Read BORANA BIBLE – KITAABA WAAQA Zekaria 2 Bible Online

Zekaria 2 - BORANA BIBLE – KITAABA WAAQA bible

Zekaria 2

¹Daayya d'ibi keesa anini nama haada woini biimani harkaa qabu arge.

²Duuba anini, Eesaa deemta? jed'e gaafad'e. Inni, Yerusalemu d'eerinnafi ballinna isii biimu deema naani jed'e.

³Jennaani anini malaika qara naani dubbate, ta durati hiit'e malaika d'ibiini dubbattu arge.

⁴Ta qara taani waan ta lameesotiini jette, Utaali, namicha kaima ka haada woini biimani harkaa qabuuni waan jettu, Taka tana diri Yerusalemu kunini guddate, namafi saileeni guute, naabole iti jaaru dad'abani.

⁵Ammalle AABBO Waaqi waan jed'e, Anini naabo ibida tahe dira kana marse guddinna kiyya ch'ufaani keesa qubad'a.

⁶AABBO Waaqi waan gumi isaatiini jed'e, Anini qara lafa ch'ufati isani bitineese, ammo ammatana, isani worri boojiani, kakaa, lafa Babiloni keesaa baqad'a, Yerusalemuti gala.

⁸Nami isani tuqe ya guma ilaa naa tuqe. Jennaani AABBO Waaqi Guddaani d'aamsa kanaani gara gosa gumi isaa saamte na erge waan jed'e.

⁹AABBO Waaqati isani had'e, nami duri isanii hojate garagale isani saama. Hojja woni kunini taate, nami ch'ufti aka AABBO Waaqi Guddaani na erge beekha.

¹⁰AABBO Waaqi waan jed'e, Gammada, sirba, worra Yerusalemu! Anini d'ufe isani keesa qubad'a!

¹¹Gaafasi gochiti hedduuni AABBO Waaqati d'ufte gumi isaa taati. Inni isani keesa tae, duuba isanileeni aka inni isaniti na erge beetani.

¹²Ammalle AABBO Waaqi lafa isaa qulqullo keesa Yuda d'aale Yerusalemu fohata.

¹³Nami ch'ufti AABBO Waaqa durati ch'allisa, wonti akanatiifi inni Mana ufii qulqullo keesaa kae d'ufuu jira.