Read BORANA BIBLE – KITAABA WAAQA 1 Makabayo 13 Bible Online

1 Makabayo 13 - BORANA BIBLE – KITAABA WAAQA bible

1 Makabayo 13

¹Simionini aka Trifoni duula gudda baase lafa Yudea had'e balleesu malate d'agaye.

²Inni aka qonqo tunini biyya naasifte lubbu nat'e arginaani Yerusalemu d'aqe biyya wolti yaame.

³Garaa jabeese waan jed'eeni isani waan anaafi worri kennaafi oboleyaani tiyya Seera Musatifi Mana Waaqati jenne taane imbeetani. Ammalle had'iisa nu nyaapani woli haanefi gaargala nu arganne imbeetani.

⁴Oboleyaani tiyya ch'ufa maro worri Seerafi Mana Waaqatifi gosa teenna ch'ufa jette nyaapa haatufi fit'ani nami hafe ana ch'alla,

⁵Waaqi naa didinna isanileeni imbeetani yo anini lubbu tiyya baasa jed'e, hojja gaargala wobaqad'e; anini waan oboleyaani tiyya ira goomu diqole ufi insehu.

⁶D'uguma gochiti d'ibiini taani ch'ufti nu jibbite, aka nu balleesitu wolti baate, ammo anini maro gosa tiyyaatifi Mana Waaqatifi nad'eenifi ijoolle teesaniti jed'e, nyaapa suni had'a.

⁷Biyyiti dubbi tana d'ageennaani aka male garaa jabaate,

⁸lalabde waan jette, Atini amma tana fulla oboleyaani tante Yudafi Yonathani: gudda keenna.

⁹Nyaapa nura had'i nuleeni waan atini nuni jette ch'ufa inguunna.

¹⁰Duuba Simionini askarti ch'ufa wolti baase hurrise naabo Yerusalemu jaare hobaase moga ch'ufa jabeese.

¹¹Inni Yonathani ilma Absolomi Yafati duula guddaani erge. Yonathanini kunini nama achi keesa jiru keesaa baase dira suniti qubate.

¹²Trifoni Tolomaisi keesa kae duula gudda fud'ate lafa Yudea had'u d'aqe, Yonathanileeni ka hid'aansa keesa jiru isa woliini jira.

¹³Simioni Adidaa afaani ballinnati qubate.

¹⁴Trifoni aka Simionini fulla oboleesa isaa Yonathani gudda Yahudi tahe, ammalle aka inni isa had'u fed'u hubannaani d'aamsa kana iti erge waan jed'e,

¹⁵Anini oboleesa kanke Yonathani ya hid'e harka qaba. Wonti akanatiifi inni gaafa guddinna qabu damoosa hayyu baasu malani baasu dide.

¹⁶Ammo ha taatuti yo atini qarsi kilo kuma sadi naa baafte, ammalle ilmaani isaa lama fulla isaa qabdo nat'e aka inni hojja gadi d'iisani gargale nu inhanne, anini inuma gadi d'iisa.

¹⁷Simionini ato aka worri tae isaa sobe beekhu qonqo erge beesefi ilmaani lamaani sunini naa koota jed'e, wonti, akanatiifi aka Yahudini isa haalate iti dallantu imfeene.

¹⁸Wonti inni sodaate aka Yahudini taka tana, wonti Yonathani ijeesanifi Simioniti beesefi ijoolle suni ergu dideefi isaa ijeesani jettu.

¹⁹Tanaafi inni dubbi Trifoni jed'e taani guute, ammo Trifoni dubbi ufi guutu dide kiyyibe Yonathani gadi d'iisu dide.

²⁰Duuba eegi suni Trifoni kara Adrotini gadi mare lafa had'e balleesu d'ufe. Ammo Simionifi duuli isaa fulla inni deemu ch'ufa gula marani.

²¹Askartini nyaapa ta maneeni jajabdu Yerusalemu keesa jirtu maro heddu qonqo Trifoti ergite waan jette, Hurrisi kara alootini woreegani nuti kooti.

²²Duuba Trifoni askarti isaa ta fardaani yaatu ch'ufa aka deemuni kurfeese. Ammo halkani suni lafti aka male qabanoofti bisaani adiini qabanaani ititani gubba gadi jigani. Duuba akasini inni gaareeni koru dad'abe, kae kee deebie lafa Gileadi d'aqe.

²³Baskamani banaani Yonathani ijeese achumati awaalani.

²⁴Jennaani Trifoni keesa deebie lafa ufiti gale.

²⁵Jennaani Simionini lafeele oboleesa isaa Yonathani nama iti erge guure Modini dira ababoota isaati awaale.

²⁶Nami Israeli keesa jiru ch'ufti aka hama laalefate bulti heddu Yonathani bohe,

²⁷ireesa abba isatifi oboleyaani isa gubbati waan aka dansa ireesa suni fagoleti garsiisa old'eerese d'akhaani jaare, duubafi durale d'akha boch'ani qulqulleesanini jaare duuche.

²⁸Ammalle qaabacha abba isaatifi haad'afi oboleyaani isaa afrani waan aka kooba jira torba wold'atuti d'akhaani jaare.

²⁹Inni utuba d'akha d'ed'eera mid'aase d'aatu waan suni d'ad'aabe utuba suni irati wo babareese. Wonti inni irati babareese suni ta gari miha lola ka keeyatani, ka garileeni hobolo. Wonti kunini ch'ufti waan aka worri isaani duri nyaapa dabsate nama qaabsiisati. Ka nami imaltu fagooti d'ufe ch'ufti dandae daawatu.

³⁰Ireesi inni Modini keesati jaare arale achuma jira,

³¹Gaafasi Trifoni hayyicha diqa Antioko jaeeso jed'ani, iti malate ijeese,

³²lafa Shamu ta inni qara mohatu fud'ate, gaargala hama lafa sunitini d'ufe.

³³Simionini maneeni jajabdu dira Yudea, doofi d'ed'eertufi naabo jajabdufi fullo sibiilaani ch'ufaani iti jaare, sagale achiti olkaye.

³⁴Inni nama gara hayyu Demetrio lameeso erge waan jed'e, Trifoni ya waan keenna ch'ufa saame nu balleese, damoosa nura infud'atina nu lakisa.

³⁵Demetrioni tatabe tana t'aafe deebiseefi:

³⁶Anini hayyu Demetrioni, Simioni qaallicha gudda jaala hayyootatifi gosa Yahuditifi jaarole worrale nagaya fuud'a.

³⁷Anini ruufa hayyuma ta worqitifi dame meet'i ta worqi ta isani naa ergitani yayu argad'e, ammalle anini kurfo jira aka nagaya woldubanne, nama keenna ka damoosa guurulleeni worra kana damoosa ira inguurina jed'u.

³⁸Waan duri nu iti wold'anne ch'ufa ya ee jed'e, ammalle maneeni jajabduni atini fulla gariti jaarteleeni teesanuma.

³⁹Anini jallufi wollaala isani haga arraati taatani ch'ufa ya biraa isani deeme. Ammalle damoosa naa baasu maltanile ya isaani araarame. Ammalle damoosa d'ibile ka haga arra Yerusalemu keesa guuranile deebiani isani ira inguurani.

⁴⁰Yahudini nami huji guutu ch'ufti ha huji tiyya qoratuti. Nageenni ha jiddu teenna jiraatuti koota nagayaani woliini teenna.

⁴¹Duuba ganna 170 tissoma worri gosa d'ibi gosa Yahuditini dabse ira fuud'ani.

⁴²Biyyiti tatabeefi woraqata ufi keesati guyya suni asi akana t'aafte: Ganna qara ka Simioni qaallicha gudda Yahudi matatifi ka ammalle inni abba duula.

⁴³Bara suni Simionini dira Gazara jed'ani marse askarti ufitini d'aatu qubate, inni waan ira ejaanjani dira had'ani ka dandaani lafa ira oofani naabo diraatini d'ufe, doofi dira suni toko had'e dabsate.

⁴⁴Duuba jari waan ira ejaanjani diraani had'ani ira ejaanju hurrise dira duude akanani dira suni keesa nami waan tau wollaale.

⁴⁵D'iiraafi nad'eeni ijoolleeni dira suni lalefatani, woya tatarsasani naabo dira korani. Duuba lalabani Simionini nagaya kad'atani waan jed'aani,

⁴⁶Nuu nahi, wollaala keenna biraa nuu deemi nu imballeesini.

⁴⁷Jennaani Simionini worraani wold'aqe, worrale had'u lakise. Inni dira keesa biyya gusse, maneeni qara waan harkaani boch'ani kad'atani keesa jirtu qulqulleese, isaafi jari isaa sirbe, faaru gammadatini dira seene.

⁴⁸Inni waan dira suni t'ureesa ch'ufa keesa baase nama Seera Musa guutu iti qubachise. Ammalle inni dira suni jabeese jaare, mana inni keesa taule jaare.

⁴⁹Jari maneeni jajabdu Yerusalemu keesa jiru, amma dira keesa bahe woma bite gurguru dad'abe. Akasini nama beelti qabate, nami hedduuni raawate.

⁵⁰Eege, worri Simioni booju kad'annaani, inni ee jed'e, maneeni jajabdu suni keesa worra baase maneeni suni qulqulleese.

⁵¹Guyya diddami sadeeso ka jia lameeso ganna 171, dira suni keesa jila guddo tolchani, wonti akanatiifi, nyaapa hama ya dabsatani lafa Israeli keesa baasani. Simionifi jari isaa maneeni jajabdu suni seene, sirbani faaru d'aatani galata Waaqa deebisani, meet'i harkati qaqabatani kirarifi bilbila d'aani.

⁵²Simionini seera baase waan jed'e, guyya kana ganna keesa ha gammadaani jila tolfatani inni naabo gaara Mana Waaqatini marsani ta fuula maneeni jajabduti deefatu jabeese, isaafi jaari isaa achi qubate.

⁵³Ilmi Simioni ka Yohana jed'ani, ka inni guddannaani Simionini gudda askarti isaa ch'ufa tolche, Gazarati qubate.