Read BORANA BIBLE – KITAABA WAAQA Zekaria 4 Bible Online

Zekaria 4 - BORANA BIBLE – KITAABA WAAQA bible

Zekaria 4

¹Malaikaani naani dubbatte taani d'ufte, aka nama hiriba keesaa kaasani na kaafte,

²Maani agarta? jette na gaafatte. Anini waan jed'eeni, Anini waan ifseeni ira ejitu, ka worqiini mid'aasani, arga. Gubba isii d'ameela d'ad'aa jira, ammalle ifse torbati ira ejaanja, ta tamu bututu bobeesaniini torba qabdu.

³ Ammalle ejersa lamati d'aatu isi mirgafi bita jira.

⁴Jennaani anini malaika suniini, Aabbo, wonti kunini maani garsiifti? jed'e gaafad'e.

⁵Isiini waan naani jette, Atini imbeetu? Anini, Hiyo, Aabbo, imbeekhu jed'eeni. (

¹⁰ Malaikaani waan naani jette, Ifseeni torbaani ila AABBO Waaqa torba, ta lafa ch'ufa agartu.

¹¹ Jennaani anini waan jed'eeni, Mukhi ejersa ka mirgafi bita waan ifseeni ira ejitu jiru

¹²Ammalle dameeleeni ejersa lamaani ka d'uyumti worqi d'aatu jirtu, ta d'ad'aani keesaa yau, maani?

¹³Jennaani isiini waan naani jette, Atini imbeetu? Anini, Hiyo, Aabbo, imbeekhu jed'eeni.

¹⁴Jennaani isiini waan jette, Jari kuni lamaani worra Waaqi, abba lafa ch'ufaa, fohate muude aka worri huji isaa hojatu.) Waan Waaqi Zerubabelii kakhate Jennaani malaikaani suni waan naani jette, Tunini dubbi Waaqi Zerubabelini jed'e: Atini irreeniti yokhaani jabeennaniti lubbu tiyyaani wo dabsatta. Wonti guddooni gaara faakataleeni si duraa gorti. Atini Mana Waaqaa deebite jaarta; ammalle akuma atini d'akha eegee gubba keetuuni, biyyiti lalabde, Mana akana mid'aagu, mana akana mid'aagu taka agarte? jetti. Ammalle qonqooni d'ibiini gara AABBO Waaqaati nati d'ufte waan jette, Zerubabelini nama Mana Waaqa kana yayabe, ka hobaasuleeni isuma. Yo wonti kunini taate, gumiini tiyya, aka nami gara worra si erge ana, beeti. Waan hujiini tunini inarifanne laanuma deemtufi, worri lalefachuu jira. Ammo Zerubabeli, ka Mana Waaqaa illakimne jaaruma jaaru, argani gammadani.