Read BORANA BIBLE – KITAABA WAAQA Henna 36 Bible Online

Henna 36 - BORANA BIBLE – KITAABA WAAQA bible

Henna 36

¹Worri balbala Gileaditi mataa, ilma Makiri ka ilma Manase, ka ilma Yusufu, gara Musatiifi jaarole taani d'aqe,

²waan jed'e, AABBO Waaqi ya lafa biyya hit'aani qoodi siini jed'e. Ammalle inni yayu lafa Selofahadi, ka fiit'a teenna ijoolle isaa ta dubrati d'aala kennifi siini jed'e.

³Ammo yo nami gosa d'ibi dubra suni fuud'e, d'aalti isii ta gosa suni taate, duuba akasiini qoodi lafa teenna diqaata.

⁴Duuba gaafa ganni wodeebisani gahe, ka lafa qara gurgurani ch'ufa abbaa deebisani, lafti dubrati Selofahadi d'aalte, ta gosa worra isi fuud'e taate, akasiini gochiti teenna lafa suni d'abdi.

⁵Jennaani Musani, dubbi AABBO Waaqa gula, wa wa waan gumi Israelitini jed'e, Wonti gochiti Manase jette d'uga,

⁶duuba AABBO Waaqi waan jed'u, Dubarti Selofahadi ha nama feetu fuututi, ammo nami isiini feetu ha gosuma isaani keesaa bahuti.

⁷D'aala worra Israeli gosa toko iraa fuud'ani, gosa d'ibiti inkennani.

⁸Dubarti gosa Israeli keesa abba ufi d'aaltu, nama gosa isii suni fuud'uu malte. Aka karaa kanani nami Israeli ch'ufti waan abbooti ufi d'aalu,

⁹akanaani d'aalti sunini gosa toko iraa baate gosa d'ibiti indabartu. Duuba akasiini gochiti Israeli ch'ufti d'aala ufi jabeesiti.

¹⁰Duuba Mala, Tirsa, Hogla, Milkafi Noani, dubriti Selofahadi, akuma AABBO Waaqi Musani jed'e tolchite, ijoolle d'iira ta oboleyaani, abba isii d'at'e fuute.

¹²Nami isi fuud'e worra balbala gosa Manase, ka ilma Yusufu, d'aalti worraleeni gosa abba isaani keesati hafti.

¹³Tunini seerafi aada AABBO Waaqi worra Israeliti afaani Musatiini kenneefi, diida Moabu, ka yo arti ejani Yerikoni galaana Yordani gamaa nama dura mullatu keesati.