Read BORANA BIBLE – KITAABA WAAQA Ezekieli 7 Bible Online

Ezekieli 7 - BORANA BIBLE – KITAABA WAAQA bible

Ezekieli 7

¹AABBO Waaqi na yaame waan nani jed'e,

²Namicha, wonti anini, AABBO Waaqi guddaani, lafa Israeli ch'ufani jed'u, tana: Tunini muumme lafa tana ch'ufa.

³Worra Israeli, muummeeni teesani ya geete, dallansu tiyya, waan isiini isani tolchitu, inagartani, anini waan isani tolchitani gula wollaala isaniti mura. Anini maro huji hamtu isani tolchitaniifi isani gaargalcha.

⁴Ammalle biraa isani indeemu yokhaani diqole isani innahu. Maro waan hamtu isani tolchitaniifi, anini isani gaargalcha, aka akanaani isani aka anini AABBO Waaqa beetani.

⁵Wonti AABBO Waaqi guddaani jed'u tana, Badiini teesani woluma duubani d'ufti.

⁶Muummeeni ya geete, muummeeni ya geete, isani ya hobaatani.

⁷Isani, nama lafa tana keesa jiru, muummeeni teesani ya geete. Guyyaani ya ala hobae, ka deebiani gaareeni gubbati jila intolfanne, ammo dadallaani waan tahani wollaalani.

⁸D'iotu isaniini ch'ufti aka dallansuuni tiyya hamtu agartani. Maro waan isani tolchitanitiifi wollaala isaniti mure, maro waan hamtu isani tolchitanitiifi waan isanii male isanii kenna.

⁹Ammalle anini biraa isanii indeemu, yokhaani isanii innahu. Maro waan hamtu isani tolchitanitiifi, anini isani gaargalcha, aka akanaani isani aka anini AABBO Waaqa, ka isani gaargalchu beetani.

¹⁰Guyyaani Israeliini badu d'ufuu jira, had'iisi fulla ch'ufa kau jira, ufi saaditileeni ya lafa ira dabarte.

¹¹Had'iisi sunini ch'ubbu d'ibi lafatini d'ufa. Wonti tokoleeni worrati inhaftu, hori taanaani, hormaata taanaani, guddinnale taanaani.

¹²Guyyaani ind'ufa, ya d'iaate, ka wo bitisafi wo gurgurileeni badu, wonti akanatiifi dallansuuni AABBO Waaqa nama ch'ufa wolqit'eesite geeti.

¹³Nami woi gurguru tokoleeni lubbu bule waan iraa bade indeefatu, wonti akanatiifi dallansuuni Waaqaa ya nama ch'ufa geete. Nami ch'ubbu qabu waan kana duraa imbahu.

¹⁴Magalaata ya d'aani, nami ch'ufti ya kurfae, ammo nami duulu injiru, wonti akanatiifi dallansuuni Waaqa ya nama ch'ufa qit'eesite geete.

¹⁵Dira keesati woli had'ani, fayyad'abafi beeltileeni mana keesati nama qabati. Ammalle nama diidati hafu woraanati ijeesa, ka dira keesa jiruleeni d'ukubafi beelaani raawata.

¹⁶Hagiini aka sabaliisa bale keesaa rifatu rifate gaareeniti baqata. Nami ch'ufti ch'ubbu ufitifi laalefate boha.

¹⁷Harki nama ch'ufa darrate, miili worraleeni holata.

¹⁸Ammalle worri ch'arqi naqate, nafi isaani ch'ufti holate, mata haadate, worra ch'ufa ch'eeri balleesa.

¹⁹Worri worqifi qarsi ufi akuma huura kara keesati jissa, wonti akanatiifi qarsifi worqiini worraa dandeete dallansu AABBO Waaqa dura worra imbaaftu. Worri dandae qarsifi worqi suni soorate beelaani imbahu, wonti worra ch'ubbu keesa buuse waan suni.

²⁰Worri duri faaya ch'uch'uluqa naqatu kanani guddo koore, Waaqoota worrale woma suniini mid'aafate. Wonti AABBO Waaqi hori worraa worrati had'eesefi suni.

²¹AABBO Waaqi waan jed'u, Anini gosa d'ibi worrati erga, ta worra saamtu, ammalle nami wo yaku ch'ufti waan worri qabu ch'ufa fud'ate t'ureesa.

²²Ammalle hojja hattuuni mana kiyya qulqullo duude t'ureesitu, anini woma iraa inqabu.

²³Wonti ch'ufti ya aka iraa gorte — lafa ch'ufa keesati nami wolfit'e dira ch'ufa keesaleti wolballeesa.

²⁴Anini gosa hamtu ch'ufa armaani d'ufe, worri maneeni teesani ch'ufa boojia. Nami keesani jajabaani ch'ufti waan tahu wollaale ufi jibbaata, hojja anini fulla isani Waaqa iti kad'atani taani gosa d'ibi iti lakise, worri t'ureesu.

²⁵Mudamtani ufi jibbaattani nagaya barbaaddani, ammo inargatani.

²⁶Badiini woluma duubani isani qabatte, oduuni hamtuni gargari inch'inne gurra isani guuti. Isani raaga kad'atani, maaniti ga d'ufa? jettani gaafattani. Qaaloleeni waan biyya barsiiftu d'abde, jaaroleleni waan namaani gorsitu d'abdi.

²⁷Hayyuuni bohe, ilmi isa ufi jibbaate, biyyitileeni naasuni holatti. Anini waan isani tolchitani gula isani gaargalche, akuma isani wollaala namati murtani isanile wollaala iti mura. Duuba isani akanaani aka anini AABBO Waaqa beetani.