Read BORANA BIBLE – KITAABA WAAQA Ezekieli 48 Bible Online

Ezekieli 48 - BORANA BIBLE – KITAABA WAAQA bible

Ezekieli 48

¹Seeri lafaa, ka moga mirga, Baariini Gudda iraa bahe, ila boru qajeele, Dira Hethlonitifi kara Hamathitifi dira Enonitifi seera lafa Damaskiti, ta Hamathi jiddu bahuni, baha. Gochiti ch'ufti abbu qooda lafaa toko argachuu male. Lafa worraa qoodani suni seeri isii gama ila boruti bahe ila adu qajeele, Baariini Guddati eja. Gochiti ch'ufti qooda lafa mirgaa fuute, bitaati d'aabde, akanaani wolgula argachuu malte: Dani Asheri Naftali Manase Efraimu Reubeni Yuda.

⁸Qooda lafa ka lafa Yudati aanu huji jabdu koba kayuu malani. Ballinni qooda suni, ka mirgaa bahe bitaati eju ejata kuma kud'ani lamatifi d'ibba shani. Ammalle d'eerinni isaaleeni, ka ilaboruti bahe ila aduti eju, qooda lafa ka gosa kennaniini qit'e taka. Mana Waaqa qooda kana keesati jaarani.

⁹Qooda lafaa kana jiddu keesa lafa toko, ta d'eerinni isii ejata kuma kud'ani lamafi d'ibi shani, ta ballinnileeni kuma kud'ani, AABBO Waaqa koba baasuu malani.

¹⁰Lafa qulqullo tana keesa qaaloleeni qooda ufi argachuu malte. Biimani qooda worraa, ta ilaboruti baate ila aduti ejitu, ejata kuma kud'ani lamafi d'ibba shani. Biimani isaa ta mirgaa baate bitaati ejitu, ejata kuma shani. Mana AABBO Waaqa lafa tana wod'akati jaaru malani.

¹¹Lafti qulqullooni tunini ta qaalole d'aloota Sadoki. Worri sunini worra Israeli ka ch'ubbu tolche kaani gula imbaane, yokhaani worra Lawi, ka akasuma ch'ubbu tolchele, gula imbaane, ammo huji tiyya guute.

¹²Tanaafi worri qooda toko koba argachu male. Qoodi sunini d'aatu qooda worra Lawi jira, ammalle qooda qooda ch'ufa ira qulqullo tahu male.

¹³Worri gosa Lawileni qooda lafaa koba qabaachuu male. Qoodi sunini qooda qaalole moga bitaa jiraachu male; mogaani isaa ta ilaboruti baate ilaaduti ejitu, d'eerinni isii ejata kuma kud'ani lamatifi d'ibba shani. Mogaani isaa, ta mirgaa baate bitaati ejitu, ejata kuma shani.

¹⁴Qoodi lafaa, ka AABBO Waaqa oli kayani, qooda lafaa kaani ch'ufa ira dansa. Qooda kana tokole ingurgurani, yokhaani injijirani, yokhaani nama d'ibile indabarsani. Qoodi kunini qulqullo ammalle ka AABBO Waaqati.

¹⁵Qoodi lafaa, ka qooda suni iraa hafe, ka d'eerinni isaa ejata kuma kud'ani lamatifi d'ibba shani, ka ballinnileeni ejata kuma lamafi d'ibba shani, qulqullooniti ammo taatule ka gumi ch'ufati; worrati mana iti jaarateate lafa horini oolule tolfata. Dira wod'aka isaa suni keesati jaaruu malani,

¹⁶ballinafi d'eerinni isaaleeni ch'ufti ejata kuma lamafi d'ibba lamafi shantamati; gami isaa ch'ufti wolqit'e.

¹⁷Dira suni moga isaa ch'ufa, diida lafati jira, ka d'eerinni isaa ejata d'ibbafi diddami shani.

¹⁸Lafa, dira suni ka bitaa lafa qulqullooti jaarani iraa hafte, nama dira suniti lafa oobru tolfate liqimsa keesaa argata. Biimani lafa suni ta ilaborutifi ta ila aduleni haguma takaa d'eerinni ejata kuma shaniti, ballinnileeni ejata kuma lamafi d'ibba shani.

¹⁹Nami dira suni keesati galu ch'ufti, ato gosa fed'e tahele lafa suni inuma qotata.

²⁰Duuba akanaani lafti, qooda lafa ka kobaa baasani kaani jiddu keesa jirtu, mogaani isii ch'ufti wolqit'e, biimani isii, ta moga ch'ufaa, ejata kuma kud'ani lamafi d'ibba shani. Ammalle lafti dira irati jaaranileeni qooduma suni keesaa jirti.

²¹Qooda lafa ka Mana Waaqatifi lafa qaaloleetifi lafa worra Lawitifi diri keesa jiru, moga ilaborutifi ta ila adule, lafa ira hafteti jira, ta hayyu kennani. Lafti hayyu kennani sunini moga ilaborutini seera lafa ilaboruti ejiti, moga ilaadutini baariini guddati ejiti; ammalle moga isii, ta mirgaa, qooda lafa Yudati iti eja. Gama bitaatini qooda laafa Benjaminiti iti eja.

²³Qooda lafaa kaaniini gama bita, gochiti hafte taani ch'ufti abbu qooda lafaa toko argachu malte. Lafti sunini seera lafa taani ila boru iraa baate, ila adu qajeelte, Baariini Guddati ejiti. Gochiti ch'ufti qooda lafaa mirgaa fuute, bitaati d'aabde, akanaani wolgula argachu malte: Benjamini Simeoni Isakari Zabuloni Gadi.

²⁸Qooda lafaa ta gosa Gaditi kennani moga bita, seeri Tamari iraa bahe, maddo Kadeshiti qajeele, laga seera Misiri ira bahu gula deeme Baariini Guddaani bahe.

²⁹AABBO Waaqi guddaani waan jed'e, Aki lafa gosa Israeliti qoodani kennanifi akana.

³⁰ Fullo kud'ani lamati jira, ta dira Yerusalemutini seenani, mogaani naabo afraani, ta ch'ufa biimani isii ejata kuma lamatifi d'ibba lamafi shantama, balbala sadi qabdi, ammalle balbala tana ch'ufa maqa gosa Israeli toko tokooni iti baasani. Balbala gama mirga maqa Reubenitifi ka Yudatifi ka Lawi iti baasani; balbala ilaboru maqa Yusufutifi ka Benjaminifi ka Dani iti baasani, balbala bita maqa Simeonitifi ka Isakaritifi ka Zabuloni iti baasani. Balbala ila adu maqa Gaditifi ka Asheritifi ka Naftali iti baasani.

³⁵Biimani naabo suni, ta moga afraani ch'ufti wolti, ejata kuma sagali. Armaa achi maqaani dira kana baasani AABBO Waaqi Arma Jira!