Read BORANA BIBLE – KITAABA WAAQA 1 Makabayo 14 Bible Online

1 Makabayo 14 - BORANA BIBLE – KITAABA WAAQA bible

1 Makabayo 14

¹Ganna 172 hayyuuni Demetrio lameeso jed'ani duula ufi baase lafa Media qarqaarsa barbaadu d'aqe aka Trifo had'u.

²Hayyichi Asake jaeeso jed'ani, ka lafa Ajemifi Media aka Demetrioni lafa isaa seene d'ageennaani namicha gudda askarti isaatifi askarti woliini erge, aka Demetrio jira qabani.

³Worri duula Demetrio had'e dabsate, Demetrio qabe hayyu Asaketini d'ufe, inni hid'aansa keesa kaaye.

⁴Lafti Yudea haga Simionini jiru ch'ufa nagaya argate. Haga lafa fide ch'ufa inni jabeenna ufitini waan gosa isaati olaana tolche, worri gammadani finna isaa keesa tae.

⁵Inni gaafa dira Yafa ka afaani baariini jiru dabsate qabe kara lafa bisaani jiddu jirtu ta Grikiti deemu baasise, gurra d'ibi darate.

⁶Inni lafa gosa isa ch'alla iti dare, lafa suni ch'ufa infud'anne,

⁷ammo nama heddu qaqabe boojie, Gazarafi Beth-Surifi maneeni jajabdu Yerusalemule dabsate qabe. Inni maneeni suni qulqulleese, duuba nami tokoleeni isaani imorkine.

⁸Yahudini nagayaani oobru ufi qotate, laftileeni mid'aani baafte mukhilleeni mid'aani baase.

⁹Kaimi woya mimid'aadu duulanini koore, jaaroleleeni, jiddu dira keesa teete waan duri tahe haasofte.

¹⁰Simionini dira ch'ufa sagale kenne, waan worri nyaapani ufi ira had'ulle worraa kenne. Gurri isaa lafa ch'ufa gahe.

¹¹Inni nagaya lafaani d'ufe, worri Israeli guddo gammade.

¹²Nami ch'ufti mukha ufi ka zabibitufi ka oda nagayaani jala tae, nami worra sodaachisu tokoleeni lafa keesa injiru.

¹³Bara suni hayyoota nyaapa ch'ufa dabsatani, nami lafa keesati hafe ka Yahudi had'u tokoleeni injiru.

¹⁴Simionini hiyyeeyi gosa isaa ch'ufa qarqaare, Seera Musa gula deeme worra hamama ch'ubbicha seera inguunne ch'ufa lafa keesaa balleese.

¹⁵Inni Mana Waaqa ch'okhe, miha woyyu ka mana sunile ch'ufa iti dare.

¹⁶Worri Rumitifi ka Sparta aka Yonathanini due d'ageennaani guddo laalefate bohe.

¹⁷Ammo worri Sparta aka Simionini hayyu gudda fulla oboleesa isaa tahe, diraafi lafa ch'ufa fidu d'ageennaani,

¹⁸ sibiila diima hafalicha irati dubbi wold'ageeti qara oboleyaani isaa Yudafi Yonathanini woliini tolfate qore, sibiila hafalicha suni iti erge.

¹⁹Dubbi tana gumi Yerusalemuti soomani.

²⁰Dubbini armati t'aafani tunini dubbi duri worri Sparta isati erge: Nu worri Spartatifi jari lafa fidulleeni, Simioni qaallicha guddaafi jaaroleeefi qaalole Yahuditifi oboleyaani teenna ta Yahudi ch'ufa nagaya fuuna.

²¹Nami isani gumi teennati ergitani yayu guddinnaafi ulfinna keesani nuti haasae. D'ufiisi worraa yayu nu gammachiise,

²²ammalle waan worri jed'e ch'ufa yayu kitaaba waan lafa teenna iti t'aafaniti t'aafani, akuma arma jalati t'aafani kana: Numenio ilma Antiokotifi Antipateri ilma Yasoni, jari gurra qabu ka Yahudini ergite, fulla teenna d'ufani aka wold'ageeti duri nu woliini qamnu jabeesani.

²³Gumiini teenna jara kana gammadani ulfeesite fud'ate; ammalle dubbi worra ch'ufa kitaaba waan lafa teenna keesati tahe iti t'aafaniti t'aafte, aka akanani worri Sparta dubbi tana aka dansa jabeese indeene. Dubbi akana tana d'ibi yayu qaallicha gudda Simioni jed'aani t'aafani.

²⁴Eegi suni Simionini Numeno wonte worqi guddo kilo d'ibba shani worra Rumiti erge, aka wold'ageeti qara worri woliini qabu taani jabeesu.

²⁵Worri Israeli dubbi tana ch'ufa d'ageennaani waan woliini jed'ani, Nu akami dandeenne Simionifi oboleyaani isaati galata deebimna?

²⁶Isaafi oboleyaani isaatifi worri isaani ch'ufti yayu jabaate nyaapa nura had'e, gosa teenna balchoomse. Duuba dubbi tana sibiila diima hahafalicha irati t'aafani, gaara Sioni irati utuba old'ad'abani iti mat'ansani.

²⁷Dubbini irati t'aafani suni tana: Guyya kud'ani saddeeti ka jia Eluli jed'aani, ganna 172 akasi jechaani ganna sadeeso ka Simionini haga qaallu gudda tahe tae.

²⁸Kora gudda qaaloleefi gumifi worra gugurdafi jaaroleeni lafa korate keesati dubbi arma jalati t'aafani tana nuti himani:

²⁹Maro heddu ka lafa teenna had'ani Simioni ilma Matathia, ka qaallu Yoaributifi oboleyaani isaa lubbu ufi jibbaate, gosa teennafi Mana Waaqa keennatifi Seera kennale, nyaapa keenna ira d'owarte. Worri ulfinna gudda gosa teennatini d'ufe.

³⁰Yonathanini qaallicha gudda tahe, ato induini gosa teenna taka tolche.

³¹Nyaapi Yahudi aka lafa teenna had'e t'ureesu malate.

³²Jennaani Simionini d'ufe, lafa ufiti jed'e nyaapa suni had'e. Inni beese ufi guddo baase miha lola duula gosa isaati bite.

³³Inni dira Yudea jabeese jaare, keesuma dira Beth-Suri ka afaani seera fulla duri miha lola ka nyaapa iti olkaani. Inni askarti gari achiti lakise.

³⁴Inni dira Yafa ka afaani Baariinitifi dira Gazara ka afaani seera lafa Ashdodi ka duri askartini nyaapa iti galtulle jabeese jaare. Ammalle inni Yahudi achiti qubsiise, nama dira suni waan inni fed'u ch'ufa kenneefi.

³⁵Biyyiti aka Simionini gosa ufi, jabeese, gurra dansaani iti d'ufu fed'u arginaani qaallicha gudda isaa tolchani isa jalati bulani, waan inni waan kana ch'ufa tolcheefi ammalle maro inni d'ugaani lafa d'ufe gosa isale jabeesefi.

³⁶Bara inni lafa fide suni nama gosa d'ibi lafa keesa gussani. Askarti nyaapa maneeni jajabdu Mana Waaqatini mirga ta qara isiini keesa yaate Mana Waaqa qulqullo t'ureesitu keesa gussani.

³⁷Simionini Yahudi maneeni jajabdu suni keesa qubachise maro nagaya lafati jed'e, maneeni suni jabeese, ammalle naabo dira ch'ufa iti dare old'eerese.

³⁸Tana gula hayyichi Demetrio jed'ani, huji isaa ta qaalluma iti quufe,

³⁹jaala hayyu jed'e isa yaame, ulfinna gudda kenneefi.

⁴⁰Wonti Demetrioni akasi tolcheefi, inni aka worri Rumi worra Yahudi jaalafi golifi oboleyaani jed'uuni d'agaye, ammalle worri nama Simionini iti erge ulfeese fud'ate.

⁴¹Tanaafi Yahudifi qaaloleeni isanileeni, aka Simionifi ilmaani isaa qaalole gugurdo worraa taatu ee jed'ani haga raagi d'ugaa gadi d'ufuti.

⁴²Simionini lafa isaani fide Mana Waaqa gudda iti tahe abba duula worrale taha. Inni miha lolaatifi maneeni jajabdufi huji lafa suni ch'ufa abba iti taha.

⁴³Biyyiti waan ch'ufaani isaa saalfachu malte, huji serikala ch'ufa haga beesisa isa ira kayaaniti nama inqorani. Inni worqifi woya bule diimtu keeyata.

⁴⁴Nami tokoleeni qaallufi nama d'ibile tanaani, dandae dubbi tana garaingalchu. Yokhaani dubbi Simionini jed'e dandae imormuni yokhaani isaa male nama inkoru yokhaani woya bule diimtu keeyate worqi gurmuti inaqatu.

⁴⁵Nama dubbi tana tuffate gula deemu didu gaargalchu malani.

⁴⁶Biyyiti woligalte aka Simionini dubbi tana ch'ufa gula deeme sunini lafa fidu buufate.

⁴⁷Simionini Ee jed'e, gudda worraatifi qaallu guddaafi abba duulatifi nama Yahudifi qaalole fidu tahe.

⁴⁸Ammalle woli galani waan jed'ani: dubbi tana ha sibiila diima hafalicha irati t'aafani,

⁴⁹d'aatu Mana Waaqa fulla nami argu kayani, fulla beese Mana Waaqa iti olkayaniti dubbi tanale t'aafani olkayani, aka Simionifi ilmaani isaa yo fed'ani soomani.