Read BORANA BIBLE – KITAABA WAAQA Zekaria 10 Bible Online

Zekaria 10 - BORANA BIBLE – KITAABA WAAQA bible

Zekaria 10

¹AABBO Waaqa kad'ad'a, aka inni hojja wogaani geetu isanii roobu. Nami dumansa bokayatiifi sorro namaa erge oobru ch'ufa dotteesu isuma.

²Nami waaqoota d'ara ta harkaani mid'aasani ira wo eegate nama wo himule wo gaafata, ammo dubbi d'araatiifi ta woma keesa injirre iti himani. Nami gari waan oobjuuni d'ooftu hima, ammo d'uga ira isani gorsa; worri sunini qarqaarsa woma imbaanne isanii keenna. Tanaafi biyyiti aka hooliye badde yayaati, aka nama nama tissu inqamne, gaargalti.

³AABBO Waaqi waan jed'u, Anini nyaapa amma gumi tiyya tissu ya iti dallane, gaargalchu male illakisu. Worri Yuda kiyya, ana, AABBO Waaqa Guddati qorqorata. Worri fardoole tiyya ta lolaa taha.

⁴Worra keesaa jaallaba, makala, hayyoota, ta worra kiyya fiduti, gabaha.

⁵Worri Yuda nyaapa ufii dabsata, aka worra duulaa ka nyaapa dabsate aka d'oqe lafati d'id'iitu. Worri waan AABBO Waaqa woliini jirufi, nyaapa had'e worra fardaani worra had'ule dabsata.

⁶Anini worra Yuda jabeese, worra Israeli baasa; anini worraa nahe worra ch'ufa ufiti deebise, worrileeni aka nama anini taka indidini taha. Anini AABBO, Waaqa worraati, kad'acha worrale ind'agayaafi.

⁷Worri Israeli aka askarti jabaate, aka nama daad'i d'uge gammada. Ilmaani worraa waan kana agarte, waan AABBO Waaqi tolche iraa gammaddi.

⁸Anini gumi tiyya woli woldeesise, worra baase qarqaare guddise, aka duri worri jiruti deebisa.

⁹Ato anini qara worra gosa d'ibi keesa gargari bitineesele, worri lafa fagole keesati na qaabata. Worraafi ilmaani worraleeni achiti inhobaane, nagayaani woliini deebiani.

¹⁰Gara lafa Misiritiifi ta Ashuruti anini worra galche, lafa worraati qubachiisa. Anini worra lafa Gileaditiifi ta Lebanonile qubachiise, lafa ch'ufa nami guuta.

¹¹Hojja worri baariini gaargala keesa deemu, Anini, AABBO Waaqi, d'awa galaana d'ae, d'immu Galaana Nile gossa. Kiyyiba worra Ashuru balleesani, jabeenna Misirile ch'absani.

¹²Anini gumi tiyya injabeesa; worrileeni na kad'ate naa saalfata. Nami dubbi tana jed'e AABBO Waaqa.