Read BORANA BIBLE – KITAABA WAAQA Hosea 11 Bible Online

Hosea 11 - BORANA BIBLE – KITAABA WAAQA bible

Hosea 11

¹ AABBO Waaqi waan jed'u, Gaafa Israeliini ijoolle, anini isa jaalad'e lafa Misiri keesaa akuma ilma kiyya yaame.

²Ammo akuma anini isa yaamuuni, inni naraa fagaate. Worri waaqa Baali jed'ani sorio baase, waaqoota d'arati hit'aana aarse.

³Ammo ha taatu, nami Israeli daadise anuma. Anini gumi tiyya hampaare, ammo worri aka anini worra qorqorad'e beekhe imfud'anne.

⁴Anini worra jaalalaani deemeeni, hampaare qomati mat'anfad'e, worrati gadi jed'e gololche.

⁵Worri nati deebiu dida, tanaafi worri amma lafa Misiriti deebia, ammalle worri Ashuru worra mohata.

⁶Nyaapi dira worraa keesati goraadeeni nama balleese, balbala fullo dira worrale ch'abse, maneeni worraa jajabdu keesati worra hobaasa.

⁷Ammalle worri kiyya ya aka na lakisu kutate. Worri, Qaampara nuraa fuud'a jed'e iyya, ammo nami worra iraa fuud'u injiru.

⁸ Ee Israeli, anini akami dandae isani lakisa? Yokhaani akami lafa isani buuse isani biraa deema? Anini akami dandae aka Adma balleesani isani balleesa, yokhaani aka Seboimu tolche isani tolcha? Garaani kiyya ee naani injed'u, jaalalti anini isani jaalad'u guddo jabdu.

⁹Dallansu tiyyaani isani ingaargalchu, deebie Israeli imballeesu. Anini Waaqa, namaaniti. Anini Qulqullicha jiddu teesani jiru. Anini d'ufe isani balleesu imfed'u.

¹⁰Gumiini tiyya na gula yaati, hojja anini aka nyeench'a nyaapa worrati itanu. Worri gama ila aduti orie nati d'ufa.

¹¹Worri gara Misiriti aka simpirre barise d'ufe gara Ashurule aka sabaliisa d'ufa. Ammalle anini worra isaaniti, worra galcha. Nami dubbi tana jed'e ana, AABBO Waaqa.

¹²AABBO Waaqi waan jed'u, Worri Israeli ya kiyyibafi sobaani na marse, worri Yudaleeni ammalle Waaqa d'uga qulqullo diduu jira.