani, fulla manani moga ilaboru ta girgidaani manatini eju.

¹³Namichi waan nani jed'e, Maneeni tunini lachu qulqullo. Maneeni tana keesati qaaloleeni Waaqa dura d'uftu sorio ch'ufa ira qulqullo nyaati. Waan d'iibuni tunini qulqullo taateefi qaaloleeni sorio ch'ufa ira qulqullo taani achi keesati olkeeti: mid'aani Waaqa baasanifi sorio dabaani ufi ira baasanifi yokhaani waan gati sorio baasani.

¹⁴Yo qaaloleeni eegi qara Mana Waaqa duude ammalle keesaa baate gara naabo ala d'aqu feete, worri woya qulqullo, ta AABBO Waaqa duraani hojattu, d'iibu tana keesati lakisu male, Worri woya d'iibi keeyachu male ato fulla biyyiti iti wolwoldeetu ind'umne.

¹⁵Namichi kaani Mana Waaqatifi naabo isatifi mana arti keesa jiru ch'ufa biime keesaa baanaani balbala ilaborutini gadi naa baase ammalle qaye suni ch'ufa biime.

¹⁶Inni ule woini biimu taani fuud'e, moga ilaboru biime, biimani isii d'und'uma d'ibba shani taate.

¹⁷Jennaani inni moga mirgaatifi ta bitaatifi ta ila adule biime; biimani moga suni ch'ufti haga taka, d'und'uma d'ibba shaniti.

²⁰Duuba akanaani naabo qaye sunini marsani, biimani isii ta moga ch'ufa, d'und'uma d'ibba shani taate. Naaboni tunini waan qulqulloofi ka qulqullo intahini gargari baafti.