Read BORANA BIBLE – KITAABA WAAQA 1 Makabayo 1 Bible Online

1 Makabayo 1 - BORANA BIBLE – KITAABA WAAQA bible

1 Makabayo 1

¹Namichi jabaani Eskanda jed'ani ka ilma Filipo ka worra Makedonia lafa Makedonia keesa bahe hayyu Ajemitifi ka Medi ka Dario jed'ani had'e, hayyuma isaa iraa fud'ate akanani lafa Griki ballise.

²Inni maro heddu duule, nama had'e dira heddu jabeesani jaarani qabe hayyoota lafa suni ch'ufa fit'e.

³Inni haga muumme lafaa, nama had'e gosa heddu boojie; inni lafa ch'ufa dabsannaani kiyyibe ufi koorse.

⁴Inni nama jajanna ch'ufa askarti tolfate, gosaafi nama isi fidu ch'ufa dabsate fide, damoosa iraa guurate.

⁵Eskandani ganna kud'ani lama lafa fide jennaani fayya d'abe aka duu ufi arge, duuba inni jara gugurda askarti isaa ka ijoolluma worri ch'ufti irati gugurdate lafa ufi ch'ufa gargari qoodeefi.

⁶

⁷

⁸Inni doonaani jari gugurda askarti isaa kaani namu lafa ufi fide,

⁹akasini worri ch'ufti kamu lafa ufiti hayyu ufi tolche. Hayyoota tana d'alooti isii bara heddu lafa fide hameenna gudda lafaani d'ufe.

¹⁰ Hayyichi ch'ubbicha tokoti jira ka Antioko Epifani jed'ani inni ilma hayyu Antioko ka lafa Shamu, ammalle inni hidda worra gugurda askarti Eskanda ka duri. Antioko Epifanini nama duri dira Rumi keesati hid'ani ato inni ganna 137 hayyu Shamu intaini.

¹¹Bara suni lafa Israeli keesa worra Yahudi hamama aada gula iyaane ka yokhaani Seera womatu indarre ka ammalle gosa teenna balleeseti jira. Worri sunini waan jed'e, Koota worra gosa d'ibitini woli d'anna nu worraani woli d'aqu dinne jennaani gaargali nu qabate.

¹²Dubbini tunini guddo nama heddu gammachiifte.

¹³Duuba nami gari dubbi suni guddo maache jennaani, gara hayyu d'aqe, innileeni aka worri aada gosa d'ibii gula yau ee jed'e.

¹⁴Dira Yerusalemu keesati, diida keesati woldogomani ka aka dira lafa Griki mid'aase waan aka naabotini marse jaare.

¹⁵ Worri gadanisa qabanqaba duri qabate ufira balleese, wold'aqisa qulqullo lakise, gosa d'ibiini wold'aqe woliini tae waan ch'ubbu hamtu ch'ufa tolche.

¹⁶Antiokoni huji isaa ta hayyuma keesati aka dansa jabaate jennaani, lafa Shamu male aka lafa Misiri had'e fidu heregate.

¹⁷Inni hobolo hedduufi askarti irre qabduufi gaari fardi hirkisufi arbaafi fardolele fud'ate lafa Misiri had'u d'aqe.

¹⁸Inni hayyu Tolemayo jed'ani had'e jennaani hayyuuni sunini isa duraa baqate askarti isaa hedule fit'ani.

¹⁹Antiokoni dira Misiri ka jabeesani jaarani dabsate qabe lafa ch'ufa soqate.

²⁰Ganna d'ibbaafi afurtami sadii eegi inni Misiri dabsate, inni askarti heddu fud'ate lafa Israelitifi dira Yerusalemu had'u d'aqe.

²¹Kiyyiba ufi keesa inni Mana Waaqa seene, waan aka mesa ka sorio irati baasani ka worqini mid'aasanifi waan ifseeni ira ejitufi miha isii ch'ufafi mesa

²²qit'a Aabbo Waaqa irati baasanifi mudunufi qorifi daboola worqi ka ch'ile ibida iti guuranifi gollafi sure hayyu boojie itini d'aabate. Ammalle inni worqi fuula Mana Waaqati mamat'ansani, ira bubuqifate,

²³qarsifi worqifi waan d'ibi ch'ufa ka gati qabuufi waan dansa olkeeyatanille ch'ufa itini d'aabate.

²⁴Duuba inni waan kana ch'ufa fud'ate lafa ufiti galfate, nama heddule fit'e guddo waan sunini ufi d'aade.

²⁵Lafa Israeli ch'ufa keesa fulla ch'ufa guddo laalefatani bohani.

²⁶Jari lafa fidu ka nama dura deemu laalefate bohe. Kaimi d'iiratifi ka uwaleni humna d'abe ufi jibbaate, mid'aagumti nad'eeni teenna ya ira bade.

²⁷Nami dubra fuud'u ch'ufti faaru boha d'aate, dubriti fuud'anileeni mana ufi keesa tetete booti.

²⁸Nama keenna ch'ufa ya ch'eeri ijeese. Lafti teennaleeni ya worraa jette chochote.

²⁹Ganna lama teennaani Antiokoni askarti heddu lafa Misia keesaa dira Yudeati erge. Askartini dira Yerusalemu seenani

³⁰nami isii gudda dubbi nagaya dubbate guddo worra sobe. Duuba maro tokotu dira suni aka hama had'e aka male balleese nama heddu fit'e,

³¹dirale soqate gube, maneenifi naabole ch'ach'abse.

³²Isaafi askartini isaa nad'eenifi ijoolle boojiani loonile fuud'ani.

³³Duuba Antiokofi askartini isaa naabo d'ed'eertufi doofi jajabdu lafa Mana Waaqatini mirgati jaarte, fulla jajabdu nyaapa iti ufira d'owani tolfatani.

³⁴Ammalle worri worra Yahudi ka gari ch'ubbicha seerafi aada ufi lakise fuud'e achiti galche.

³⁵Ammalle worri woraanafi worega artini d'ufe waan Yerusalemu keesa guurani ch'ufa artiti olkeeyate. Fullaani sunini guddo dira suni mudamsiifte.

³⁶Fullaani sunini Mana Waaqati d'iba taate; Israelilee hojja ch'ufa gaargala gudda taate.

³⁷Nama woma iyakini fulla sorio Waaqa iti baasanifiti d'iiga buusani, fulla qulqulloolee t'ureesani.

³⁸Worri Yerusalemu baqate, dira worrale nyaapi d'ibiini iti qubate. Worri duri Yerusalemu keesati d'alate ka eege lakise keesa baqate, diri sunini amma ya keessuma iti fakaate.

³⁹Mani Waaqa bade ona tahe lafa aloo fakaate; guyyaani jilaleeni ya guyya boha tahe, gammadi guyya Sabatoleeni ch'eera tahe.

⁴⁰Ch'eeri isaa haguma guddinna isaa ka duri kaani gaha, kiyyibi isaaleeni ya gargale boha guddo tahe.

⁴¹Jennaani Antiokoni nama lafa inni fidu ch'ufa keesa jiru tatabe tana iti erge aka, gochiti ch'ufti aada ufi lakifte nama taka taatu. Gosa d'ibi ch'ufafi gochiti Israelileeni hagi toko qonqo tatabe suni ee jette fud'ate. Worri aada worra waaqa imbeenne gula yae, waan harkaani boch'ani sorio baase aada Sabatole guutu lakise.

⁴²

⁴³

⁴⁴Hayyichileeni tatabe t'aafe namaani dira Yerusalemutifi dira lafa Yudea ch'ufati erge, waan worraani jed'e, Aada isani imbeenne tana gula yaa.

⁴⁵Sorio gubanifi mid'aani Waaqa baasanifi daad'ile d'ibaayu Waaqaa Mana Waaqa keesati imbaasina, aada Sabatotifi ta jila d'ibile injabeesina huji hojad'a.

⁴⁶Ammalle waan worraani jed'ani, Mana Waaqatifi miha qulqullo isaa keesa jirule t'ureesa.

⁴⁷Fulla waaqa d'araati sorio iti baasanifi maneeni waaqoota sunitifi fulla woyyu ta waaqoota d'araa suni jaara, booyyefi bineensa qulqullo intaini d'ibi sorio baasa.

⁴⁸Ilmaani teesani qabanqaba inqabina, kara dandeetani ch'ufaani ufi t'ureesa qulqulluma ufi d'owa,

⁴⁹aka akanani Seera Aabbo Waaqi Musani isanii kenne deetani jecha isaale lakiftani.

⁵⁰Nama qonqo hayyuuni jed'e tana guutu dide, inijeesani.

⁵¹Hayyichi tatabe tana lafa inni mohatu ch'ufati erge, ammalle nama biyya keesa yae aka nami qonqo tatabe suni guutu laalu tolche, dira Yudea ch'ufaani waaqa d'araati sorio baasa jed'e.

⁵²Duuba nami gosa Yahudi hedduuni Seera Waaqa lakise, qonqo jara hayyuuni erge taani gula yae. Worri hameenna ufitini lafa isaani t'ureese,

⁵³akanani worri Israeli ka d'uga gula yau fulla iti baqate worra dura d'okhatu barbaade.

⁵⁴ Guyya kud'ani shaneeso ka jia Kislevu jed'ani ganna d'ibbaafi afurtami shaneeso hayyichi waan jibbani ka nama rifachisa Mana Waaqa keesa fulla mesa sorio irati qalani old'aabe, ammalle dira Yudea ch'ufa keesa mesa sorio waaqa d'araati irati baasani jaare.

⁵⁵Maneeni ch'ufa duraafi kara ch'ufa keesati sorio waaqoota d'araati qaqalani.

⁵⁶Kitaaba Seera ka argani ch'ufa tatarsasani gubani,

⁵⁷ammalle nama kitaaba qulqullo harkati arganifi yokhaani ka Seera Waaqa guutule ch'ufa jecha hayyu gula fit'ani.

⁵⁸Worri ch'ubbichi kunini jia ch'ufa worra Israeli ka dira keesati qabani ch'ufa irre ufitini balleese.

⁵⁹Guyya diddami shaneeso ka jia suni jari hamamani sunini waan sorio waaqa d'araati irati jaarani gubbati sorio baase.

⁶⁰ Nad'eeni ilmaani isiiti qabanqaba qabde jecha hayyu gula fit'ani.

⁶¹Daima worraa mormati worra fafannisani, worra isaanitifi nama ijoolle suni qabanqaba qabeefile fit'ani.

⁶²Ammo worri Israeli nami hedduuni garaa jabaate jecha hayyu suni dide sagale qulqullo intaini nyaachu dide.

⁶³Worri fulla wold'aqisa qulqullo ch'abse sagale qulqullo intaini nyaatu dua fud'ate, akasini nami hedduuni raawate.

⁶⁴Waaqi dallansu ufitini worra Israeli guddo gaargalche.