Read BORANA BIBLE – KITAABA WAAQA Mika 4 Bible Online

Mika 4 - BORANA BIBLE – KITAABA WAAQA bible

Mika 4

¹Taka tana gaari Mana Waaqaa irati jaarani gaara ch'ufa ira d'eerate keesaa baha. Gochiti hedduuni aka biyye tana

²iti yaate waan jettu, Koota, gaara AABBO Waaqaa olkorre Mana Waaqa Yakobo d'anna, aka inni kara ufii nu barsiise, nu daandi isaa gula yaanu. Wonti akanatiifi dubbini AABBO Waaqaa Yerusalemu keesaa baati, seeri isaaleeni Sioni iraa d'ufa.

³ Inni gosa woldiddu wolti araarse, nama jajaba lafa fagotiifi ka lafa d'io woltiini d'ufa. Worri goraade ufii maraasha tumate woraana haamtu tolfata. Gochiti deebite woraanaani wolinhaatu, deebiani waan lola baratani wolinhad'ani.

⁴ Nami ch'ufti oobru ufii keesa, mukha zabibutifi ka oda jala, soda male nagayaani taa. Nami dubbi tana jed'e AABBO Waaqa Gudda.

⁵Gochiti ch'ufti Waaqa ufii kad'atte gula yaati, ammo nu gama keenna AABBO Waaqa keenna haga jiru jireenna kad'anne gula yaana.

⁶AABBO Waaqi waan jed'u, Guyyaani ind'ufa, ka anini naafa wolti yaame, worra boojiani gaargalchani wolti deebisu.

⁷Worri naafa, ammalle worra isaani ira fago jira, ammo anini worra hafe suni qarqaare gosa guddo tolche horsiisa. AABBO Waaqi armaa achi haga jiru jireenna gaara Sioni irati worra fida.

⁸Atileeni Yerusalemu, fulla Waaqi aka tissitu gumi ufii tissu, deebite dira gudda taate, guddinnileeni kanke taha.

⁹Ati maafi akana lalabde boota? Atini maafi aka niiti d'alaa ch'ininfattu gaargalta? Waan hayyu d'abde jaaroleeni sira dodooteefi akana taata?

¹⁰Isani worra Sioni, aka nad'eeni ch'ininfattu, woraaqa, waad'a; isani amma dira keesaa baatani baadia galtani. Lafa Babiloni d'at'ani, achiti AABBO Waaqi d'ufe harka nyaapa keesani keesaa isani baasa.

¹¹Amma gochiti hedduuni wolti baate isani haate waan jettu, Sioni balleesani t'ureesu malani! Ilti teenna ha dira kana ka one bade agartu!

¹²Ammo gochiti tunini herega AABBO Waaqaa imbeetu, yokhaani mala AABBO Waaqaa, ka inni worra aka mid'aani oobditi guurani d'aanani worra d'aanu, inhubanne.

¹³AABBO Waaqi waan jed'u, Worra Sioni kaa, nyaapa keesani aka mid'aani d'aanani d'aana! Anini aka korma looni ka gaafa sibiila guraachatiifi qeench'a sibiila diima qabu isani tolcha. Isani gosa heddu d'aantani ch'ach'arasitani, ammalle hori worri kara dabatini argate iraa fuutani ana, abba lafa ch'ufaati baaftani.