Read BORANA BIBLE – KITAABA WAAQA Hosea 12 Bible Online

Hosea 12 - BORANA BIBLE – KITAABA WAAQA bible

Hosea 12

¹Worri Israeli halkani guyya wo balleese male woma imid'aasu. Worri haga qarale ira wolsobe wolhad'e wolballeesa. Ammalle worra Ashurutini wold'aqani worra Misiritiini woliini daldalani.

²AABBO Waaqi waan worra Yuda himatu qaba, ammalle worra Yakobo maro huji worratiifi gaargalcha; inni huji worraa gula gaargala kennaafi.

³Yakobooni gaafa garaa haad'a keesa jiru, oboleesa isaa ka lakooletiini woli wollaanani; eegi guddatele Waaqaani woli wollaanani —

⁴inni malaikaani woli wollaanani isi dabsate, ammalle bohe, Naa eebisi jed'eeni. Bethelileti Waaqi iti d'ufe isaani dubbate.

⁵Waaqi suni AABBO Waaqa, Waaqa Gudda — maqaani isaani kad'atani AABBO Waaqa.

⁶Tanaafi isani ammatana Waaqa keesani d'ugeefad'a, iti deebia; jaalalaafi d'uga jabeesa, biraa indeemina, obsaa, waan Waaqi keesani tolchu eega.

⁷AABBO Waaqi waan jed'u, Worri Israeli akuma worri Kanaani bunaqa keesa waan woini biimani nama dabsu jaalatu jaalata.

⁸Ammalle worri waan jed'u, Nu dureeyyi, ya duroomne waan heddu horanne, nami tokoleeni ka dandae, Worri kunini nama dabse akana woi horate jed'u injiru.

⁹Ammo anini, AABBO Waaqi keesani, ka lafa Misiri keesaa isani baase, finna gaafa anini lafa gamoojiti isaniti d'ufe, ka isani waaroti galtaniti, isani deebisa.

¹⁰Anini raagoota dubbise daayya heddu worra garsiise, ammalle raagani gumi tiyya mammaasa heddu barsiise.

¹¹Ammo Gileaditi waaqoota d'ara kad'atani, nami isa kad'atuleeni inhobaa. Koromile Gileaditi sorio Waaqaa baasani, fullaani artiti sorio iti baasani sunini d'akhaye oobru keesati wolirati tuulani taati.

¹²Yakobooni lafa Mesopotamia baqate achiti nama d'ibii ree tisse, akasiini niiti fuud'e.

¹³Jennaani AABBO Waaqi raaga erge worra Israeli tissooma lafa Misiri keesaa baase tisse qorqorate.

¹⁴Worri Israeli ya aka taka inargini AABBO Waaqa dallansiise; maro ch'ubbu sunitiifi duu malani. Waan worri isa ch'eerseefi, AABBO Waaqi worra gaargalcha.