Read BORANA BIBLE – KITAABA WAAQA Henna 15 Bible Online

Henna 15 - BORANA BIBLE – KITAABA WAAQA bible

Henna 15

¹AABBO Waaqi waan Musani jed'e,

²Waan atini worra Israelitini jettu, Hojja lafa iti qubachu geetanini baatani, seera kana guutuu maltani.

³Korma loonitifi elemo, hoola yokhaani laleesale dandaani AABBO Waaqaa baasani, aka sorio gubanifi yokhaani sorio kakhuuni guutani yokhaani jila teesani ta woga tolfatani; ch'inch'aani sorio akana tunini AABBO Waaqa gammachiifti.

⁴Nami hoola yokhaani laleesa sorio gubani AABBO Waaqatini d'ufu ch'ufti ha hori kana ch'ufa woliini kilo dargaye daakhani, ta d'ad'a killa toko iti naqani, aka mid'aani Waaqaa baasani d'ufuni, ammalle daad'i dulo toko woliini.

⁶Hojja elemo qalani, kilo lama ta dargaye daakhani, ta d'ad'a killa tokofi wod'aka iti naqani, ha aka mid'aani Waaqaa baasani d'ufaniini,

⁷ammalle daad'i dulo tokofi wod'aka woliini, ch'inch'aani sorio akana tunini AABBO Waaqi gammachiifti.

⁸Hojja korma looni aka sorio gubani yokhaani aka sorio kakhuuni guutani yokhaani sorio wold'ageeti AABBO Waaqaa baasani,

⁹mid'aani Waaqa baasani, ka kilo sadi ta dargaye daakhani, ta d'ad'a killa lamatini wolti naqani ha d'ufaniini,

¹⁰ammalle dulo lama ta daad'i woliini. Ch'inch'aani sorio akana tuni AABBO Waaqa gammachiifti.

¹¹Wonti korma loonitifi elemofi hoolafi laleesa woliini baasu malani tana.

¹²Hojja hori toko ira baasani waan woliini baasani kaanile iti daru malani.

¹³Nami gosa Israeli keesa d'alate ch'ufti, hojja inni waan gubani Waaqaa baasani kana baasu, ka ch'inch'aani isii Waaqa gammachiiftu, akana tahu male.

¹⁴Ammalle hojja nami gosa teesani intahini, ka isani keesa tau, keessuma taanaani, yokhaani nama worra ufitiini godaanu taanaani, waan gubani Waaqaa baasani suni baase, ka ch'inch'aani isii Waaqa gammachiiftu, inni ha seera keesani suni gula deemuti.

¹⁵Bara ch'ufa seeri kunini isanifi worra gosa d'ibi ka isani keesa tau takuma; isanifi worrileeni AABBO Waaqa durati nama taka;

¹⁶ seerafi aadaani teesanifi ta worraleeni taka.

¹⁷AABBO Waaqi waan Musani jed'e,

¹⁸Waan atini worra Israelitini jettu, Hojja isani lafa anini isanii kennu sunini baatani,

¹⁹sagale lafa suni yaatani sagale suni haga toko AABBO Waaqaa baasu maltani.

²⁰Hojja qit'a d'aabdani, qit'a qara ka mid'aani qara ira mid'aasitani AABBO Waaqa baasu maltani. Akuma mid'aani d'aantani baaftani, akasuma qit'ale baasu maltani.

²¹Bara ch'ufa wonti isani AABBO Waaqa baaftani qit'a isani d'aabdani keesaa bahuu malte.

²²Ammo yo hegeri nami toko wollaale, seera AABBO Waaqi Musaa kenne kana ch'abse,

²³ammalle yo takaa tana gumiini waan AABBO Waaqi Musani jed'e guutuu dad'abde,

²⁴yo wollaali suni beekha male tolchani, gumiini ch'ufti ha korma looni sorio gubani baasani, ta ch'inch'aani isii Waaqa gammachiifti baaftuti, mid'aani Waaqaa baasanifi daad'i Waaqaa baasani woliini. Tana male gumiini ha korbeesa ree sorio dabaani ufi iraa baasani baaftuti.

²⁵Qaallichi ha gumi qulqulleese aada guutufi, duuba inaraaramaniifi; wonti akanatiifi worri beekha wollaala intolchine, ammalle worri sorio dabaani ufi iraa baasani, aka sorio gubani baasani, AABBO Waaqaa baase.

²⁶Gumi Israeli ch'ufafi worra gosa d'ibi ka worra keesa taule inaraaramani wonti akanatiifi nami ch'ufti wolumaani wollaala tolche.

²⁷ Hojja nami beekha male ch'ubbu tolche, inni ilme laleesa, ta ganna toko, ha sorio dabaani ufi iraa baasani Waaqaa baasuti.

²⁸Fulla sorio iti baasaniiti qaallichi ha isa daba iraa qulqulleese, aada qulqulluma suni guutufi, duuba inaraaramaniifi.

²⁹Seeri kunini ka nama ch'ufa, ka beekha male daba tolchu, ato inni gumi Israeli taule yokhaani nama gosa d'ibi ka worra keesa taule taate.

³⁰Ammo nami beekha daba tolchu, ato gosa Israeli yokhaani gosa d'ibile taate, inni ya AABBO Waaqa tufate, tanaafi gumi keesaa kutuu malani,

³¹wonti akanatiifi inni dubbi Waaqa tufate, seera isaa beekhaa ch'abse. Wollaali ch'ufti gubbaa isaati.

³²Guyya toko ato worri Israeli lafa aloo keesa jiru, namicha toko ka guyya Sabato qoraani ch'absatu argani.

³³Maro waan isa tolchani imbeennefi isa fuud'ani Musafi Harunifi gumi ch'ufa duraani d'ufani, isa hid'aansa keesa kayani.

³⁵Jennaani AABBO Waaqi waan Musani jed'e, Namicha kana ijeesu malani; gumiini ch'ufti ha olla keesaa baafte d'akhaani haate ijeeftuti.

³⁶Duuba gumiini ch'ufti isa fuute, olla keesaa baafte, d'akhaani haate ijeefte, akuma AABBO Waaqi Musani jed'e.

³⁷AABBO Waaqi waan Musani jed'e,

³⁸ Waan atini gumi Israelitini jettu: Handaara humbi woya teesaniti tolfad'a, ammalle museensa bule handaara suni ch'ufati naqa.

³⁹Waan kana bara ch'ufa tolchu maltani. Handaari kunini beesisa isanii taha, aka hojja isa agartani ch'ufa seera kiyya qaabatani guutani; yo akasi tatani, nara gortani fed'ifi d'araa teesani gula imbanne.

⁴⁰Handaari sunini seera kiyya ch'ufa isani qaabsise, isani nama kiyya qulqullo tatani.

⁴¹Anini AABBO Waaqa keesani, ka lafa Misiri keesaa isani baase Waaqa keesani tahe. Anini AABBO, Waaqa keesani.